इंदापूर (प्रतिनिधी )गर्भलिंग तपासणी करणाऱ्या टोळीचा इंदापूर येथील वैद्यकीय अधिकारी आणि पोलीस यांनी पर्दाफाश केला असून सदर गर्भलिंग तपासणी कारवाई मध्ये माळशिरस तालुक्यातील कोळेगाव येथील दोन डॉक्टर एक महिला यांचा समावेश आहे.दि १३ मे रोजी इंदापूरच्या वैद्यकीय पथकाने पोलिसांच्या मदतीने बेकायदेशीर गर्भलिंग निदान करणाऱ्या टोळीचा पर्दाफाश केला असून, ही कारवाई इंदापूरचे उप जिल्हा रुग्णालयाचे वैद्यकीय अधीक्षक डॉ. संतोष खामकर व इंदापूर पोलिस यांच्या संयुक्त कारवाईने झाली. वैद्यकीय अधीक्षक डॉ संतोष खामकर यांना मिळालेल्या माहितीवरून इंदापूर पोलिस स्टेशन हद्दीमध्ये एका बलेनो कार (एम एच.सी जी ८०१६ )या चार चाकी गाडी मध्ये काही लोक फिरवून गर्भवती महिलांची बेकायदेशीरपणे गर्भाचे लिंग परीक्षण करीत आहेत. अशा माहितीवरून सदरची कारवाई करण्यासाठी डॉक्टर संतोष खामकर यांनी इंदापूर पोलिसांची मदत घेतली. या कारवाईमध्ये सहाय्यक पोलीस निरीक्षक नागनाथ पाटील व इतर पोलिस कर्मचाऱ्यांनी भाग घेतला. संशयित कारचा शोध घेतला असता कार मौजे सुरवड येथील भांडगाव रोड जवळ थांबलेली दिसली. त्याच वेळी छापा टाकला असता संशईत दोन इसम एका गर्भवती महिला गर्भ तपासणी करताना आढळून आले. सदर तपासणी करणाऱ्यांची विचारपूस केली असता त्यांनी त्यांची नावे १) प्रवीण पोपटराव देशमुख (वय 32 )राहणार- राजाळे तालुका -फलटण जिल्हा सातारा २) कौशिक अहमद शेख (वय ३०) राहणार- राजाळे तालुका फलटण जिल्हा सातारा असे सांगितले सदर कार मध्ये लिंग परीक्षण करणाऱ्या दोन मशीन दोन मोबाईल व इतर वैद्यकीय साहित्य मिळाले ते सर्व साहित्य वैद्यकीय अधीक्षक डॉक्टर संतोष खामकर उपजिल्हा रुग्णालय इंदापूर यांनी पंचांसमक्ष जप्त केले. ताब्यात घेतलेल्या इसमाकडे सखोल चौकशी केली असता त्यांनी असे सांगितले की,कोळेगाव तालुका माळशिरस जिल्हा सोलापुर येथील डॉ सुशांत हनुमंत मोरे,डॉ हनुमंत ज्ञानेश्वर मोरे, सौ कमल हनुमंत मोरे यांनी मिळून आतापर्यंत अनेक गर्भवती महिलांची गर्भाचे लिंग परीक्षण केले आहे.तसेच सध्या तपासणीसाठी आलेल्या गर्भवती महिलेला त्याच डॉक्टरांनी पाठवले आहे. त्यामुळे वरील आरोपीविरुद्ध पीसीपीएनडीटी कायद्यानुसार कलम २३,२५ व२९ नुसार प्रथम वर्ग दंडाधिकारी इंदापूर यांच्या न्यायालयात डॉ संतोष मारुतीराव खामकर वैद्यकीय अधीक्षक उपजिल्हा रुग्णालय इंदापूर यांनी कायदेशीर फिर्याद दिली.सदर कारवाई डॉ. माधव कणकवळे जिल्हा शल्य चिकित्सक औंध पुणे यांच्या मार्गदर्शनाखाली डॉ संतोष खामकर वैद्यकीय अधीक्षक उपजिल्हा रुग्णालय इंदापूर सोबत डॉ एकनाथ चंदनशिवे वैद्यकीय अधीक्षक बावडा ग्रामीण रुग्णालय, डॉ श्रीकृष्ण खरमाटे सहाय्यक अधीक्षक उपजिल्हा रुग्णालय इंदापूर ,डॉ अमोल खनावरे वैद्यकीय अधिकारी बावडा ग्रामीण रुग्णालय यांच्या टीमने पोलिसांच्या मदतीने संयुक्त कारवाई केली सदरची कारवाई डॉ अभिनव देशमुख पोलीस अधीक्षक पुणे ग्रामीण, मा. मिलिंद मोहीते अप्पर पोलीस अधीक्षक बारामती, तसेचमा गणेश इंगळे उपविभागीय पोलीस अधिकारी बारामती यांच्या मार्गदर्शनाखाली इंदापूरचे प्रभारी पोलीस निरीक्षक मा.प्रदीप सूर्यवंशी सहाय्यक पोलीस निरीक्षक नागनाथ पाटील सहाय्यक फौजदार के बी शिंदे, महिला पोलीस हवालदार खंडागळे, पोलीस नाईक मोहिते,ए एच टीयु पथकाचे पोलिस निरीक्षक चव्हाण, महिला पोलीस उपनिरीक्षक माधुरी देशमुख यांनी मिळून कारवाई केली आहे.
