अकलूज नगरपरिषदेच्या निवडणुकीसाठी १५१ उमेदवारांचे सदस्य पदासाठी अर्ज दाखल तर नगराध्यक्ष पदासाठी ७ अर्ज दाखल.
अकलूज (प्रतिनिधी) अकलूज नगरपरिषद निवडणूकीचा अर्ज दाखल करण्याच्या शेवटच्या दिवशी विविध राजकीय पक्षातील उमेदवारांनी निवडणूक कार्यालयात गर्दी केली होती. शेवटच्या दिवशी भारतीय जनता पक्ष,राष्ट्रवादी काँग्रेस पक्ष (शरदचंद्र पवार) गट,राष्ट्रवादी काँग्रेस पक्ष (अजित पवार) गट,महाराष्ट्र विकास सेना पक्ष व अपक्ष उमेदवारांनी अर्ज दाखल करण्यासाठी मोठी गर्दी केली होती.
त्यामुळे अर्ज स्विकारण्याची प्रक्रिया संध्याकाळ पर्यंत सुरू होती.यामध्ये १५१ उमेदवारांनी नगरसेवक पदासाठी अर्ज दाखल केले आहेत व नगराध्यक्ष पदासाठी सात उमेदवारांनी अर्ज भरले आहेत.
18नोव्हेंबर रोजी सर्व अर्जांची छाननी होणार आहे तर दि.१९ ते २१ नोव्हेंबर उमेदवारी अर्ज माघारी घेण्याचा आहे.दि.२२ ते २५ नोव्हेंबर न्यायालयीन काही प्रकरण प्रलंबित त्यासाठी आहे.दि.२६ नोव्हेंबरला निवडणूक चिन्हांचे वाटप होणार आहे व दि.२७ नोव्हेंबर पासून प्रचाराला प्रारंभ होणार आहे.दि.२ डिसेंबरला मतदान होणार असून दि.३ डिसेंबरला मतमोजणी होवून निकाल घोषित करण्यात येणार आहे.
चौकट
अकलूज नगरपरिषदेच्या पहिल्या निवडणुकीत अर्ज भरण्याच्या वेळी मोहिते-पाटील समर्थक व राम सातपुते समर्थक यांच्यात नगरपरिषदेच्या समोर घोषणाबाजी चालू होती.त्यामुळे काही काळ वातावरण तंग होते पण अकलूज पोलीस स्टेशनच्या चोख बंदोबस्तामुळे वातावरण काही वेळातच शांत झाले.
