विजयदादांचा “लक्ष्मण” म्हणून काम करेन ; अॅड सुभाष पाटील
अकलूज (प्रतिनिधी; )विजयदादा राष्ट्रवादी काँग्रेस किंवा काँग्रेस मध्ये असले असते तर महाविकास आघाडीच्या काळात त्यांना मोठे पद मिळाले असते. परंतु समाजाला विकासाच्या मुख्यप्रवाहात आणण्यासाठी भारतीय जनता पार्टीच्या लोककल्याणाच्या धोरणामुळे विजयदादा व मोहिते-पाटील यांनी सुज्ञ निर्णय घेऊन भाजपमध्ये आले मी फक्त विजयदादांना सांगतो की,भाजप मध्ये आहे तो पर्यंत मी आपला लक्ष्मण म्हणून काम करेन.असे प्रतिपादन माळशिरस भारतीय जनता पार्टीचे जेष्ठ नेते व विजयदादांचे पूर्वीचे प्रतिस्पर्धी राहिलेले ॲड.सुभाष पाटील यांनी माळशिरस येथील आयोजित सार्वजनिक कार्यक्रमात केले.
पुढे ॲड.पाटील म्हणाले, लोकांना वाटत असेल सुभाष पाटील विजयदादा विरूद्ध लढले आणि आता दादांच्या हस्ते बोर्डचे उदघाटन करतात.पण मी लढलो ते आमच्या समाजासाठी लढलो.परंतु विजयदादांनी सर्व समाजाला जाती घटकांना सोबत घेऊन तालुक्यात विकास केला. विजयदादांनी सर्वात मोठे काम काय केले असेल तर उजनीच्या कार्यक्षेत्रात तालुका नसताना दादांनी तालुका उजनीच्या कार्यक्षेत्रात घेतला तर माळशिरस तालुका सुजलाम-सुफलाम केला,दुष्काळी तालुक्यात विकासाची गती दिली.तसेच पक्षाने व दादांनी मला काही जबाबदारी दिली तर जनतेसाठी उपयोग करेन असेही पाटील म्हणाले,या कार्यक्रमाप्रसंगी भाजपचे धैर्यशिल मोहिते-पाटील, के.के.पाटील,सोपानकाका नारनवर
बाळासाहेब सरगर, माळशिरसचे नगराध्यक्ष अप्पासाहेब देशमुख व इतर मान्यवर उपस्थित होते.
माळशिरस तालुक्यातील बदलते राजकीय समिकरण
तालुक्यातील धनगर समाजाचे जेष्ठ नेते
ॲड. सुभाष पाटील यांनी भाजपच्या तिकीटावर १९९० , १९९५ , १९९९ सालच्या विधानसभा निवडणूका विजयदादांच्या विरोधात लढवल्या होत्या. मोहिते-पाटील यांचे पूर्वीचे पारंपरिक विरोधक असलेले सुभाष पाटील व मोहिते-पाटील एकत्र आल्याने भाजपची ताकद आणखी वाढणार आहे.
चौकट :-
विजयदादा व सुभाष आण्णा पाटील यांनी माळशिरस तालुक्यात राजकीय संस्कृतीचा आदर्श घालून दिला
भाजपचे जेष्ठ नेते सुभाष आण्णा पाटील यांनी आग्रहाने दिलेल्या निमंत्रणावरून भारतीय जनता पक्षाच्या बोर्ड / फलक उद्घाटनाच्या कार्यक्रमाला आद. विजयदादा व मी उपस्थित होतो. काल सुभाष आण्णा यांनी आद.विजयदादा यांचे बाबत केलेल्या भाषणामध्ये भाजपमध्ये मी विजयदादांचा लक्ष्मण म्हणून काम करेन हे सांगणे हा सुभाष आण्णांचा मोठेपणा,सुसंस्कृतपणा आहे असे मी म्हणेन..
सुभाष आण्णा यांनी १९९०, १९९५, १९९९ साली मोठ्या दादांच्या विरोधात निवडणुका लढवल्या अगदी टोकाचा राजकीय विरोध झाला पण निवडणूक काळात सुभाष अण्णांनी प्रचारात टिका करताना फक्त सत्ताधारी व प्रस्थापित या पलीकडे जाऊन वैयक्तिक टीका-टिप्पणी केली नाही व मोठेदादा किंवा मोहिते-पाटील व कुटुंबीयांकडून देखील सुभाष आण्णा यांच्यावर व्यक्तिगत पातळीवर टिका केली नाही.
पाटील कुटुंबीयां समवेत राजकारण विरहीत ऋणानुबंध जोपासत कायम विजयदादा आण्णांच्या पाठीशी राहीले ..राजकीय मतभेद आणि विचारधारा वेगळी होती तरी एकमेकांसोबत सुख-दु:खात सोबत राहिले.
आज काल सगळ्याच गोष्टींकडे राजकीय रंगाच्या चष्म्यातून पाहण्याची, वाद घालण्याची, प्रतिवाद करण्याची प्रथा रूढ होतेय, परंतू माळशिरस तालुक्यात सुसंस्कृत, सभ्य, संवेदनशील राजकारण कसे करावे याचा परीपाठ विजयदादा व सुभाष अण्णा यांनी नव्याने घालून दिला आहे.
राजकिय विरोध कितीही असला तरी राजकारणातील सभ्यता आणि सुसंस्कृतपणा कसा जपावा हे आद.विजयदादा व जेष्ठ नेते सुभाष आण्णा यांच्याकडून शिकण्यासारखे आहे…
धैर्यशिल राजसिंह मोहिते-पाटील.
भाजपा नेते.
