अकलूज नगरपरिषदची पहिली नगराध्यक्षा होण्याचा बहुमान कोणाला मिळणार?
अकलूज (प्रतिनिधी )अकलूज नगरपरिषद निवडणुकीचे बिगुल वाजले असून 13प्रभागातून 26नगरसेवक निवडले जाणार आहेत. तर नगराध्यक्षपद हे अनुसूचित जाती महिला साठी राखीव आहे.
प्रत्येक प्रभागातून निवडणूक लढविण्यासाठी अनेक महिला, पुरुष इच्छुक आहेत. प्रत्येकाने आपल्यालाच उमेदवारी मिळावी म्हणून मोर्चेबांधणी सुरु केली आहे.
परंतु सगळ्यात जास्त चर्चा होत आहे ती नगराध्यक्ष पदाची.अकलूज नगरपरिषद ची पहिली नगराध्यक्ष होण्यासाठी अक्षरशः चढओढ लागली आहे.
*नगराध्यक्षपदासाठी या आहेत इच्छुक महिला उमेदवार*
अकलूज नगरपरिषद निवडणुकीसाठी नगराध्यक्षपद हे अनुसूचित जाती महिला प्रवर्गासाठी राखीव झाले आहे. राष्ट्रवादीकडून रेश्मा आडगळे, प्रतिभा गायकवाड, राणीताई खंडागळे, पायल मोरे,नाजुका मोरे, यांच्या नावाची चर्चा आहे. यातील पायल मोरे या अकलूज ग्रामपंचायत च्या माजी सरपंच तर प्रतिभा गायकवाड या माजी सदस्य आहेत. भाजपाकडून स्नेहल कावळे, महाराष्ट्र विकास सेनेकडून सुवर्णा साठे, जनसेवेकडून ऍड. दिव्यानी रास्ते यांचे नाव समोर आले आहे. तर इतरही अनेक महिला इच्छुक असल्याचे बोलले जात आहे.
कोणता गट कोणाला उमेदवारी देतो हे अद्याप स्पष्ट झाले नाही. त्यामुळे अकलूज नगरपरिषद ची प्रथम नगराध्यक्ष कोण होणार? याबाबत तर्क वितर्क लढविले जात आहेत.
परंतु पहिली नगराध्यक्ष होण्याचा बहुमान कोणाला मिळणार हे 3डिसेंबर लाच समजेल.
