तालुक्यात सामाजिक उपक्रमांनी जानकर यांचा वाढदिवस साजरा
वेळापूर / ओंकार आडत
राष्ट्रवादी काँग्रेसचे नेते तथा सोलापूर जिल्हा नियोजन समितीचे सदस्य उत्तमराव जानकर यांचा वाढदिवस काल दिनांक 17 जुलै रोजी माळशिरस तालुक्यामध्ये ठिकठिकाणी विविध सामाजिक उपक्रम राबवित मोठ्या उत्साहात व जल्लोषात साजरा करण्यात आला.जानकर यांच्या वाढदिवसानिमित्त वेळापूर या ठिकाणी जिल्हा परिषद प्राथमिक मुलींची शाळा या शाळेमध्ये 5000 वह्यांचे वाटप त्याचबरोबर डिजिटल संगणक कक्षासाठी पाच मॉनिटर ची भेट उपसरपंच जावेद मुलानी यांच्या माध्यमातून देण्यात आली.तर ग्रामपंचायत कार्यालय वेळापूर या ठिकाणी रेशन कार्ड शिबिराचे आयोजन करण्यात आले होते यामध्ये सुमारे गावातील 70 ग्रामस्थांनी आपल्या रेशन कार्ड संबंधीच्या अडचणी सोडवून घेतल्या. यासाठी तहसील कार्यालय माळशिरस, तलाठी कार्यालय वेळापूर, मंडळ अधिकारी कार्यालय वेळापूर येथील अधिकारी उपस्थित होते.इंग्लिश स्कूल वेळापूर या ठिकाणी सेवासदन मल्टीस्पेशालिटी लाईफ लाईन हॉस्पिटल मिरज यांच्या माध्यमातून मोफत आरोग्य शिबिराचे आयोजन करण्यात आलं होतं यामध्ये सुमारे दीडशे नागरिकांनी आपले आरोग्य तपासणी करून घेतली आरोग्य तपासणीनंतर पुढील उपचारही या हॉस्पिटल कडून मोफत करण्यात येणार आहेत.उत्तमराव जानकर विचार मंच वेळापूर यांच्यावतीने वाढदिवसानिमित्त वेळापूर येथील पालखी चौकात रक्तदान शिबिराचे आयोजन करण्यात आलं होतं या रक्तदान शिबिरामध्ये तरुणांनी उत्स्फूर्त प्रतिसाद नोंदवत सत्तर रक्तदात्यांनी रक्तदान केले रक्त संकलनासाठी अक्षय ब्लड बँक सोलापूर यांनी सहकार्य केले.समाज प्रबोधनासाठी वाढदिवसानिमित्त वेळापूर येथील पालखी चौकामध्ये अमोल पनासे यांनी हरिभक्त परायण निवृत्ती महाराज देशमुख इंदुरीकर महाराजांच्या कीर्तनाच्या आयोजन केले होते कीर्तनासाठी माळशिरस तालुक्यातील भाविकांनी मोठी गर्दी केली होती आपल्या विनोदी शैलीतून इंदुरीकर महाराजांनी या ठिकाणी समाज प्रबोधन केले धर्म वाचला पाहिजे विद्यार्थ्यांना धार्मिक शिक्षण दिले पाहिजे गावे सौरऊर्जेवरती आली पाहिजेत एक घर एक झाड ही संकल्पना ग्रामपंचायत मार्फत राबवली गेली पाहिजे असे आवाहन त्यांनी आपल्या कीर्तनातून केले.वेळापूर व परिसरातील गरजू विद्यार्थी विद्यार्थिनींना उत्तमराव जानकर यांच्या वाढदिवसानिमित्त मोफत सायकल वाटप करण्यात आले त्याचबरोबर इंग्लिश स्कूल वेळापूर येथील सुमारे दोन हजार विद्यार्थ्यांना वृक्षारोपणासाठी वृक्षांचे वाटप करण्यात आले त्याचबरोबर लहान मुलांना खाऊ वाटप करण्यात आले.माळशिरस तालुक्यातील पुरंदावडे या ठिकाणी राष्ट्रवादी युवक काँग्रेसच्या वतीने रक्तदान शिबिराचे आयोजन करण्यात आले होते या रक्तदान शिबिरामध्ये परिसरातील तरुणांनी एकत्रित येत रक्तदान केले त्याचबरोबर या ठिकाणी पालखी मार्गालगत उत्तमराव जानकर यांच्या हस्ते वृक्षारोपण करून सामाजिक उपक्रमांनी वाढदिवस साजरा करण्यात आला.माळशिरस तालुक्यातील पिलीव या ठिकाणीही राष्ट्रवादीचे नेते उत्तमराव जानकर यांच्या वाढदिवसानिमित्त शिवराज पुकळे युवाशक्तीच्या वतीने विविध सामाजिक कार्यक्रमांचा आयोजन केलं गेलं यामध्ये तायकांदो स्पर्धा त्याचबरोबर आरोग्य शिबिर शासकीय दाखले शिबिर आदी कार्यक्रम आयोजित करण्यात आले. ● फोटो ओळी : वेळापूर येथील पालखी मैदानात आयोजित केलेल्या कीर्तनानंतर केक कापून जानकर यांना वाढदिवसाच्या शुभेच्छा देताना इंदुरीकर महाराज व पदाधिकारी. (छाया : ओंकार आडत)
