*अकलूज येथे शिवरत्न टॅलेंट सर्च परीक्षा संपन्न*
प्रतिनिधी ; शिवरत्न शिक्षण संस्था संचलित शंकरराव मोहिते पाटील इंग्लिश स्कूल अँड ज्युनियर कॉलेज(शिवरत्न पॅटर्न)च्या वतीने इ.१० वी मधील विद्यार्थ्यांसाठी शिवरत्न टॅलेंट सर्च परीक्षा’ रविवार (ता.२९/०१/२०२३) रोजी घेण्यात आली. ३८७ विद्यार्थ्यी या परीक्षेत सहभागी झाले होते. टॅलेंट सर्च परीक्षेच्या आधी विद्यार्थ्यांना करिअरपर मार्गदर्शन करण्यात आले.सदर कार्यक्रमासाठी शिवरत्न शिक्षण संस्थेच्या अध्यक्ष शीतलदेवी मोहिते पाटील, सचिव धर्मराज दगडे, संचालक डॉक्टर विश्वनाथ आवड,प्रशांत जगताप ,श्रीकांत राऊत व अल्बर्ट थरकन इतर मान्यवर उपस्थित होते.या परीक्षेत प्रथम क्रमांक मिळविणाऱ्या विद्यार्थ्यास १०,०००/- रुपये, द्वितीय क्रमांकास ७०००/- रुपये, तृतीय क्रमांकास ५०००/- रुपये तर उत्तेजनार्थ पाच विद्यार्थ्यांना प्रत्येकी १०००/- रुपये व प्रमाणपत्र तसेच सहभागी सर्व विद्यार्थ्यांना प्रमाणपत्र देण्यात येणार आहे.कार्यक्रमाचे सूत्रसंचालन रोहित देशमुख यांनी केले तर प्रस्तावना राजकिरण माने देशमुख व आभार प्रदर्शन स्वप्निता कळसुले यांनी केले
