*अभ्यासाच्या व्यवस्थापना बरोबरच विद्यार्थ्यांना मानसिकरीत्या सक्षम करण्यावर भर ; शिवरत्न पॅटर्न*
अकलूज (प्रतिनिधी ); शिवरत्न शिक्षण संचलित, शिवरत्न पॅटर्न अकलूज च्या विद्यार्थ्यांच्या करीता अभ्यासाच्या व्यवस्थापना बरोबरच विद्यार्थ्यांना मानसिकरीत्या सक्षम करण्यावर भर देण्याच्या उद्देशाने संस्थेचे अध्यक्ष शितलदेवी मोहिते पाटील ,धैर्यशील मोहिते पाटील यांच्या मार्गदर्शनपर व संचालक डाॅ.विश्वनाथ आवड यांच्या सूचनेनुसार अकलूज येथील प्राध्यापक धनंजय देशमुख यांचे मार्गदर्शनपर व्याखानांचे आयोजन करण्यात आले होते.प्राध्यापक धनंजय देशमुख यांनी विद्यार्थ्यांशी संवाद साधताना विद्यार्थ्यानी मोठ्या प्रमाणावर ताण न घेता प्रत्येक विषयाचा सखोल अभ्यास कसा करायचा, अभ्यास करताना अभ्यासाचे वेळापत्रक कसे बनवायचे, प्राणायाम करण्याचे, व्यायामाचे, जेवणाचे व झोपेचे वेळापत्रक कशा प्रमाणे तयार करायचे, प्राणायाम करून शारीरिक व मानसिक ताण कशा पद्धतीने कमी करणे इ. या सर्व गोष्टी करून अंतिम परिक्षेत यश कसे मिळवायचे या बद्दल सविस्तर सांगितले.यावेळी अध्यापक देशमुख यांनी विद्यार्थ्यांकडून मेडिटेशन करून घेतले. कोरोना महामारी नंतर शिक्षण पद्धत ऑनलाईन चालू झाले. शैक्षणिक धोरणात अनेक बदल घडून आले, कोरोना महामारीचा सामाजिक आर्थिक तसेच शैक्षणिक क्षेत्रावर देखील परीणाम झाला असे अनेक सर्वेक्षणात दिसून आले की, विद्यार्थ्यांच्या मानसिकतेवर देखील विपरीत परीणाम दिसून आले. याच बाबी ओळखून शिवरत्न पॅटर्न अकलूजने अभ्यासाच्या व्यवस्थापना बरोबरच विद्यार्थ्यांना मानसिकरीत्या सक्षम बनवण्याकरीता Meditation and Stress management या विषयावर सेमिनारचे आयोजन शंकरराव मोहिते-पाटील इंग्लिश मिडीयम स्कुल अँड ज्युनिअर कॉलेज येथे करण्यात आले होते. सदर सेमिनार शिवरत्न पॅटर्न, अकलूज मधील इ. 11 वी व इ.12 वी च्या विद्यार्थ्यांनी सेमिनारसाठी उपस्थिती दर्शविली होती. सदरच्या मार्गदर्शन सेमिनारसाठी, संस्थेच्या अध्यक्ष शितलदेवी मोहिते-पाटील, महाविद्यालयाचे प्राचार्य अल्बर्ट थरकन,बिनो के पाऊल्स, शिवरत्न पॅटर्न समन्वयक प्रा. राजकिरण माने व सर्व एनसीईआरटी व स्टेट बोर्डचे शिक्षक व शिक्षकेत्तर कर्मचारी उपस्थित होते. कार्यक्रमाचे सूत्रसंचलन शिवरत्न पॅटर्नची विद्यार्थिनी कु. प्राची पुरी हिने केले. पाहुण्यांचा परिचय कु.पार्थ राजगुरू यांनी दिला व आभार कु.कीर्ती माळी राऊत हिने मानले.
