मराठा आरक्षण व अन्य मागण्यांच्या बाबतीत सह्याद्री अतिथीगृह येथे 25ऑगस्ट रोजी मुख्यमंत्री एकनाथ शिंदे यांच्या अध्यक्षतेखाली आयोजित बैठकीत 50%च्या आत ओबीसी मधून मराठ्यांना आरक्षण देण्याची मागणी करणाऱ्या योगेश केदार यांचा आवाज दाबण्याचा प्रयत्न.
अकलूज (प्रतिनिधी )मराठा आरक्षण व अन्य मागण्यांच्या बाबतीत सह्याद्री अतिथीगृह येथे 25ऑगस्ट रोजी मुख्यमंत्री एकनाथ शिंदे यांच्या अध्यक्षतेखाली बैठक आयोजित करण्यात आली होती. या बैठकीला उपमुख्यमंत्री देवेंद्र फडणवीस यांच्यासह महसूल मंत्री राधाकृष्ण विखे-पाटील, उच्च व तंत्रशिक्षण मंत्री चंद्रकांत पाटील, बंदरे आणि खानिकर्म मंत्री दादा भुसे, राज्य उत्पादन मंत्री शंभूराजे देसाई, विधान परिषद सदस्य प्रवीण दरेकर, आमदार प्रसाद लाड, आमदार शिवेंद्रसिंहराजे भोसले, माजी आमदार अर्जुन खोतकर, माजी खासदार छत्रपती संभाजी राजे भोसले, माजी आमदार नरेंद्र पाटील, योगेश केदार,मराठा क्रांती ठोक मोर्चा धनाजी साखळकर, महेश डोंगरे, अमीत घाडगे,पाटील हनुमंत फपाळ, रामभाऊ गायकवाड,शिवराज पाटील, मराठा आरक्षण कार्यकर्ते विनोद पाटील यांच्यासह मराठा क्रांती मोर्चाचे पदाधिकारी, मराठा आरक्षणासाठी काम करणाऱ्या विविध संघटना आणि मराठा समन्वयक उपस्थित होते.यासंदर्भात बोलताना या बैठकी साठी उपस्थित असलेले योगेश केदार म्हणाले की, सदर बैठकच काही मराठा नेत्यांनी स्वतःचे कौतुक करून घेण्यासाठी बोलावली होती का? याचा दाट संशय येतोय. आरक्षण सोडून इतर चिल्लर गोष्टीवर चर्चा कोणत्या सरकारला आवडत नाही? अनेकांचा आवाज दाबला जात होता. अशी बैठक यापूर्वी कधीच बोलावली गेली नाही. त्यामुळे सरकारचे आभार माना हे संभाजीराजे वारंवार का बोलत होते? हेच कळले नाही. अरे सरकार चे परम कर्तव्य आहे, मराठा समाजाला बोलावून भूमिका ऐकण्याचे. सरकार ने बैठक बोलावली म्हणजे काही उपकार केले नाहीत मराठा समाजावर. आणि काही बिकाऊ अभ्यासक आणि याचीका कर्त्यांची नावं जाणीवपूर्वक पुढे करत होते. दुसरे अभ्यासक नाहीत का समाजात? या बाबी समाज म्हणून आम्हाला पटलेच नाही. महाराजांनी प्रामाणिक लोकांना महत्त्व द्यावे, चाटू कारांना नाही. समाजात खुप दिग्गज दिग्गज लोक आहेत पण ते समोर येऊ शकले नाहीत. या वेळी मराठ्यांना 50% च्या आत ओबीसी मधूनच आरक्षण! ही घोषणा सुरुवातीलाच योगेश केदार यांनी दिली. एकनाथजी शिंदे यांनी चीढून, हे बरोबर नाही असे बोलायला सुरुवात केली. त्यावेळी केदार त्यांना म्हणाले की, साहेब तुम्ही जेंव्हा गुवाहाटी ला गेला होता ना त्यावेळी तुमचे समर्थन करणारा पहिला असेन. भरपूर लेख लिहिले. मग आत्ता तुम्ही आमचा आवाज का दाबत आहात? त्यावर एकनाथ संभाजी शिंदे जी लगेच नॉर्मल होऊन, हसून बोलायला लागले. आम्ही गेले अडीच वर्ष आम्ही आमचे आयुष्य धोक्यात घालून आघाडी सरकार विरोधात आंदोलन करणारे लोक आहोत. शांत बसणार नाही. बोलणारच. यानंतर पोलिसांनी योगेश केदार यांना काही काळ उचलून नेतो बाहेर नेतो अशा वल्गना करत घेरून ठेवले. नेहमीप्रमाणे बैठक केवळ सारथी, आणि इतर फुटकळ गोष्टींवर उरकून घेण्याचा नाद काही समन्वयक आणि नेत्यांनी ठेवला होता. सरकार ला तेच पाहिजे असते. बैठक संपत आली तरी आत्ता आरक्षण वर येतील मग येतील. असे वाटत असताना कोणीही यावर बोलत नव्हते.पोलिसांचे दुर्लक्ष बघून केदार यांनी पुढे उभारून 23 मार्च 1994 च्या जी आर चा आधार घेत मराठ्यांना ओबीसी आरक्षण मिळावे म्हणून बोलायला सुरुवात केली. लगेच शंभुराजे देसाई आणि दादा भुसे नावाचे मंत्री आरक्षणाचा विषय आत्ता नको, आत्ता नको नंतर बोलू म्हणून विरोध करू लागले. काही समन्व्यक यांनी देखील यात गोंधळ करण्याचा प्रयत्न केला. केदार यांनी आवाज वाढविल्यावर . पुन्हा हे चतुर बोलू लागले की केदार उंच आवाजात बोलतोय. अरे असा आवाज दाबल्यावर माणूस जोरात बोलणारच ना! एकदा सगळे पुन्हा शांत झाल्यावर पुन्हा त्यांनी मराठ्यांनी सगळ्यात जास्त बलिदान कशासाठी दिले?असा प्रश्न केल्यावर सर्वांनी आरक्षण साठी असे उत्तर दिले.. मग त्यावर चर्चा करा ना. असे निक्षुन सांगितल्यावर तरी पुन्हा गोंधळ घालण्यात आला.हे सर्व घडत असताना प्रवीण दरेकर उठून बोलू लागले. मी समाजासाठी समाजाच्या समन्वयक कार्यकर्त्यांसाठी सढळ हाताने मदत केली. आजही करतोय. पण मी कधीही दाखवत नाही. आम्ही पण मराठा आहोत. असे बोलून केदार यांना थांबवण्याचा प्रयत्न करू लागले. त्यावर ते त्यांना म्हणाले दरेकर साहेब तुम्ही लय हुशार आहात आम्ही अडाणी आहोत, पण आमचं म्हणणं तरी ऐकुन घ्या. यावर मलिद्याची अपेक्षा करणारे दरेकर ला काहीच बोलत नव्हते. का? तर आता निष्ठा या नवीन सरकार वर दाखवायच्या होत्या. समाजाशी यांना काहीच घेणे देणे नाही. योगेश केदार शांत होत नाही हे बघून दादा भुसे यांनी हाताला धरून ओढून घेतले व स्वतःच्या खुर्चीवर बसवले.पुन्हा मुख्यमंत्री बोलू लागले. मुख्यमंत्र्यांनी त्यांच्या भावना किती चांगल्या आहेत हे बोलून दाखवले. त्यांचे भाषण झाल्यावर संभाजीराजेंनी आभार मानले. त्याही वेळी केदार यांनी 50% च्या आत ओबीसी मधूनच आरक्षण मराठ्यांना द्या असे सरकार ला निक्षून सांगितलं. आणि बैठकीचा शेवट केला.एकूणच काय तर या बैठकीत 50%च्या आत ओबीसी मधूनच मराठ्यांना आरक्षण द्या अशी मागणी करणाऱ्या योगेश केदार यांचा आवाज दाबण्याचा प्रयत्न या बैठकीत करण्यात आला.
चौकट :-
*मुख्यमंत्री आणि उपमुख्यमंत्री यांच्या समोर ‘मराठ्यांना ओबीसी मधून आरक्षण मिळालेच पाहिजे’ हा आवाज पुन्हा बुलंद केला. ही गरीब विस्थापित मराठ्यांची खरी भूमिका आहे ती घेत राहणार. मला कोणी काहीही म्हणा, जोपर्यंत श्वासात श्वास आहे तोपर्यंत मी ही मागणी सोडणार नाही. माझ्या समाजाला न्याय मिळवून देण्यात खारीचा वाटा उचलतोय…. माझे आयुष्यात काहीही होवो…माझ्या माघारी माझ्या येणाऱ्या पिढ्यांना समाज नक्कीच भरभरून आशीर्वाद देईल.
*योगेश केदार
