द्रौपदी मुर्मू देशाच्या नव्या राष्ट्रपती
नवी दिल्ली : देशाच्या राष्ट्रपतीपदासाठीच्या निवडणुकीत एनडीएच्या उमेदवार द्रौपदी मुर्मू यांचा विजय झाला आहे. त्यांना आतापर्यंतच्या मतमोजणीत80टक्क्यांपेक्षा जास्त मते मिळाली आहेत. त्यामुळे आता त्या राष्ट्रपतीपदावर विराजमान होणार आहेत. त्यांनी यूपीएचे उमेदवार यशवंत सिन्हा यांचा पराभव केला आहे.
राष्ट्रपतीपदासाठी 18 जुलैला मतदान पार पडले. त्यानंतर आज संसद भवनात मतदानाची मोजणी पार पडली. त्यानंतर द्रौपदी मुर्मू यांच्या बाजूने कौल मिळाला असल्याने देशाला आज 15 वे राष्ट्रपती मिळाले आहेत. द्रौपदी मुर्मू यांचे देशभरातून अभिनंदन करण्यात येत आहे.
पहिल्या दोन फेरीतच मुर्मू यांनी मोठी आघाडी मिळाली होती. त्यानंतर तिसऱ्या फेरीच्या मतमोजणीत त्यांना 50 टक्क्यांपेक्षा जास्त मते मिळाली आहे. त्यामुळे त्या विजयी झाल्या आहेत. त्यांच्या विजयाची औपचारिक घोषणा व्हायची आहे.
त्यांच्या रुपाने आदिवासी समाजातून देशाला पहिल्या राष्ट्रपती लाभल्या आहेत. तर त्या दुसऱ्या महिला राष्ट्रपती म्हणून विराजमान झाल्या. दरम्यान एनडीएकडे सर्वाधिक खासदार, आमदार असल्याने त्यांच्या विजयी निश्चित मानला जात होता. त्यामुळे आज सकाळपासून देशभरात भाजपकडून जल्लोष करण्यात येतोय.
कोण आहेत द्रौपदी मुर्मू :
द्रौपर्दी मुर्मू या राजकारणात प्रवेश करण्याआधी शिक्षिका होत्या. 1997 मध्ये त्यांनी राजकारणात प्रवेश करत पहिल्यांदा नगरसेवक पदावर निवडून आल्या. त्यानंतर 2000 व 2009 मध्ये रायरंगपूर या मतदारसंघातून दोन वेळा आमदार देखील होत्या. त्यानंतर भाजप आणि बिजू जनता दल या सरकारच्या काळात त्यांनी मंत्रिपदही भूषवलेले आहे. त्यानंतर 2015 मध्ये द्रौपदी मुर्मू या झारखंडच्या पहिल्या महिला राज्यपाल होत्या. आता त्या देशाच्या प्रमुखपदावर विराजमान होणार आहे.
