सोशल मीडिया कॅम्पेनिंगच्या माध्यमातून चार लाख मतदारांचा धैर्यशील मोहिते पाटील यांना उत्स्फूर्त प्रतिसाद
.अकलूज : (गणेश जाधव )माढा लोकसभा मतदारसंघातील मतदारांचा कल पाहण्यासाठी घेतलेल्या सोशल मीडिया कॅम्पेनिंगमध्ये धैर्यशील मोहिते-पाटील यांना चांगला प्रतिसाद मिळाला असून, सुमारे चार लाख मतदारांनी धैर्यशील मोहिते पाटील यांच्या उमेदवारीसाठी पाठिंबा दर्शविला आहे.
लोकसभेच्या निवडणूकीचे बिगुल लवकरच वाजण्याची शक्यता लक्षात घेता इच्छुक उमेदवार व त्यांच्या चाहत्यांनी आपापल्या परीने प्रचार करण्यास सुरुवात केली आहे. माढा मतदारसंघासाठी भाजपकडून निवडणूक लढण्यासाठी धैर्यशील मोहिते पाटील यांनी कंबर कसली असून,गेल्या अनेक दिवसापासून त्यांनी मतदारसंघ पिंजून काढला आहे. पूर्वी लोकसभेसाठी पंढरपूर मतदार संघ होता. हा मतदारसंघ राखीव होता. त्यानंतर माढा मतदारसंघाची निर्मिती 2008 मध्ये झाली.हा मतदारसंघ ओपन असल्याने मोहिते पाटील समर्थक मोहिते पाटील घराण्यातील खासदार होईल या अपेक्षेने तयारीत होते.मात्र त्यावेळी शरद पवार यांनी निवडणूक लढविली आणि नेहमीप्रमाणे मोहिते पाटील यांच्या आदेशाने सर्व मतदारांनी त्यांना निवडून दिले. त्यानंतर मात्र विजयसिंह मोहिते पाटील यांच्या रूपात मतदारांना मोहिते पाटील घराण्यातील उमेदवारास लोकसभेसाठी मतदान करण्याची संधी मिळाली. या संधीचा फायदा घेत मोदी लाट असतानाही मतदारांनी विजयसिंह मोहिते पाटील यांना भरघोस मतांनी निवडून दिले.
त्यानंतर मोहिते पाटील यांनी भाजपात प्रवेश केल्याने भाजपने दिलेल्या रणजीतसिंह नाईक निंबाळकर यांना खासदार केले. परंतु खासदार नाईक निंबाळकर यांनी निवडून दिलेल्याच कार्यकर्त्यांची कामे न करता त्यांचीच चेष्टा सुरू केल्याने कार्यकर्ते नाराज झाले. प्रत्येक निवडणुकीत मोहिते पाटील सांगतील त्या उमेदवारांना मत देण्याचे काम करणारे कार्यकर्ते आता मोहिते पाटील घरातील उमेदवार असेल तरच मतदान करू अशी भूमिका घेत आहेत, मतदार व कार्यकर्त्यांनी मोहिते पाटील यांनाच मत देऊ अन्यथा कोणाला देणार नाही अशी ठाम भूमिका घेत आहेत. प्रत्येक कार्यकर्ता आपल्या कुटुंबातील सदस्य मानणाऱ्या मोहिते पाटलांना कार्यकर्त्यांसाठी आपण उमेदवारीसाठी इच्छुक असल्याचे जाहीर करावे लागले.दिवाळीच्या पाडव्याचा मुहूर्त साधून धैर्यशील मोहिते पाटील यांनी आपन इच्छुक असल्याचे जाहीर केले आणि मतदारसंघातील सर्व कार्यकर्ते आपापल्या परीने काम करू लागले.
धैर्यशील मोहिते पाटील खासदार म्हणजेच आपण स्वतः खासदार अशी भावना कार्यकर्त्यांच्या मनात उभी राहत आहे.धैर्यशील मोहिते पाटील यांनी मतदारसंघातील प्रत्येक गावात आपल्या शेवटच्या कार्यकर्त्यांपर्यंत भेटीगाठी घेऊन त्यांच्या अडीअडचणी समजून घेतल्या. मतदार व कार्यकर्त्यांकडून मिळत असलेल्या प्रतिसादामुळे त्यांच्या उमेदवारीचा दावा अजूनच घट्ट होत आहे.
धैर्यशील मोहिते-पाटील यांच्या उमेदवारीसाठी सोशल मीडियावर 25फेब्रुवारी रोजी एक कॅम्पेनिंग घेण्यात आली. त्यामध्ये मतदार प्रचंड मोठ्या संख्येने व उत्स्फूर्तपणे सहभागी झाले. त्याचा संख्यात्मक अहवाल देखील प्रसिद्ध झाला आहे. ज्यामध्ये प्रोफाइल पिक्चर बदलणे (DP) आणि स्टेटस बदलणे, करणे, स्टोरी ॲड करणे, व्हिडिओ, रिलच्या माध्यमातून लोकांच्या जनभावना विविध सोशल प्लॅटफॉर्म (WhatsApp,Instagram, Facebook,आणि X) पोस्ट केल्या,
माळशिरस विधानसभेमधून *78963*,माढा विधानसभेमधून *75968*,करमाळा विधानसभेमधून *68539*,सांगोला विधानसभेमधून *67596*,फलटण विधानसभेमधून *48692* माण-खटाव विधानसभेमधून *46359*, अशा एकूण 386,117 नागरिकांनी सहभाग नोंदवला.
