सीसीएमपी डॉक्टरांच्या प्रश्नांवर चंद्रकांतदादांची सकारात्मक भूमिका; मागण्या मान्य होईपर्यंत सत्कारास नकार
पुणे, दि. २७ जून : महाराष्ट्रातील सीसीएमपी पात्र व होमिओपॅथिक डॉक्टरांच्या प्रलंबित न्याय्य मागण्यांसंदर्भात सीसीएमपी होमिओपॅथिक डॉक्टर्स असोसिएशन, कोथरूड विधानसभा, पुणे यांच्या शिष्टमंडळाने आज मा. ना. श्री. चंद्रकांतदादा पाटील यांची सदिच्छा भेट घेऊन सविस्तर निवेदन सादर केले.
यावेळी महाराष्ट्र मेडिकल कौन्सिलमध्ये सीसीएमपी पात्र डॉक्टरांची नोंदणी, शासकीय आरोग्य सेवेत समावेश, डॉ.सावरीकर समितीच्या शिफारशीची अंमलबजावणी,महाराष्ट्र कौन्सिल ऑफ होमिओपॅथीची निवडणूक, तसेच विविध शासकीय योजनांमध्ये होमिओपॅथिक डॉक्टरांना समान संधी देण्यासह विविध प्रलंबित मागण्यांवर सविस्तर चर्चा करण्यात आली
.डॉक्टरांच्या समस्या आणि त्यांच्या अनेक वर्षांच्या संघर्षाची दखल घेत मा. ना. चंद्रकांतदादा पाटील यांनी अत्यंत सकारात्मक भूमिका घेत, “जोपर्यंत होमिओपॅथिक डॉक्टरांच्या न्याय्य मागण्या मान्य होत नाहीत, तोपर्यंत मी तुमचा सत्कार स्वीकारणार नाही,” असे स्पष्ट शब्दांत आश्वासन दिले.
त्यांच्या या भूमिकेमुळे राज्यातील हजारो होमिओपॅथिक डॉक्टरांमध्ये नव्या आशा निर्माण झाल्या आहेत.चंद्रकांतदादा पाटील यांनी येत्या अधिवेशनात या विषयाचा पाठपुरावा करून संबंधित विभागांशी चर्चा करण्याचे तसेच डॉक्टरांच्या मागण्यांबाबत सकारात्मक निर्णयासाठी प्रयत्न करण्याचे आश्वासन दिले.
या प्रसंगी उद्योजक समीर पाटील,स्मिता पाटील,डॉ. बाळकृष्ण गायकवाड (प्रदेशाध्यक्ष), डॉ. अजय तायडे पाटील (प्रदेश सचिव), डॉ. अमित भस्मे (प्रदेश उपाध्यक्ष), डॉ. राजकुमार अंबड (अध्यक्ष), डॉ. गिरीधरलाल पणीकर, डॉ. गायत्री वहाळकर,डॉ.रविंद्र सोनार,डॉ. दयानंद पवार, डॉ. महेश पाटोळे,डॉ. विश्वास बिनवडे, डॉ. निलेश कठारिया, डॉ. प्रदीप म्हेत्रे, डॉ. प्रवीण मेहेर, डॉ. मोनिका कानडे, डॉ. कैलास पारेख, डॉ. अमोल सोमसेटवार, डॉ. संताजी कदम, डॉ.तोष्णीवाल,डॉ.गीता शाह,डॉ. अनिकेत पारनाईक आणि डॉ. निलेश सावंत उपस्थित होते.
महाराष्ट्रातील हजारो होमिओपॅथिक डॉक्टरांच्या न्याय्य हक्कांसाठीचा हा लढा आता निर्णायक टप्प्यात पोहोचला असून, चंद्रकांतदादा पाटील यांच्या सकारात्मक भूमिकेमुळे राज्यातील होमिओपॅथिक डॉक्टरांमध्ये नवचैतन्य निर्माण झाले आहे.
