*ऐन दिवाळीच्या तोंडावर एसटीची मोठी भाडेवाढ*
मुंबई : ऐन दिवाळीच्या तोंडावर सर्वसामान्यांच्या खिशावर भार पडणार आहे. कारण दिवाळीच्या पार्श्वभूमीवर एसटी महामंडळाने मोठी भाडेवाढ जाहीर केली आहे. त्यामुळे याचा फटका आता सर्वसामान्यांना सहन करावा लागणार आहे. मात्र ही भाडेवाढ हंगामी स्वरुपाची असणार आहे. 20 ऑक्टोबरपासून ही भाडेवाढ एसटी महामंडळ करणार आहे. त्यामध्ये 5 रुपयांपासून ते 75 रुपयांपर्यंत असणार आहे. एसटी महामंडळाचा महसूल वाढण्यासाठी हा निर्णय घेण्यात आला असल्याचं महामंडळाकडून स्पष्ट करण्यात आलं आहे. तर शिवनेरी आणि अश्वमेध या बससाठी ही भाडेवाड लागू नसणार आहे. तर दिवाळीच्या पार्श्वभूमीवर करण्यात आलेली ही भाडेवाढ फक्त 10 दिवसांसाठी असणार आहे. त्यामध्ये साध्या बस गाड्यांना ही भाडेवाढ लागू असणार आहे. दरम्यान, दिवाळीच्या पार्श्वभूमीवर या वर्षी तब्बल 1 हजार 494 जादा बस सोडण्यात येणार आहेत. प्रवाशांच्या सोयीसाठी हा निर्णय महाराष्ट्र राज्य मार्ग परिवहन महामंडळाच्यावतीने घेण्यात आला आहे.
