धैर्यशिल मोहिते-पाटील यांचे वाढदिवसानिमीत्त विविध उपक्रमाचे आयोजन
अकलूज/प्रतिनिधीशिवामृत दूध संघाचे चेअरमन धैर्यशिल मोहिते पाटील यांच्या वाढदिवसानिमित्त विविध उपक्रमाचे आयोजन करण्यात आले आहे.धैर्यशिल मोहिते पाटील मित्र मंडळ, डॉटर्स मॉम फाऊंडेशन, शिवरत्न फाऊंडेशन, सिंहगर्जना ग्रुप, रॉयल रायडर्स, डी एम पी मोटर्स, एस बी ग्रुप, दयावान प्रतिष्ठान, शिवरत्न शिक्षण संस्था, शिवामृत दूध उत्पादक सहकारी संघ यांचे वतीने विविध उपक्रमांचे आयोजन करण्यात आलेले आहे. गरजू आणि आर्थिकदृष्ट्या कमकुवत असलेल्या महिलांसाठी शिलाईमशीन वाटप, जेष्ठ पुरुष आणि महिला नागरिक यांना मोफत अष्टविनायक यात्रा तिर्थक्षेत्र यात्रा, नामांकित कंपन्या आणि माळशिरस तालुक्यातील विविध संस्था यांचे मार्फत भव्य नोकरी / रोजगार मेळावा, सायकल राईड रॅली आणि अकलूज शंकरनगर परिसरातील जिल्हा परिषद शाळेत शिक्षण घेत असलेल्या मुलांसाठी 2000 कॅप वाटप, अनाथ आश्रमात भोजनवाटप अश्या विविध उपक्रमाचे आयोजन करण्यात येणार आहे.गत अनेक वर्षांपासून धैर्यशिल मोहिते पाटील यांचे वाढदिवसानिमीत्त सामाजिक सांस्कृतिक उपक्रमाचे आयोजन करण्यात येते. यामध्ये दरवर्षी 2000 मुलांना शालेय साहित्य व दफ्तर वाटप, दरवर्षी 100 युवकांना राजधानी रायगड यात्रा, 100 नागरिकांना तुळजापूर, अक्कलकोट आणि गाणगापुर तिर्थयात्रा, जि.प. शाळांना बेंच वाटप, ग्रामीण भागातील मुलींसाठी सायकल वाटप, आर्थिकदृष्ट्या कमकुवत असलेल्या मुलांमुलींना दत्तक घेणे, सामाजिक आणि अनाथ आश्रमातील नागरिकांना खाऊ वाटप, रुग्णांना फळे वाटप अशा विविध उपक्रमाचे आयोजन करण्यात आलेले आहे. याही वर्षी तोच सामाजिक कामाचा वारसा पुढे चालवत वरील उपक्रम आयोजित केलेले आहेत. तरी इच्छुकांनी याचा लाभ घेणेसाठी डी डेकोरेटर्स, विजयसिंह मोहिते पाटील क्रीडा संकुल समोर, अकलूज या ठिकाणी संपर्क करावा असे आवाहन वरील संस्था आणि मित्र मंडळाचे वतीने करण्यात आले आहे.
