*अकलूजमध्ये भरली आजी-आजोबांची शाळा*तब्बल ४० वर्षानंतर मित्र मैत्रिणींची एकत्र येण्याचा आला योग संग्रामनगर दि.२१ (केदार लोहकरे याजकडून ) जुने अकलूज काॅलेज अकलूज व सध्याचे शंकरराव मोहिते महाविद्यालयात शिक्षण घेतलेल्या मित्र मैत्रिणींनी तब्बल ४० वर्षानंतर एकत्र येऊन.त्यांनी पुन्हा काॅलेजच्या जीवनातील सोनेरी दिवसांना व आठवणींना उजाळा दिला. अकलूज काॅलेज अकलूजचे सन १९८१ /८२ च्या शैक्षणिक वर्षानंतर कॉलेजचे मित्र-मैत्रिणी व्यवसायामुळे नोकरीमुळे दुरावले गेले काही जण नोकरी लागले काही जण परदेशी गेले काही जण व्यवसायात गुंतले तर मैत्रिणी लग्न होऊन बाहेरगावी गेल्या कॉलेजवर आर्ट सायन्स कॉमर्स मधील विद्यार्थ्यांचा एक मैत्री ग्रुप तयार झाला होता.सीनियर,ज्युनिअर असो असा हा ग्रुप कॉलेजवर एकमेकांच्या सुख दुःखात सहभागी होत होता.तसेच सहलीला एकत्र जात होता ४० वर्षानंतर एकत्र पुन्हा आणण्यासाठी मोबाईलचा फार मोठा उपयोग झाला एक एक करत सर्वांना संपर्क होत गेला.आणि दि. १७ जुलै रोजी अकलूज मधील गलांडे हॉटेलमध्ये सर्वांनी एकत्र भेटण्याचे ठरले सर्वजण आतुरतेने वाट पाहत एकमेकांची ओळख पटवत आणि किती बदललास ओळखू आला नाहीस असे बोलत हर्ष आनंदाने सर्वजण प्रफुल्लित झाले प्रत्येकाच्या चेहऱ्यावर आनंद ओसाडून वाहत होता.प्रत्येक जण साठीओलांडलेला आहे प्रत्येक जण आजोबा झाला आहे.त्यामुळे आजी आजोबांची शाळा भरली पुन्हा एकदा भरली एकमेकांच्या ओळखी आणि खुशालीत कसा वेळ गेला समजले नाही आमच्या कॉलेजच्या ग्रुपमधील जे मित्र मैत्रिणी हयात नाहीत त्यांना श्रद्धांजली वाहन्यात आली. प्रत्येकाने आपले मनोगत व्यक्त करणेस सुरुवात केली सर्वप्रथम जेष्ठ पत्रकार चंद्रकांत कुंभार यांनी मनोगत व्यक्त करताना आपण कॉलेज जीवनानंतर पत्रकारिता आणि राजकारण राजकीय पक्षाचे सरचिटणीस म्हणून काम पाहिले आणि आजही पत्रकार म्हणून काम करत आहे मुख्य व्यवसाय शेती असलेले सांगत त्यांनी अनेक अनुभव कथन केले श्यामसुंदर भागवत यांनी आपले अनुभव सांगताना रा.स्व.संघाचे संस्कार असलेने जीवनात यशस्वी होण्यास मार्गदर्शक कसे ठरले हे संगितले.साधना शिंदे हिने पुढील शिक्षणासाठी कोल्हापूरला जाऊन वकिली बरोबरच न्यायाधीशाचे काम केले.न्यायाधीश पदावरून काम करत असताना आलेले अनुभव त्यानंतर अनेक ठिकाणी झालेल्या बदल्या एक महिला न्यायाधीश म्हणून असलेला दरारा कसा आपण सांभाळला ह्याचे कथन तिने केले तर अमृत गांधी यांनी त्याच्या वकिली जीवनातला एक थरार प्रसंग सांगितला जीवावर बेतनारा प्रसंग तो कथन करत असताना अक्षरशः अंगावर काटे आले अमृत(बंडु) खिंवसरा यांनी कॉलेज जीवनातील विविध आठवणींना उजाळा दिला.असे अनेक लहान-मोठे प्रसंग सांगत सर्वांनी आपला परिचय करून दिला.संपूर्ण कार्यक्रम घडवून आणला तो श्याम भागवत अमृत(बंडु) खिंवसरा यांनी घडवून आणला.सदर प्रसंगी कॉलेज मधील सर्वांचे लाडके शिपाई रघुनाथ देशमुख यांनाही या स्नेह मेळाव्यात सामील होऊन आठवीणींना उजाळा दिला. यामध्ये वनिता आर्वे उत्तम शेतकरी आहेत शुक्ला कोतमिरे साधना चंकेश्वरा नंदा गिरमे या गृहणी आहेत त्यांचे मुले उच्च पदावर आहेत राजेंद्र थोरात एलआयसी ऑफिसर आहे प्रभाकर गिरमे हरीदास कदम उत्तम शेतकरी आहेत माधव शहापुरकर ट्रॅक्टर एजन्सी व व्यावसायिक आहेत पांडूरंग चव्हाण हे एस.टी.महामंडळातून नोकरी नंतर शेती पाहतात संजय शहा उद्योजक प्लास्टिक कारखाना चालवतात अमृत गांधी पुण्यामध्ये वकिली करतात बाळासाहेब कमते इंडियन ओव्हरसीज बँकेतील निवृत्त अधिकारी आहेत पांडूरंग कुलकर्णी एलआयसी एजंट म्हणून काम करतात रमेश भालेराव नोकरी आणि स्वतःचा व्यवसाय करतात अरुण सातपुते सहहायक निबंधक अधिकारी म्हणून निवृत्त झाले. अमोद व्होरा पुण्यामध्ये वकिली करतात तसेच श्री.श्यामसुंदर भागवत हे विदर्भ कोंकण ग्रामीण बँकेतील निवृत्त अधिकारी आहेत.याचबरोबर जे मित्र-मैत्रिणी येऊ शकले नाहीत त्यांनी व्हिडिओ कॉल करून या स्नेहसंमेलनाचा आनंद लुटला.शेवटी सर्वांनी अकलूजचे ग्रामदैवत अकलाई देवीचे दर्शन घेतले व पुन्हा नक्की भेटू असे आश्वासन देऊन सर्वांनी कॉलेजची सुट्टी झाली असे जाहीर केले.
