माढा लोकसभा मतदारसंघात धैर्यशील मोहिते पाटील यांची क्रेझ वाढतेय
अकलूज (प्रतिनिधी )अद्याप लोकसभा निवडणुका अधिकृतपणे जाहीर झाल्या नसल्या तरी सर्वत्र निवडणुकीची चर्चा चालू आहे.48लोकसभा मतदार संघांपैकी एक असलेल्या माढा लोकसभा मतदार संघाची जोरदार चर्चा सुरु आहे.हा मतदारसंघ तुलनेने मोठा आहे. त्यामुळे या मतदार संघात उमेदवारी मिळून निवडून येणे याला प्रतिष्ठा मिळाली आहे
.या मतदारसंघातून राष्ट्रवादी काँग्रेस चे शरद पवार, विजयसिंह मोहिते पाटील. तर भाजपा चे रणजितसिंह निंबाळकर हे यापूर्वी निवडून आले आहेत.सध्या रणजितसिंह निंबाळकर हे विद्यमान खासदार आहेत.
सध्या भाजपा कडून विद्यमान खासदार रणजितसिंह निंबाळकर, भाजपा चे सोलापूर जिल्हा संघटन सरचिटणीस धैर्यशील मोहिते पाटील हे इच्छुक आहेत.गेल्या काही महिन्यापासून या मतदारसंघात धैर्यशील मोहिते पाटील यांची क्रेझ वाढल्याचे स्पष्टपणे दिसून येत आहे.
काही महिन्यापूर्वी झालेल्या बैलपोळा सणाच्या वेळी काही कार्यकर्ते यांनी बैल रंगवून त्यावर भावी खासदार धैर्यशील मोहिते पाटील असे लिहिले होते. तसेच गणेशोत्सव व नवरात्र काळात देखील आपला माणूस, आपला खासदार. धैर्यशील मोहिते पाटील असे देखावे व आरास करण्यात आली होती.एव्हढेच नव्हे तर अनेकांनी आपल्या फोर व्हीलर व तु व्हीलर वर देखील आपला माणूस, आपला खासदार असे बॅनर लावले आहेत.तसेच ऍम्ब्युलन्स वर देखील बॅनर लावले आहेत.सोशल मीडिया च्या माध्यमातून धैर्यशील मोहिते पाटील यांच्या पोस्ट तयार करून कार्यकर्ते मोठया प्रमाणावर वातावरण निर्मिती करीत आहेत.
आता मात्र अकलूज येथील विजयसिंह मोहिते पाटील क्रीडा संकुल च्या समोर असलेल्या गाळ्या मधील जाधव खवावाले व अभिनव रेस्टोरंट यांनी मात्र आपल्या दुकानाची पाटीच बदलून त्यावर आपला माणूस, आपला खासदार अशी नवीन पाटी केली आहे. त्यामुळे हा चर्चेचा विषय बनला आहे.सोशल मीडिया वर ही पोस्ट व्हायरल होत आहे.दुकानाच्या पाट्या बदलल्या,आता खासदाराची पाटी बदला अशा पोस्ट मोठया प्रमाणावर व्हायरल होत आहेत.
