30लाख रुपयाचे कस्टम चे सोने 20लाख रुपयात देतो म्हणून फसवणूक करणाऱ्या दोघां विरुद्ध अकलूज पोलीस स्टेशन मध्ये गुन्हा दाखल.
अकलुज(प्रतिनिधी) 30 लाख रुपयांचे कस्टमचे सोने 20 लाख रुपयात देतो. असे म्हणत सातारा जिल्ह्यातील आरोपीने अकलुज येथील व्यापाऱ्यास 20 लाखांना फसविण्यात आल्याची तक्रार अकलुज पोलीसात दाखल झाली.याबाबत पोलीस सुत्रांकडुन मिळालेली सविस्तर माहिती अशी की, फिर्यादी बाबासाहेब मारुती भोळे( वय 42वर्ष) रा- राऊत नगर,अकलूज. तालुका- माळशिरस,यांना आरोपी विजय शिवाजी भोंडवे , जयदीप विजय भोंडवे दोघे राहणार निढळ, तालुका खटाव. जिल्हा सातारा. यांनी स्वतःच्या आर्थिक फायद्यासाठी 20 लाख रुपयांमध्ये कस्टम चे 30 लाख किमतीचे सोने देतो.असे खोटे सांगितले .त्यानंतर 10/12/2020 ते आजपर्यंत या कालावधीमध्ये आरोपींना रोख 16 लाख रुपये व जयदीप विजय भोंडवे यांच्या बँक ऑफ महाराष्ट्र शाखा पुसेगाव. तालुका -खटाव येथील खाते क्रमांक 68023228185 या खात्यावर वेळो वेळी 4लाख असे एकुण 20 लाख रुपये घेऊन 30 लाख रुपये किमतीचे कस्टम चे सोने देतो असे खोटे सांगून फिर्यादीची फसवणूक केली. आपली फसवणुक झाल्याचे लक्षात आल्यानंतर फिर्यादीने दिलेली रक्कम परत मागितली असता आरोपीने अकलूज येथे येऊन शिवीगाळ दमदाटी करून मारहाण केली आहे. अशा आशयाची फिर्याद बाबासाहेब मारुती भोळे( वय 42वर्षे )रा – राऊत नगर.अकलूज.तालुका- माळशिरस अकलुज यांनी दाखल केली आहे. त्यांच्या तक्रारीनुसार अकलुज पोलीस ठाण्यात गु. र. नं. 370/2022 भा द वि कलम 420,323,504,506,34 प्रमाणेगुन्हा दाखल झाला असुन पोलीसांनी विजय शिवाजी भोंडवे यास अटक केली आहे.घटनेचा पुढील तपास अकलूज पोलीस स्टेशन चे पोलीस निरीक्षक अरुण सुगावकर यांच्या मार्गदर्शनाखाली स. पो. नि.मारकड हे करीत आहेत.
