धैर्यशील मोहिते-पाटील यांच्या वाढदिवसानिमित्त विविध सामाजिक उपक्रम ; 31 शिलाई मशीनचे तर 30 सायकलचे वाटप
अकलूज : भारतीय जनता पार्टीचे जिल्हा संघटन सरचिटणीस धैर्यशील मोहिते-पाटील यांचा वाढदिवस विविध सामाजिक उपक्रम राबवून उत्साहात साजरा करण्यात आला. हजारो नागरीकांनी त्यांना समक्ष भेटून शुभेच्छा दिल्या तर अनेक मान्यवरांनी दूरध्वानीद्वारे अभिष्टचिंतन केले.प्रारंभी सहकार महर्षि शंकरराव मोहिते-पाटील व अकलूजची ग्रामदैव अकलाई देवीचे दर्शन घेतल्यानंतर आई उर्मिलादेवी, पत्नी शितलदेवी व मुली इशिता, राजइंदिरा यांनी धैर्यशील मोहिते-पाटील यांचे औक्षण केले. माजी उपमुख्यमंत्री विजयसिंह मोहिते-पाटील, आ.रणजितसिंह मोहिते-पाटील, सत्यप्रभादेवी मोहिते-पाटील, शिवतेजसिंह मोहिते-पाटील आ.राम सातपुते यांनी धैर्यशील मोहिते-पाटील यांना वाढदिवसानिमित्त शुभेच्छा दिल्या.सकाळी नऊ वाजल्यापासूनच कार्यकर्त्यांनी त्यांच्या निवासस्थानी शुभेच्छा देण्यासाठी गर्दी केली होती. अनेक कार्यकर्त्यांनी, सामाजिक संघटनांनी, संस्थांनी सामाजिक जाणिवेतून विविध सामाजिक उपक्रम राबवून धैर्यशील मोहिते-पाटील यांना शुभेच्छा दिल्या.यामध्ये शिवामृत दूध उत्पादक संस्थेच्या वतीने सायकल बँक उपक्रमास 20 सायकली तर श्रीपूर-महाळूंग येथील कार्यकर्ते सागर यादव, बजरंग भोसले यांच्याकडू 10 सायकली भेट देण्यात आल्या. धैर्यशील मोहिते-पाटील मित्रमंडळाच्या वतीने गोरगरीब निराधार महिलांना रोजगाराचे साधन उपलब्ध व्हावे या उदात्त हेतूने 31 शिलाई मशिनचे वाटप करण्यात आले. तसेच सत्यशिल मोहिते-पाटील मित्र परिवार व महर्षि जिमखाना व स्पोर्टस् असोसिएशनच्या वतीने रक्तदान शिबीराचे आयोजन करून 100 पेक्षा अधिक रक्तदात्यांनी रक्तदान केले. अ‍ॅड.रणजित भोसले यांनी अकलूज येथील उपजिल्हा रूग्णालयातील रूग्णांना आरोग्य किट व जेवणाचे किट चे वाटप केले तर एस.बी.ग्रुप चे लक्ष्मण बंदपट्टे यांच्या वतीने पंढरपूर येथील अनाथ आश्रमातील मुलांना अन्नदान करण्यात आले.धैर्यशील मोहिते-पाटील यांच्या वाढदिवसानिमित्त भाजपाचे पश्‍चिम महाराष्ट्र संघटन महामंत्री मकरंद देशपांडे, आ.राम सातपुते, अ‍ॅड.निहार ठाकरे, पुरूषोत्तम बरडे, दिग्वीजय बागल, मुख्याधिकारी दयानंद गोरे यांच्याबरोबरच सोलापूर जिल्ह्यासह राज्यातील विविध भागातील मान्यवरांकडून दूरध्वनीद्वारे शुभेच्छा देण्यात आल्या.
