*बी.ए.प्रथम वर्ष स्वागत समारंभ उत्साहात संपन्न* संग्रामनगर दि.२ (केदार लोहकरे याजकडून) येथील शिक्षण प्रसारक मंडळ अकलूज संचलित शंकरराव मोहिते महाविद्यालयात चालू शैक्षणिक वर्ष 2022-23 मध्ये बी.ए. प्रथम वर्षाला प्रवेश घेतलेल्या सर्व विद्यार्थ्यांचा स्वागत समारंभ अत्यंत उत्साहात संपन्न झाला.सदर कार्यक्रमाचे औचित्य असे होते की कोरोनाच्या पार्श्वभूमीवर समाजामध्ये विशेषतः विद्यार्थी वर्गामध्ये आलेले नैराश्य झटकण्याच्या उद्देशाने महाविद्यालयीन युवकांमध्ये नवी उमेद निर्माण करण्याच्या भूमिकेतून आणि नवीन विद्यार्थ्यांना महाविद्यालयाचा नवीन परिसर,महाविद्यालयातील सोयी-सुविधा,महाविद्यालयातील प्राध्यापक वृंद,महाविद्यालयातील योजना, महाविद्यालयातील उपक्रम विषयी सांगोपांग आढावा घेता यावा या उद्देशाने हा कार्यक्रम घेण्यात आला. या कार्यक्रमाची सुरुवात प्रवेश घेतलेल्या सर्व विद्यार्थ्यांना गुलाब पुष्प देऊन करण्यात आली. त्या नंतर कार्यक्रमाचे प्रास्ताविक डॉ.बाळासाहेब मुळीक यांनी केले. प्रास्ताविकामध्ये डॉ. मुळीक यांनी नव्याने प्रवेशित झालेल्या महाविद्यालयातील विद्यार्थ्यांसाठी ही सुवर्णसंधी आहे की आपल्या महाविद्यालयास ज्ञानदानाच्या क्षेत्रात पंचावन्न वर्षाची गौरवशाली परंपरा लाभली आहे. देश-विदेशामध्ये महाविद्यालयातील विद्यार्थ्यांनी आपली एक विशिष्ट ओळख निर्माण केली आहे हे महाविद्यालयाच्या प्रगतीवरून लक्षात येते.सहकार महर्षी शंकरराव मोहिते-पाटलांनी गोर-गरिबांच्या मुला-मुलींच्या उच्च शिक्षणाची सोय व्हावी याच हेतूने या शिक्षण संस्थेची उभारणी केलेली आहे. या कार्यक्रमाच्या प्रास्ताविकानंतर प्रवेशित विद्यार्थी प्रतिनिधी व विद्यार्थिनी प्रतिनिधी आणि व्यासपीठावरील सर्व मान्यवरांच्या हस्ते सहकार महर्षी शंकरराव मोहिते-पाटील आणि स्वर्गीय राजमाता रत्नप्रभादेवी मोहिते-पाटील यांच्या प्रतिमेचे पूजन करण्यात आले. प्रतिमा पूजनानंतर महाविद्यालयातील राष्ट्रीय सेवा योजनेचे कार्यक्रम अधिकारी प्रा. दत्तात्रय मगर यांनी राष्ट्रीय सेवा योजना ही विद्यार्थ्यांच्या व्यक्तिमत्व विकासासाठी अत्यंत महत्त्वाची योजना आहे आणि या योजनेमध्ये सर्व विद्यार्थ्यांनी सहभागी होण्याचे आवाहन केले.त्या नंतर महाविद्यालयातील स्पर्धा परीक्षा महर्षी अकॅडमीचे मार्गदर्शक अजित चंदनकर यांनी विद्यार्थ्यांना स्पर्धेच्या युगाची ओळख करून दिली ही ओळख आपल्या विशिष्ट शैलीमध्ये सांगत असताना आपल्या आयुष्यातील वेळ अत्यंत महत्त्वाची वस्तू आहे आणि तिचा सदुपयोग करा असे आवाहन केले. राष्ट्रीय छात्र सेनेचा सीनियर अंडर ऑफिसर सत्यजित चव्हाण यांनी महाविद्यालयाच्या राष्ट्रीय छात्र सेने विषयी आपली भूमिका मांडत असताना आज तागायत महाविद्यालयातील राष्ट्रीय छात्र सेनेचे तब्बल 28 विद्यार्थी प्रजासत्ताक दिनी नवी दिल्ली येथे संचलनामध्ये सहभागी झालेले आहेत. महाराष्ट्रातील क्रमांक एकचे एनसीसीचे युनिट म्हणून शंकरराव मोहिते महाविद्यालयाकडे पाहिले जाते.पुढे त्याने सर्व विद्यार्थ्यांना राष्ट्रीय छात्र सेनेच्या एकता,अनुशासन आणि राष्ट्रप्रेम विषयी बहुमोल मार्गदर्शन केले. या स्वागत समारंभामध्ये महाविद्यालयाच्या रवींद्रनाथ टागोर ग्रंथालयाचे ग्रंथपाल दत्तात्रय पाटील यांनी अतिशय सूत्रबद्ध पद्धतीने ग्रंथालयातील सोयी-सुविधा,योजना, उपक्रमांविषयी माहिती दिली.पुढे महाविद्यालयाच्या जिमखाना विभागाचे संचालक प्रा.अरविंद वाघमोडे यांनी महाविद्यालयाच्या खेळातील कामगिरीबद्दल अकलूज ते प्यारा ओलंपिकचा गौरवशाली इतिहास विद्यार्थ्यांपुढे मांडला.आज तागायत महाविद्यालयातील शेकडो खेळाडू राष्ट्रीय तथा आंतरराष्ट्रीय स्पर्धांमध्ये सहभागी झालेले आहेत 35 पेक्षा जास्त खेळाडू यांनी या खेळामध्ये प्राविण्य प्राप्त केले आहे.पुढे महाविद्यालयाच्या सांस्कृतिक विभागाच्या सदस्या प्रो. डॉ. अपर्णा कुचेकर यांनी महाविद्यालयातील सांस्कृतिक विभागाच्या प्रगतीचा आलेख विद्यार्थ्यांसमोर मांडला. सलग दोन वेळा गोल्डन बॉय पुरस्कार, विद्यापीठाच्या युवा महोत्सवामध्ये जनरल चॅम्पियनशिप, शासनाच्या वतीने घेण्यात येणाऱ्या अश्वमेध स्पर्धेमध्ये विद्यार्थ्यांचे नैपुण्य तसेच आजवर या विभागाने मनोरंजन क्षेत्रामध्ये शेकडो विद्यार्थी घडवण्याचे काम केले आहे. शेवटीच्या अध्यक्षीय भाषणात महाविद्यालयाचे प्रभारी प्राचार्य प्रा.डाॅ.दत्तात्रय बागडे यांनी महाविद्यालयाच्या प्रगतीचा आणि महाराष्ट्रभर असलेल्या महाविद्यालयाच्या नावलौकिकाचा उल्लेख करून ग्रामीण भागातील विद्यार्थ्यांसाठी शंकरराव मोहिते महाविद्यालय आदर्शवत कार्य करीत आहे या कार्याला शिक्षण प्रसारक मंडळ, अकलूजचे अध्यक्ष संग्रामसिंह मोहिते-पाटील,मार्गदर्शन संचालक जयसिंह मोहिते-पाटील,कु.स्वरुपाराणी मोहिते-पाटील,सचिव अभिजीत रणवरे,सह-सचिव हर्षवर्धन खराडे-पाटील या सर्वांचे अनमोल सहकार्य आणि मार्गदर्शन लाभत आहे. विद्यार्थ्यांच्या सर्वांगीण विकासास केंद्रबिंदू मानून आपली शिक्षण संस्था आणि महाविद्यालय महाराष्ट्रातील शैक्षणिक क्षेत्रात आदर्शवत कामगिरी बजावत आहे. या स्वागत समारंभाच्या यशस्वी आयोजनासाठी प्रा.विनायक सूर्यवंशी,डॉ.हणमंत आवताडे, डॉ.आण्णासाहेब नलवडे,प्रा.दादासाहेब कोकाटे, प्रा.प्रसाद लोहार,प्रा.रविराज सोनवणे, डॉ.चंद्रशेखर ताटे,कार्यालयीन अधिक्षक युवराज मालुसरे,सलिम शेख,नागनाथ साळवे,सुरेश बनपट्टे,सुरेश पिसे यांनी परिश्रम घेतले.या कार्यक्रमाचे सूत्र-संचालन प्रा.निवृत्ती लोखंडे केले व सर्व उपस्थितांचे आभार प्रा.स्मिता पाटील यांनी मानले.
