लग्न जमवण्याचा नवा ट्रेंड ; व्हाट्सअप ग्रुप वर जुळताहेत रेशीमगाठी
अकलूज (प्रतिनिधी)लग्नाच्या गाठी स्वर्गात बांधल्या जातात असे म्हटले जाते. मात्र सध्या लग्नासाठी नवरा मुलगा किंवा मुलगी सहजासहजी मिळणे अवघड झाले आहे.
त्यामुळे अकलूज येथील सामाजिक कार्यकर्ते, पत्रकार गणेश लक्ष्मण जाधव यांनी पुढाकार घेत आपले सहकारी भारत मगर, वसंतराव गायकवाड, दत्तात्रय गोळे,अमृत सोंडकर, रणजितदादा गायकवाड, अभिजित बाबर,अमर जाधव आबा कोरटकर, वनिता कोरटकर यांच्या सहकार्याने लग्न जमविण्यासाठी सकल मराठा वधू वर सूचक मंडळ नावाचा व्हाट्सऍपचा ग्रुप 14-12-2023रोजी तयार करुन लग्न जुळविण्यासाठी मोठा हातभार लावण्यास सुरुवात केली आहे.
या ग्रुपवर लग्न पत्रिका पाठविण्यासाठी कोणत्याही प्रकारचे शुल्क आकारले जात नाही. आजकाल लग्न करताना मुला मुलींच्या अपेक्षा मोठ्या प्रमाणात वाढल्या आहेत. त्यामुळे योग्य स्थळ मिळावे.यासाठी प्रत्येकजण प्रयत्नशील असतो. मात्र अनेकांना यासाठी शोधाशोध करावी लागते. लग्न जमविण्यासाठी महाराष्ट्र राज्यात वेगवेगळ्या शहर आणि परिसरात अनेकांनी वधुवर सुचक केंद्र स्थापन केली आहेत. या केंद्रात नाव नोंदणीसाठी शुल्क भरावे लागते. तरीही वधु-वर सुचक केंद्राच्या माध्यमातुन लग्न ठरेल याची शाश्‍वती देता येत नाही. त्यामुळे अनेकांची अडचण होते, याची दखल घेत व्हाट्सअप ग्रुप तयार करुन मोफत सेवा देण्यास सुरुवात केली आहे.
आपल्या ओळखीच्या मुला मुलींचा बायोडाटा ग्रुपवर पाठवुन देण्यात येतो. त्यानंतर तेथील बायोडाटा पाहुन पालकांशी संवाद साधला जात आहे.
मराठा समाजातील अनेक विवाह इच्छुक तरुण तरुणी यांना इच्छित स्थळ मिळत नसल्याने अद्याप अनेकजण अविवाहित आहेत. अनेकांची वय वाढून गेली आहेत.विवाह जमविणे जिकिरीचे ठरत आहे.पालकवर्ग देखील चिंतेत आहेत.अनेकांना आपल्या आजूबाजूला असलेली स्थळे देखील माहित नसतात.
त्यामुळेच आपल्या आजूबाजूला असलेल्या स्थळाची माहिती व्हावी.या हेतूने हा व्हाट्सअप ग्रुप बनविला आहे.आपल्या परिसरातील विवाह इच्छुकवराची किंवा वधूची माहिती घेऊन त्यांना मनपसंत जोडीदार मिळवून देण्यासाठी सकल मराठा समाज प्रयत्न करणार आहे.या द्वारे घरबसल्या सर्व क्षेत्रातील स्थळाची माहिती मिळणार आहे.
ग्रुप तयार करण्यात आल्यानंतर सुरुवातीपासुनच अनेकजण आपल्या परिचयाच्या व्यक्‍तीचा बायोडाटा ग्रुपवर पाठवुन देत आहेत. त्यामुळे अनेकांची लग्ने जुळली असुन ग्रुप सुरु करण्याचा हेतु साध्य झाल्याचे मत अनेकांमधुन व्यक्‍त होत आहे.
चौकट:-“लग्न जमविण्यासाठी अनेकांनी वधुवर सुचक केंद्रे सुरु केली आहेत. तरीही अनेकांची लग्ने वेळेत होत नाहीत. त्यामुळे एक समाजसेवा म्हणुन सकल मराठा वधू वर सूचक मंडळ म्हणुन व्हाट्सअप ग्रुप तयार केला आहे. या ठिकाणी कोणीही बायोडाटा पाठवु शकतो. त्यामुळे अनेकांना मोफत सुविधा मिळत असुन या ग्रुप च्या माध्यमातून अनेकांची लग्न जमण्यास मदत झाली आहे.”लवकरच या ग्रुप च्या माध्यमातून वधूवर परिचय मेळावा घेण्यात येणार असून, परिचय पुस्तिका देखील तयार करण्यात येणार आहे. विवाह इच्छुकांनी 7841847458 या नंबर वर संपर्क साधावा. गणेश लक्ष्मण जाधव, ग्रुप ऍडमिन.
