त्वचारोग व रक्तमोक्षण (आयुर्वेदिक उपचार)… त्वचारोग तज्ञ डॉ.प्रफुल्ल गायकवाड
त्वचारोग बऱ्याचदा चिवट असतात. तऱ्हेतऱ्हेचे उपचार करून तात्पुरते बरे झाल्यासारखे वाटतात. पण, काही ठराविक दिवसांनी पुन्हा डोकं वर काढतात. बहुतेक सर्वच त्वचारोगांमध्ये वात, पित्त, कफ हे तिन्ही दोष वाढलेले असतात. त्यामुळं बाहेरून केलेले उपचार त्वचारोग दूर करण्यासाठी प्रभावी ठरत नाहीत. औषधं असतात तोपर्यंत बरं वाटतं. परंतु, नंतर आजार आणखी वाढतो. याचा साधसरळ अर्थ म्हणजे शरीरात दोष मुरलेले आहेत. त्यामुळेच आजाराचे मुख्य कारण समजून न घेता वरवर उपचार केले तर त्वचारोग अंगाला चिकटून बसतात ते कायमचेच. हे प्रमाणापेक्षा वाढलेले दोष मुळापासून काढून टाकले तर त्वचारोग लवकर आणि कायमस्वरूपी बरे होतात. अशा मुरलेल्या दोषांना फक्त आयुर्वेदाचे पंचकर्मासारखे सिद्धांत उपयोगी पडतात. पाच विविध प्रकारे केलेली शरीर शुद्धी म्हणजेच पंचकर्म होय. यांपैकी सर्व त्वचारोगांमध्ये हमखास गुणकारी व सहज सोपे पंचकर्म म्हणजे रक्तमोक्षण होय. जळू, cupping, सिरावेध हे त्यातले सध्याच्या काळातील प्रचलित प्रकार होय. ह्या उपायांद्वारे शरीरातील दूषित रक्त काढून टाकले जाते.या मधील सर्वात सोप्पा तसेच रुग्णास वेदना न होता करण्याचा प्रकार म्हणजे जलौकावचरण. जळवांमुळे रोगस्थानातले दोष (अशुध्द रक्त) बाहेर काढून टाकले जातात. यामुळे ठणका, सूज, खाज, जळजळ, काळवंडलेली त्वचा ह्या तक्रारींमध्ये चांगलाच फरक पडलेला दिसून येतो. तसेच पुढे रोगशामक औषधांच्या कार्याला मदत होते. आजाराच्या तीव्रतेनुसार किती वेळा रक्तमोक्षण करावे लागेल ते ठरवले जाते. रोगाच्या अवस्था व तीव्रतेनुसार रोग मुळापासून बरा होण्यास काही काळ हा जातोच. या काळात रुग्णाने संयमाने औषधे घेऊन वैद्यांनी सांगितलेले पथ्य पालन केले तर आजार बरा होण्यास मदत होते.Psoriasis, Eczema, Alopecia, युरिक ऍसिड वाढणे, केस गळणे, पिंपल्स, गळू / उबाळी येणे, वारंवार तोंड येणे, नागीण अशा विविध आजारांमध्ये रक्तमोक्षण महत्वाची भूमिका बजावते. साक्षात धन्वंतरीच्या हातात त्यांचं एक शस्त्र म्हणून जळू दाखवण्यात आलेली आहे. या छोट्या प्राण्याचा महिमा पुरातन काळापासून आपल्या आचार्यांना माहीत आहे. तेव्हा, त्वचारोगांसाठी महागामोलाचे तात्पुरते उपचार करण्यापेक्षा रक्तमोक्षण करणं केव्हाही श्रेयस्कर आहे! ~ वैद्य प्रफुल्ल गायकवाडBAMS CCADद्वारका केश व त्वचा विकार क्लिनिकनवीन बस स्टँडच्या पाठीमागेद्वारका कॉम्प्लेक्सअकलूज 413101ता माळशिरसजि सोलापूरसंपर्क-8208086035ई मेल- drpraful10@gmail.com
