”माळशिरस पंचायत समितीवर मोहिते-पाटलांचा डंका; वैष्णवीदेवींच्या गळ्यात सभापतीपदाची माळ पडणार?”
अकलूज (गणेश जाधव )माळशिरस पंचायत समितीच्या 2026च्या निवडणुकीनंतर सभापती पदासाठी राजकीय हालचालीना वेग आला असून,माळशिरस पंचायत समितीचेसभापतिपद सर्वसाधारण गटासाठी आरक्षित असून, या पदासाठी राष्ट्रवादी (शरद पवार) यशवंतनगर गणातून नूतन सदस्या तथा माजी सभापती वैष्णवीदेवी मोहिते-पाटील यांना गत वेळेसचा अनुभव असल्याने तसेच सर्वाधिक मताधिक्याने गणात निवडून आल्याने सभापती पदासाठी संभाव्य दावेदार आहेत.
नुकतीच मतमोजणी प्रक्रिया पार पडली.यात राष्ट्रवादी (शरद पवार) व मित्र पक्षांनी १८ पैकी १२ गण जिंकून माळशिरस पंचायत समितीवर बहुमत प्राप्त केले आहे.यंदा सभापतिपद सर्वसाधारण गटासाठी आरक्षित असल्यामुळे सभापतिपदासाठी वैष्णवीदेवी मोहिते पाटील यांचे नाव चर्चेत आले आहे.
राष्ट्रवादी (श.प.), राष्ट्रवादी (अ.प.), शिंदेसेना, उद्धवसेना व रिपाइं सहकारी पक्षात नूतन सदस्या वैष्णवीदेवी मोहिते पाटील या सर्वाधिक मताधिक्याने निवडून आल्या आहेत.
त्यांनी मागील वेळी सभापती भूषविले असल्यामुळे माळशिरस तालुका पंचायत समिती सभापतिपदाच्या संभाव्य दावेदार मानले जात आहे.
माळशिरस पंचायत समितीच्या २०२६ च्या निवडणुकीत यशवंतनगर गणातून विक्रमी मताधिक्याने निवडून आलेल्या वैष्णवीदेवी मोहिते-पाटील सध्या तालुक्याच्या राजकारणातील सर्वात चर्चेचे नाव ठरल्या आहेत.
वैष्णवीदेवी अर्जुनसिंह मोहिते या मोहिते-पाटील घराण्याच्या तिसऱ्या पिढीचे प्रतिनिधित्व करीत आहेत.त्या माजी उपमुख्यमंत्री विजयसिंह मोहिते-पाटील यांच्या नात आणि धैर्यशील मोहिते-पाटील (खासदार, माढा लोकसभा) यांच्या कुटुंबातील सदस्य आहेत.
मोहिते-पाटील घराण्यातील महिलांनी प्रत्यक्ष निवडणुकीच्या रिंगणात उतरणे ही तालुक्यासाठी मोठी राजकीय घटना मानली जाते.डॉटर मॉम फौंडेशन च्या अध्यक्षा सौ. शितलदेवी मोहिते पाटील या देखील पूर्वी जिल्हा परिषद सदस्या होत्या. आता सुद्धा त्या सक्रिय आहेत. खासदार धैर्यशील मोहिते पाटील यांच्या विजयात देखील त्यांचा मोठा वाटा होता.
२०२६च्या निवडणुकीत यशवंतनगर पंचायत समिती गण.मधून वैष्णवीदेवी यांनी७,५६० मते मिळविली.५,७२९ मताधिक्य घेतले.त्यांनी भाजपचे उमेदवार अशोक एकतपुरे यांचा एकतर्फी पराभव केला.
सुशिक्षित आणि तरुण चेहरा म्हणून त्यांनी अल्पावधीतच महिला आणि तरुणांमध्ये आपली ओळख निर्माण केली आहे.२०२४ च्या लोकसभा निवडणुकीत खासदार धैर्यशील मोहिते-पाटील यांच्या प्रचारासाठी त्यांनी संपूर्ण मतदारसंघ पिंजून काढला होता, ज्याचा फायदा त्यांना स्वतःच्या निवडणुकीत झाला.
प्रभावी भाषणशैली आणि लोकांशी संवाद साधण्याची हातोटी यामुळे त्यांच्या सभांना मोठी गर्दी होत असते.
वैष्णवीदेवी मोहिते-पाटील यांनी यापूर्वीही माळशिरस पंचायत समितीचे सभापती पद भूषवले आहे. त्यांच्या या अनुभवामुळेच २०२६ च्या निवडणुकीतील त्यांचा विजय अधिक महत्त्वाचा ठरतो
.त्यांनी यापूर्वी सभापती म्हणून काम केल्यामुळे त्यांना पंचायत समितीच्या प्रशासकीय कामकाजाचा (उदा. विकास निधीचे वाटप, विविध शासकीय योजनांची अंमलबजावणी) दांडगा अनुभव आहे
. यामुळेच राष्ट्रवादी काँग्रेस (SP) पुन्हा एकदा त्यांच्याकडे नेतृत्व सोपवण्याची दाट शक्यता आहे.
पूर्वी सभापती असताना केलेल्या विकासकामांच्या जोरावरच त्यांनी २०२६ च्या निवडणुकीत ५,७२९ मतांचे विक्रमी मताधिक्य मिळवले आहे. मतदारांनी त्यांच्या मागील कार्यकाळातील कामगिरीवर ‘शिक्कामोर्तब’ केल्याचे या निकालातून दिसते.
मोहिते-पाटील घराण्याने गेल्या काही वर्षांत कुटुंबातील महिलांना राजकारणात सक्रिय संधी दिली आहे. वैष्णवीदेवी यांनी सभापती म्हणून आपली क्षमता सिद्ध केल्यामुळेच, पक्षाने त्यांना पुन्हा एकदा निवडणुकीच्या रिंगणात उतरवले आणि त्यांनी ते सार्थ ठरवले.
त्यांच्या अनुभवामुळे पक्षांतर्गत इतर सदस्यांपेक्षा त्यांचे नाव सभापती पदासाठी ‘नंबर १’ वर आहे.पंचायत समितीत राष्ट्रवादी काँग्रेसला (SP) सर्वाधिक ९ जागा मिळाल्या आहेत. वैष्णवीदेवी यांनी मिळवलेले रेकॉर्डब्रेक मताधिक्य आणि त्यांची अभ्यासू वृत्ती पाहता, पंचायत समितीच्या सभापती पदासाठी त्यांचे नाव आघाडीवर आहे.
वैष्णवीदेवी मोहिते-पाटील यांच्या विजयाने मोहिते-पाटील घराण्याने आपला यशवंतनगर हा ‘होम पीच’ किती भक्कम आहे, हे पुन्हा एकदा सिद्ध केले आहे.
यापूर्वी माढा लोकसभा मतदार संघाचे विद्यमान खासदार धैर्यशील मोहिते पाटील हे देखील पंचायत समिती चे सभापती होते.तर 2026च्या निवडणुकीत फोंडशिरस जिल्हा परिषद गटातून निवडून आलेले अर्जुनसिंह मोहिते पाटील हे देखील उपसभापती होते.
एकूणच माळशिरस पंचायत समिती च्या सभापती पदासाठी वैष्णवीदेवी अर्जुनसिंह मोहिते पाटील या प्रबळ दावेदार आहेत. एवढे मात्र निश्चित.
