महाराष्ट्रात अग्रगण्य असलेल्या व 5000कोटी ची ठेव असलेल्या शिवकृपा सहकारी पतपेढी ची संचालक मंडळ ची निवडणूक प्रक्रिया सुरु.
अकलूज (प्रतिनिधी )
महाराष्ट्र राज्यात अग्रगण्य असलेली, तसेच 4000पेक्षाही अधीक सभासद असलेली व 5000कोटी ठेव असलेल्या शिवकृपा सहकारी पतपेढी लि. मुंबई ची 2023-2028साठी संचालक मंडळाची निवडणूक जाहीर झाली असून, राज्य सहकारी निवडणूक प्राधिकरण महाराष्ट्र राज्य चे सचिव डॉ. पी. एल. खंडागळे यांनी पत्र प्रसिद्ध केले आहे.तर सहकारी संस्था सिडको -मुंबई येथील उप निबंधक प्रताप पाटील हे निवडणूक निर्णय अधिकारी म्हणून काम पाहत आहेत.
या संस्थेची अंतिम मतदार यादी 24-04-2023 रोजी प्रसिद्ध झाली आहे.सर्वसाधारण गट -10.महिलांसाठी राखीव -2.अनु, जाती -जमाती साठी -01.विमुक्त जाती, भटक्या जमाती विशेष मागास प्रवर्ग राखीव मतदार संघ -01.इतर मागास प्रवर्ग -01अशा एकूण 15संचालक साठी ही निवडणूक प्रक्रिया होत आहे.नामनिर्देशन पत्र 04-05-2023ते 11-05-2023 पर्यंत सकाळी 11ते दुपारी 3वाजेपर्यंत (फक्त कार्यालयीन कामकाज दिवशी रूम नंबर 221, कोकण भवन बेलापूर येथे दाखल करता येतील.नामनिर्देशन पत्र दररोज दाखल होतील तशी रोज दुपारी 4वाजता प्रसिद्ध केली जातील.तसेच 12-05-2023रोजी दुपारी 12-30वाजता अर्जाची छाननी करण्यात येईल.नामनिर्देशन पत्र ची सूची 15-05-2023रोजी संस्थेच्या नोटीस बोर्ड वर प्रसिद्ध करण्यात येईल. 15ते 29तारखे पर्यंत सकाळी 11ते दुपारी 3पर्यंत नामनिर्देशन पत्र मागे घेता येतील.30तारखेला सकाळी 11वाजता पात्र उमेदवार यांना निशाणी वाटप करण्यात येतील.आवश्यक असेल तर 11-06-2023रोजी मतदान घेण्यात येईल.तसेच 13तारखेला मत मोजणी करून निकाल घोषित करण्यात येईल.
शिवकृपा सहकारी पतपेढी लि. मुंबई या संस्थेची स्थापना 1982 साली विक्रोळी (मुंबई) येथे संस्थापक अध्यक्ष कृष्णा शेलार यांनी केली.संस्थेची स्थापना करण्याची संकल्पना शिवमंदिर मध्ये सुचली म्हणून संस्थेचे नाव शिवकृपा असे ठेवले. एक प्रशासकीय कार्यालय, 7 विभागीय कार्यालये तसेच 100 शाखा आज संपूर्ण महाराष्ट्रात सुरू असून, त्यातील 42 शाखा ह्या संस्थेच्या स्वतःच्या मालकीच्या आहेत. शिवकृपा च्या विक्रोळी, गोरेगाव, ठाणे, पुणे, सातारा, कोरेगाव, माळशिरस या ठिकाणी आलिशान विभागीय कार्यालये असून, प्रत्येक विभागात एक विभागीय अधिकारी नेमले आहेत. महाराष्ट्र मध्ये एकूण 742 पेक्षा अधीक कर्मचारी असून त्यांच्यात 105 विशेष वसुली अधिकारी काम करतात. कोरेगाव येथे संस्थेचे स्वतःचे निवासी प्रशिक्षण केंद्र आहे.संस्थेचा एकूण 5000कोटींचा संमिश्र व्यवसाय झाला आहे.संस्थेची सभासद संख्या जवळपास 4,300 आहे. त्यांना सतत ऑडिट अ वर्ग मिळालेला आहे.
संचालक व कर्मचाऱ्यांना आचारसंहिता लागू आहेत. ग्राहकांच्या सेवेला सर्वोच्च प्राधान्य देण्यात येते. कर्जमंजुरीची प्रकरणे संचालक मंडळाच्या साप्ताहिक बैठकीत सादर केली जाऊन त्यांना मंजुरी दिली जाते. दर आठवड्याला जवळजवळ 20 कोटीची कर्जे मंजूर होतात. वितरण, वसुली, आणि लेखापरिक्षण इत्यादी बाबीवर देखरेख ठेवण्यासाठी संचालकांच्या वेगवेगळ्या समित्या आहेत. पुणे व सातारा येथील विभागीय कार्यालये प्रशासकीय कार्यालयाशी व्हिडीओ कॉन्फरन्स द्वारे जोडण्यात आलेली असून, त्याचा उपयोग प्रशिक्षण, बैठका व मुलाखतीसाठी केला जातो.
आर्थिकदृष्ट्या अतिशय अडचणीत असणाऱ्या दादासाहेब साखवळकर पतसंस्था मर्या, ओमकार को ऑप क्रेडीट सोसायटी, कुलस्वामी भैरवनाथ बिगरशेती ग्रामीण सहकारी पतसंस्था मर्या अशा संस्था शिवकृपा मध्ये विलीन करण्यात आल्या आहेत.
शिवकृपा संस्थेला महाराष्ट्र शासनाचा सण 2016-17 सालचा प्रतिष्ठित सहकार भूषण पुरस्कार प्राप्त झाला, त्याचप्रमाणे सप्टेंबर 2009 मध्ये महाराष्टातील 1 नंबर ची आदर्श व अग्रगण्य पतसंस्था म्हणून शिवकृपा चा गौरव केला. 2017, 2018, 2019 मध्ये सहकारातील उत्कृष्ट कामकाजाकरीता दिपस्तंभ पुरस्काराने सन्मानित करण्यात आले आहे. असे नानाविध पुरस्कार शिवकृपा ला मिळाले आहेत. संस्थेने 2017 साली रबाळे नवी मुंबई येथे भव्यदिव्य प्रशासकीय कार्यालय 11 गुंठे चा भूखंड खरेदी केला असून या भूखंडावर तळमजला + 6 मजल्याचे शिवकृपा भवन उभारण्यात आले आहे.
*सामाजिक कार्यात शिवकृपाचा लक्षणीय सहभाग.*
उत्तराखंडमध्ये झालेल्या महाप्रलयात तसेच केरळमध्ये झालेल्या त्सुनामी वादळामुळे बाधित झालेल्या लोकांकरिता 51 हजार रु. व 25 हजारांची प्रधानमंत्री सहाय्यता निधीस संस्थेने आर्थिक मदत केली.कोविड 19 वेळी 41 लाखांचा धनादेश राज्याचे सहकार मंत्री बाळासाहेब पाटील यांच्याकडे प्रदान करण्यात आला.संस्थेने सामाजिक वनीकरण मध्ये भरीव कामगिरी केली आहे.सुमारे 1 लाख पारंपरिक वृक्षाची लागवड मान खटाव या दुष्काळी भागात केली आहे.सातारा, सांगली व कोल्हापूर जिल्ह्यात आलेल्या महापुरात अनेक गावांत सुमारे 2000 नागरिकांना चादरी, बेडशीट व गृह उपयोगीवस्तू तसेच विद्यार्थ्यांना शालेय उपयोगी वस्तू, आणि 50, 000 वह्यांचे वाटप करण्यात आले होते.
विद्यमान अध्यक्ष कृष्णा शेलार यांच्या मार्गदर्शन खाली इतर संचालक मंडळ यांच्या सहकार्याने संस्थेची यशस्वीपणे वाटचाल चालू असून. ठेवीदार देखील दिवसेंदिवस वाढत आहेत.
चौकट :-
संस्थेची 2023-2028 ची संचालक मंडळ निवडणूक आम्ही बिनविरोध करण्यासाठी प्रयत्न करीत आहोत. परंतु काहीजण खोडसाळ पणाने आमच्यावर भ्रष्टाचार चे आरोप करीत आहेत. परंतु त्यात काहीही तथ्य नाही.
कृष्णा शेलार.अध्यक्ष.शिवकृपा सहकारी पतपेढी.मुंबई.
