आमदार सातपुते यांच्या प्रयत्नातून निटवेवाडी – खुटबाव घाटातील दुरुस्तीसाठी 3 कोटी रुपये मंजूर
अकलूज; माळशिरस तालुक्याच्या पश्चिमेकडील सर्वात शेवटचा भाग म्हणून ओळखला जाणारा नातेपुते -फडतरी- निटवेवाडी व सातारा जिल्ह्यातील खुटबाव- मार्डी- म्हसवड या महत्त्वाच्या गावांना नातेपुतेहून जोडणाऱ्या रस्त्यासाठी माळशिरसचे आ राम सातपुते यांनी माजी उपमुख्यमंत्री विजयसिंह मोहिते पाटील व आ रणजितसिंह मोहिते पाटील यांच्या मार्गदर्शनाखाली मागील अर्थसंकल्पीय अधिवेशनात 4 कोटी 95 लाख रुपयांचा निधी मंजूर केला होता परंतु हा निधी नातेपुते, फडतरी ,,निटवेवाडी या रस्त्यांसाठी खर्ची पडणार होता परंतु निटवेवाडी खुटबाव हा घाट रस्ता दुरुस्त करण्यासाठी निधी कमी पडत असल्याने रस्ता दुरुस्तीचे काम ठप्प झाले होते ही अडचण लक्षात घेऊन हिवाळी अधिवेशनात आ राम सातपुते यांनी निटवेवाडी खुटबाव घाटातील रस्त्यासाठी वाढीव तीन कोटी रुपयांची निधीची तरतूद केल्याने या भागातील दळणवळणाची समस्या सुटणार आहे . आ सातपुते यांनी नागपूर येथे सुरू असलेल्या हिवाळी अधिवेशनात या रस्त्यासाठी वाढीव निधी म्हणून 3 कोटी रुपयांची तरतूद केल्याने व पूर्वीचा 4 कोटी 95 लाख असा एकूण 7 कोटी 95 लाख रुपयांचा निधी मंजूर केल्याने हा रस्ता दुरुस्त होणार असून या रस्त्यावरूनच सातारा जिल्ह्यातील खुटबाव, मार्डी व म्हसवडला जाता येणार आहे या ठिकाणी जाण्यासाठी यापूर्वी 15 ते 30 किलोमीटरचा जादा अंतर पार करून या भागातील लोकांना नातेपुते या ठिकाणाहून सातारा जिल्ह्यातील शिंगणापूर, मोही, खुटबाव आणि यानंतर माळशिरस तालुक्यातील निटवेवाडी व फडतरी या गावांकडे यावे लागत होते परंतु या रस्त्यासाठी सध्या 7 कोटी 95 लाख रुपये मंजूर झाले असून रस्ता तर दुरुस्त होणारच आहे परंतु घाटावरील कामासाठी 3 कोटी रुपयांचा अधिकचा निधी मिळाल्याने हा रस्ता दुरुस्त होऊन सुरळीत होणार आहे.
चौकट
गेल्या 10 ते 15 वर्षापासून खराब रस्त्यामुळे या भागांमधील लोकांचे अतोनात हाल होत होते, शालेय विद्यार्थ्यांना अनेक अडचणींचा सामना करावा लागत होता ,रात्री अपरात्री एखादं पेशंट दवाखान्यात नेत असताना खराब रस्त्यांमुळे वेळेत पेशंट दवाखान्यात न पोहोचल्याने अनेकांना आपले प्राण गमवावे लागले होते आ राम सातपुते यांनी या रस्त्यासाठी 7 कोटी 95 लाख रुपये मंजूर केले असून नातेपुते, फडतरी, निटवेवाडी या ग्रामस्थांच्या वतीने आ राम सातपुते यांचे आभार . बापूराव ज्ञानदेव निटवे, निटवेवाडी ग्रामस्थ
