जिद्द, चिकाटी आणि कष्टाच्या जोरावर गायत्री क्षीरसागरची मुंबई पोलीस दलात निवड
संग्रामनगर (प्रतिनिधी : संजय लोहकरे)पंचवटी (अकलूज) येथील कु. गायत्री रत्नकांत क्षीरसागर (वय २१) हिची मुंबई शहर पोलीस दलात नुकतीच निवड झाली आहे.
महाविद्यालयीन शिक्षण पूर्ण होत असतानाच मिळालेल्या या यशामुळे तिच्यावर सर्व स्तरांतून अभिनंदनाचा वर्षाव होत आहे.
गायत्रीने आपल्या आई-वडिलांच्या कष्टांचे सार्थक करत त्यांचे स्वप्न साकार केले आहे.गायत्रीचे कुटुंब आर्थिकदृष्ट्या साधारण परिस्थितीतील आहे.
तिचे वडील रत्नकांत त्रिंबक क्षीरसागर हे एका हॉटेलमध्ये काम करतात, तर आई सौ. उमा रत्नकांत क्षीरसागर या शेतमजुरी करून कुटुंबाचा उदरनिर्वाह करतात.
प्रतिकूल परिस्थितीतही त्यांनी आपल्या मुलांना शिक्षण देऊन स्वावलंबी बनविण्यासाठी सातत्याने प्रोत्साहन दिले.कुटुंबात चार मुली आणि एक मुलगा असा परिवार आहे. एका मुलीचा विवाह झाला असून दुसरी मुलगी डीएमएलटीचे शिक्षण घेत आहे.
तर जुळी बहीण आणि भाऊ दहावीचे शिक्षण घेत आहेत.गायत्रीला समरजीत करिअर अकॅडमीचे आप्पासाहेब तोरणे सर यांचे मार्गदर्शन लाभले. त्यांनी तिला मैदानी चाचण्या व पोलीस भरतीसाठी आवश्यक प्रशिक्षण दिले.
तसेच मनोज गरगडे सर यांनी लेखी परीक्षेचा सराव करून घेतला.लहानपणापासूनच पोलीस अधिकारी होण्याचे स्वप्न बाळगणाऱ्या गायत्रीचे हे स्वप्न आता पूर्ण झाले आहे.
भविष्यात पोलीस उपनिरीक्षक (PSI) होण्याचे तिचे ध्येय आहे.गायत्रीचे इयत्ता पहिली ते चौथीपर्यंतचे शिक्षण जिल्हा परिषद प्राथमिक शाळा, पंचवटी येथे झाले. पाचवी ते बारावीपर्यंतचे शिक्षण द मॉडेल विविधांगी प्रशाला येथे पूर्ण केले . त्यानंतर तिने अकलूज येथील शंकरराव मोहिते महाविद्यालयातून कला शाखेत शिक्षण घेतले. महाविद्यालयाच्या प्रथम वर्षात असतानाच तिने पोलीस भरतीची तयारी सुरू केली आणि तृतीय वर्षात असतानाच पोलीस पदासाठी तिची निवड झाली.
प्रतिक्रिया”आमच्या मुलांवर आमच्यासारखी मजुरी करण्याची वेळ येऊ नये, यासाठी आम्ही त्यांना चांगले शिक्षण दिले. त्यांनी उच्च शिक्षण घेऊन स्वतःच्या पायावर उभे राहावे, हीच आमची अपेक्षा होती. गायत्रीने आज ती अपेक्षा पूर्ण केली आहे.” — रत्नकांत त्रिंबक क्षीरसागर (वडील) हार्दिक अभिनंदन कु. गायत्री क्षीरसागर! तिच्या पुढील वाटचालीसाठी मनःपूर्वक शुभेच्छा. 🌹🏅👏
#गायत्री_क्षीरसागर#MumbaiPolice#PoliceBharti#SuccessStory#Inspiration#WomenEmpowerment#GirlPower#HardWorkPaysOff#DreamsComeTrue#ProudMoment#Akluj#Panchvati#Maharashtra#जिद्द#चिकाटी#कष्टाचेफळ#यशोगाथा#मुलींचाअभिमान#पोलीसभरती#महिला_सक्षमीकरण#संघर्षातून_यश#अभिनंदन#प्रेरणादायी#युवाशक्ती#महाराष्ट्राचा_अभिमान
