*प्रा. उमेश पट्टणशेट्टी यांचा सेवानिवृत्ती निमित्त सत्कार*
मिरज : ( प्रतिनिधी). येथील श्री स्वामी विवेकानंद शिक्षण संस्थेचे इन्स्टिट्यूट ऑफ फार्मसी चे वरिष्ठ प्राध्यापक व माजी प्रभारी प्राचार्य उमेश पट्टणशेट्टी हे आपल्या छत्तीस वर्षांच्या प्रदीर्घ सेवेनंतर ३१ जुलै २०२२ रोजी सेवानिवृत्त झाले. त्यानिमित्त विवेकानंद शिक्षण संस्था, महाविद्यालय व आजी-माजी विद्यार्थ्यांच्या वतीने प्रा. पट्टणशेट्टी सरांचा सत्कार व निरोप समारंभ महाविद्यालयाच्या सभागृहात आयोजित केला होता. याप्रसंगी संस्थेचे प्राचार्य जे. जे. बेलशर व शिक्षण महर्षी डॉक्टर बापूजी साळुंखे महाविद्यालयाचे प्राचार्य डॉ. सतीश घाटगे हे प्रमुख पाहुणे म्हणून उपस्थित होते. त्याचप्रमाणे गौरीशंकर फार्मसी कॉलेज सातारा चे प्राचार्य विजय राजे, डॉक्टर बापूजी साळुंखे फार्मसी कॉलेजचे प्राचार्य राजेंद्र भडके, महाराष्ट्र फार्मसी कौन्सिलचे अध्यक्ष विजय पाटील हे ही या कार्यक्रमास उपस्थित होते. त्याचप्रमाणे महाविद्यालयाचे आजी माजी विद्यार्थी महाविद्यालयातील सर्व शिक्षक व शिक्षकेतर कर्मचारी उपस्थित होते. कार्यक्रमाचे सूत्रसंचालन माजी विद्यार्थी दयानंद चंदनवाले व केतन चिकोडे यांनी केले. प्राचार्य विजय राजे यांनी श्री पट्टणशेट्टी सरांचा ३६ वर्षांच्या सेवेतील प्रवास व्हिडिओ द्वारे प्रस्तुत केला.निरोप समारंभाचे औचित्य साधून विश्रामबाग येथील माहेश्वरी गार्डन या ठिकाणी पट्टणशेट्टी कुटुंबाच्या वतीने प्रीती भोजन आयोजित केले होते. याप्रसंगी जतचे जुन्या पिढीतील सुप्रसिद्ध डॉ.एम. एस मोदी व मिरजेचे सुप्रसिद्ध डॉ. आप्पासाहेब गाढवे, अकलूज येथील शिवरत्न इन्स्टिट्यूट ऑफ मॅनेजमेंट स्टडीज चे प्राचार्य डॉ. अरविंद कुंभार, अश्विनी हाॅस्पिटलच्या अभय मेडिकलचे फार्मासिस्ट अभय जोशी, प्रगतशील शेतकरी अजित इनामदार हे मान्यवर श्री.पट्टणशेट्टी यांना शुभेच्छा देण्यासाठी आवर्जून उपस्थित होते.
