लोकराजा राजर्षी छत्रपती शाहू महाराज जयंतीनिमित्त अंगणवाडीतील बालकांना गणवेश व खाऊचे वाटप
लोकराजा राजर्षी छत्रपती शाहू महाराज यांच्या जयंतीनिमित्त प्रभाग क्रमांक ९ मधील नगरसेविका सौ. प्रतिभा विलासनंद गायकवाड यांच्या वतीने एकात्मिक बाल विकास प्रकल्प, माळशिरस अंतर्गत अकलूज येथील अंगणवाडीत देऊळवाले समाजातील बालकांना गणवेश व खाऊचे वाटप करण्यात आले.
यावेळी नगरसेविका प्रतिभा गायकवाड यांनी अंगणवाडीला भेट देऊन तेथील अडीअडचणी जाणून घेतल्या.
तसेच देऊळवाले समाजातील अनेक मुला-मुलींच्या जन्माचा पुरावा उपलब्ध नसल्याने त्यांना आधार कार्ड काढण्यात अडचणी येत असल्याची बाब समोर आली.
यावर संबंधित भागात आधार कार्ड नोंदणीसाठी विशेष शिबिर आयोजित करण्यात येईल, असे आश्वासन त्यांनी उपस्थित माता-भगिनींना दिले
.या कार्यक्रमास ज्येष्ठ पत्रकार भाग्यवंत लक्ष्मण नायकुडे, विलासनंद विठ्ठल गायकवाड, सम्यक विचार मंचाचे अध्यक्ष लक्ष्मण नामदेव खंडागळे, शुभम विकास सोंडे, वैष्णवी शुभम सोंडे, तक्षशील संतोष गायकवाड, आदिनाथ मोहन जाधव, सतीश आडगळे, शिवाजी दादासाहेब मागाडे, अंगणवाडी सेविका सुजाता संदीप शहा तसेच मदतनीस प्रियंका रुपेश पोटे उपस्थित होते. कार्यक्रमाच्या यशस्वी आयोजनासाठी बालविकास प्रकल्प अधिकारी बालाजी अल्लडवाड यांचे मोलाचे मार्गदर्शन लाभले
