माळशिरस विधानसभा मतदारसंघात भाजपा कडून भूषण कांबळे प्रबळ दावेदार
अकलूज (प्रतिनिधी )महाराष्ट्र राज्यातील विधानसभा निवडणूक 2024चे बिगुल वाजले असून 15ऑक्टोबर पासून आचारसंहिता सुरु झाली आहे. 29ऑक्टोबर रोजी उमेदवारी अर्ज भरण्याचा शेवटचा दिवस असून, 30तारखेला अर्जाची छाननी होणार आहे. 4नोव्हेंबर पर्यंत अर्ज माघारी घेता येणार आहे. तर 20नोव्हेंबर ला संपूर्ण राज्यात एकाच टप्यात निवडणूक होत असून 23नोव्हेंबर ला मतमोजणी होणार आहे.
सोलापूर जिल्ह्यातील माळशिरस तालुका हा अनुसूचित जाती साठी राखीव असून यापूर्वी स्वर्गीय हनुमंत राव डोळस यांनी दोन वेळा या मतदार संघातून प्रतिनिधित्व केले आहे. तर 2019ला भाजपा चे आमदार राम सातपुते हे निवडून आले.
2024च्या निवडणूक साठी वेगवेगळ्या पक्षाकडून सध्या अनेकजण इच्छुक आहेत.राष्ट्रवादी काँग्रेस कडून उत्तमराव जानकर,इंजिनियर राजेश गुजर भाजपा कडून आमदार राम सातपुते, डॉ. अप्पासाहेब देशमुख, भूषण कांबळे, सूरज मस्के, अतुल सरतापे, आदी इच्छुक आहेत.सर्वांनीच आपल्यालाच उमेदवारी मिळावी म्हणून जोरदार मोर्चे बांधणी सुरु केली आहे. मतदारसंघात नेते मंडळी, तसेच गाव भेट दौरा करून नागरिकांची मते आजमावली जात आहेत.
भाजपा कडून सध्या भूषण कांबळे हे प्रबळ दावेदार असल्याचे बोलले जात आहे. भूषण कांबळे हे धाराशिव चे माजी खासदार शिवाजीराव कांबळे यांचे चिरंजीव आहेत. साधारणपणे 1970च्या दशकात शिवाजीराव कांबळे यांनी अखिल भारतीय विद्यार्थी परिषद च्या माध्यमातून सामाजिक कामाची सुरुवात केली.
1996साली ते धाराशिव मधून खासदार म्हणून निवडून आले तसेच भूषण कांबळे यांच्या आई सौ. सरला कांबळे यांनी भाजप -सेना युतीची पहिली अनुसूचित जातीची महिला नागराध्यक्ष होण्याचा बहमान मिळविला.भूषण कांबळे हे उच्चशिक्षित आहेत.
सध्या ते बार्शी आणि पुणे येथे पेट्रोलियम चा व्यवसाय करीत आहेत. तसेच पुणे आणि मुंबई येथे अत्याधुनिक जिम चालवीत आहेत.याशिवाय ते अनेक सामाजिक उपक्रम देखील राबवित आहेत
.माळशिरस तालुक्यात संत तुकाराम महाराज पालखी सोहळ्याचे आगमन झालेनंतर पालखी सोहळ्याचे स्वागत चे बॅनर संपूर्ण माळशिरस तालुक्यात झळकले होते. तेव्हापासून मतदार संघात त्यांचे नाव चर्चेत आले आहे.यावेळी वारकऱ्यांना मोठया प्रमाणावर अन्नदान देखील करण्यात आले होते.याशिवाय गणेशोत्सव आणि नवरात्र च्या काळात अनेक मंडळाना त्यांनी भेटी दिल्या. मतदारसंघातील नागरिकांच्या सुख दुःखात देखील हिरीरीने सहभागी होत आहेत
.त्यांचे भाऊ आणि बहिणी डॉ. श्रीपाद कांबळे,डॉ. अर्चना कांबळे,डॉ. शितल कांबळे,डॉ. दिपाली कांबळे, तर काका परशुराम कांबळे (अधीक्षक अभियंता, सा. बा. विभाग. महाराष्ट्र राज्य),सतीश कांबळे (पोलीस निरीक्षक )यांचे देखील त्यांना वेळोवेळी मार्गदर्शन लाभते.
अगदी लहानपणापासून घरातूनच हा सामाजिक आणि राजकीय कामाचा वारसा मिळाल्यामुळे, महाविद्यालयीन जीवनापासूनच सामाजिक पातळीवर कामाला सुरुवात केली. पुढे तरुणपणात अनेक सामाजिक संस्थांच्या माध्यमातून युवकांच्या सक्षमीकरणासाठी काम सुरू आहे.
सामाजिक कार्याला व्यापक स्वरूप देण्यासाठी आणि समाजातील तळागाळा- तील लोकांचे प्रश्न सोडवण्यासाठी राजकीय पाठबळ असणे महत्त्वाचे असते, म्हणून भारतीय जनता पक्षाचा सक्रिय कार्यकर्ता म्हणून कामाला सुरुवात केली.सध्या माळशिरस तालुक्यात त्यांनी प्रचाराला सुरुवात केली असून नागरिकांच्या गाठी भेटी घेण्याचे काम युद्धपातळीवर सुरु आहे. नागरिकांमधून देखील त्यांना चांगला प्रतिसाद मिळत आहे.
स्वातंत्र्यानंतरच्या इतक्या वर्षानंतरदेखीलही तळागाळातील, सामान्य जनतेचे प्रश्न मला सतावत राहतात. ते सोडवण्यासाठी माझा हा प्रवास सुरु आहे.हा प्रवास म्हणजे तुमच्या, माझा, आपला संघर्ष आहे.यासाठी आपण सर्वजण मिळून एक नवा संकल्प करूया त्यासाठी आपल्या सर्वांची साथ हवी आहे.असे ते आवर्जून सांगतात.
भाजपा ने संधी दिल्यास आपण माळशिरस तालुक्यातील शेतकरी, महिला, विद्यार्थी यांचे प्रश्न, तसेच इतर समस्या मार्गी लावण्याचा आपण प्रामाणिकपणे प्रयत्न करणार असल्याचे त्यांनी आवर्जून सांगितले.
