शिवरत्न शिक्षण संस्था व श्री शिवपार्वती सार्वजनिक विकास ट्रस्ट पुण्यश्लोक अहिल्यादेवी होळकर सोलापूर विद्यापीठ सोलापूर राष्ट्रीय सेवा योजना विभाग यांच्या संयुक्त विद्यमाने तीन दिवसीय आपत्ती व्यवस्थापन या विषयी राष्ट्रीय कार्यशाळा दि. ९ जानेवारी २०२३ ते ११ जानेवारी २०२३ या कालावधी मध्ये संपन्न झाली .
या कार्यशाळेमध्ये ग्रीन फिंगर्स कॉलेज ऑफ कम्प्युटर अँड टेक्नॉलॉजी, विजयसिंह मोहिते पाटील कॉलेज ऑफ नर्सिंग अँड मेडिकल रिसर्च, शिवरत्न इन्स्टिट्यूट ऑफ मॅनेजमेंट स्टडीज व राष्ट्रीय आपत्ती व्यवस्थापन समिती भारत सरकार यांचा सहभागहोता .या कार्यशाळेचे आयोजन दिनांक ९ जानेवारी ते ११ जानेवारी २०२३ या कालावधीमध्ये स्मृती भवन या ठिकाणी संपन्न झाले .
आज भारतासारख्या देशाला अनेक नैसर्गिक आपत्तींना तोंड द्यावे लागते जसे भूकंप , पूर , जंगल वणवा, आग या नैसर्गिक आपत्ती माणसाला पुरत्या हतबल करून टाकतात .त्यासाठी सतत सतर्क रहावे लागते विशेष प्रशिक्षणांनी युक्त माणसांना सज्ज ठेवावे लागते अचानक आलेल्या नैसर्गिक आपत्तीमुळे अनेक लोकांची घरी दारे नष्ट झाली आहेत जीव प्राणास मुकले आहेत काही आपत्तीमुळे तर देशाचा आर्थिक कणाच मोडून टाकला आहे त्यासाठी या आपत्ती संबंधित लोकांना शिक्षित करावे माहितीची देवाण-घेवाण व्हावी व परिस्थितीला तोंड देण्याचे प्रशिक्षण मिळावे याची जाणीव ठेवून शिवरत्न शिक्षण संस्था व श्री शिव पार्वती सार्वजनिक विकास ट्रस्ट पुण्यश्लोक अहिल्यादेवी होळकर सोलापूर विद्यापीठ सोलापूर यांच्या संयुक्त विद्यमाने आपत्ती व्यवस्थापन या तीन दिवसीय राष्ट्रीय कार्यशाळेचे आयोजन करण्यात आले होते .
भूकंप, महापूर , अतिवृष्टी , सर्व घटना नैसर्गिक आपत्तीमध्येच मोडणारे आहेत अशा आपत्तीमध्ये होणारी जीवित वित्तहानी टाळण्यासाठी प्रशासकीय यंत्रणा राबवली जात असली तरीही संकटकालीन परिस्थितीचा मुकाबला करण्यासाठी लोक सहभागी तितकाच महत्त्वाचा आहे यासाठी राष्ट्रीय आपत्ती व्यवस्थापन समिती भारत सरकार तर्फे विविध महाविद्यालयीन व शाळेतील विद्यार्थ्यांना प्रात्यक्षिक स्वरूपात योग्य मार्गदर्शन केले .
यासाठी राष्ट्रीय आपत्ती व्यवस्थापन समिती भारत सरकार यांचा संघ मार्गदर्शक इन्स्पेक्टर ब्रिजेश कुमार राईकवर, सब इंस्पेक्टर अजय कुमार यादव, हेड कॉन्स्टेबल दिलीप थोरात, राजेंद्र ठाकरे ,अंकलगी सिद्धराम, वैभव सादाळे विद्यार्थ्यांना व सहभागी लोकांना मार्गदर्शन केले .
या तीन दिवसीय राष्ट्रीय कार्यशाळेमध्ये आपत्ती व्यवस्थापन समिती भारत सरकार यांच्या संघामधील इनस्पेक्टर ब्रिजेश कुमार रायकवर यांनी पहिल्या दिवशी उपस्थित विद्यार्थ्यांना नॅशनल डिझास्टर रिस्पॉन्स फोर्स मधील प्रोफाइल व माहिती विस्तृतपणे सांगितली .द्वितीय सत्र मध्ये विविध संकटात अडकलेल्या व्यक्तींना बाहेर काढून त्या व्यक्तीवर प्राथमिक उपचार योग्य पद्धतीने कसे करावे याचे प्रात्यक्षिक व स्वरूपात मार्गदर्शन करण्यात आले
.राष्ट्रीय कार्यशाळेच्या दुसऱ्या दिवशी विद्यार्थ्यांना शिवरत्न शिक्षण संस्थेचे कार्यकारी अध्यक्ष माननीय श्री . धैर्यशील मोहिते पाटील यांनी प्रथम सत्रात विद्यार्थ्यांना युवा नेतृत्व विकास व वाटचाल या विषयावर मार्गदर्शन केले. द्वितीय सत्रात असिस्टंट स सबनस्पेक्टर अजय कुमार यादव , दिलीप थोरात , अंकलगी सिद्धराम राजेंद्र ठाकरे यांनी अर्थक्वेक रेस्क्यू या विषयावर प्रात्यक्षिक स्वरूपात मार्गदर्शन केले .तिसऱ्या दिवशी विद्यार्थ्यांना पुरामध्ये अडकलेल्या व्यक्तींना कशा पद्धतीने बाहेर काढायचे याचे नीरा नदीवर विद्यार्थ्यांना प्रात्यक्षिक दाखवण्यात आली .राष्ट्रीय कार्यशाळेच्या समारोपाप्रसंगी शिवरत्न शिक्षण संस्थेच्या अध्यक्षा माननीय शितल देवी मोहिते पाटील यांनी विद्यार्थ्यांना महिला सबलीकरण या विषयावर सखोल मार्गदर्शन केले .समारोप प्रसंगी या कार्यशाळेत सहभागी विविध महाविद्यालयाच्या विद्यार्थ्यांनी आपले मनोगत व्यक्त केले . या कार्यशाळेत विविध महाविद्यालयातील विद्यार्थ्यांनी सहभाग नोंदवला त्यामध्ये शंकरराव मोहिते महाविद्यालय अकलूज ,समीर गांधी महाविद्यालय माळशिरस , सांगोला कॉलेज , सांगोला , फार्मसी कॉलेज , अकलूज या कार्यक्रमात मान्यवर शीतलदेवी मोहिते पाटील व नॅशनल डिझास्टर रिस्पॉन्स फोर्सच्या टीमच्या हस्ते सहभागी विद्यार्थ्यांना प्रमाणपत्र देण्यात आले या कार्यक्रमाप्रसंगी संस्थेचे सहसचिव माननीय श्री. शिवदास शिंदे शिवरत्न शिक्षण संस्थेचे सचिव धर्मराज दगडे संचालक . डॉ. विश्वनाथ आवड , श्रीकांत राऊत, पराग गायकवाड, सौ मनाली गांधी महाविद्यालयाचे प्राचार्य डॉ . कुंभार सर, डॉ . महेश ढेंबरे श्री शिवतीर्थ हिरेमठ , संजय साळुंखे इत्यादी मान्यवर उपस्थित होते .राष्ट्रीय सेवा योजना कार्यक्रम अधिकारी प्रा.अनिल लोंढे, प्रा.विराट गोरे , प्रा. भारत साठे यांनी विशेष परिश्रम घेतले . .
आपत्ती व्यवस्थापन या राष्ट्रीय कार्यशाळेचे समारोप प्रसंगी आभार डॉ .विश्वनाथ आवड सर यांनी मानले तर कार्यक्रमाचे सूत्रसंचालन सौ धनश्री हातोळकर यांनी केले .
