गेली अडीच वर्षे रुतलेला विकासाचा गाडा आता पुन्हा वेगाने धावतोय! -आमदार रामभाऊ सातपुते
अकलूज (प्रतिनिधी )महाराष्ट्राच्या मायबाप जनतेने २०१९ मध्येच भाजप शिवसेना सरकारला आशीर्वाद दिला होता. पण काही विश्वासघातकी लोकांनी पाठीत खंजीर खुपसून व कपटाने जनमताचा कौल पायदळी तुडवून सरकार स्थापन केलं. त्या महावसुली सरकारने गेली अडीच वर्षे महाराष्ट्र लुटला! देवेंद्र फडणवीस यांच्या नेतृत्वात विकासाची सुरू असलेली घोडदौड थांबली, जनतेचा घात झाला. पण म्हणतात ना, ‘उपरवाले के घर में देर है, अंधेर नहीं!’ असे मत माळशिरस तालुक्याचे लोकप्रिय व कर्तव्यदक्ष आमदार राम सातपुते यांनी व्यक्त केले.ते पुढे बोलताना म्हणाले की,२०१९ ला जनतेने दिलेला आशीर्वाद सार्थ ठरवत आज पुन्हा भाजप शिवसेना एकत्र येऊन सरकार बनलं व आज विधानसभेत विश्वासदर्शक ठराव देखील बहुमताने जिंकला! पुन्हा बहुमत मत सिद्ध झालं! आपले मुख्यमंत्री श्री. एकनाथ शिंदे साहेब व माझे नेते उपमुख्यमंत्री देवेंद्र फडणवीस यांच्या नेतृत्वात महाराष्ट्र पुन्हा प्रगतीपथावर येईल! आता काळजी करायचं कारण नाही, आता महाराष्ट्र पुन्हा सुरक्षित हातांमध्ये आला आहे, आता फक्त लोकाभिमुख निर्णयांचा धडाका दिसेल व हा विकासरथ आता थांबणार नाही! भाजप शिवसेना सरकारने राज्याच्या कारभाराची सूत्रे हाती घेताच मुख्यमंत्री मा. एकनाथजी शिंदे साहेब व उपमुख्यमंत्री मा. देवेंद्रजी फडणवीस साहेब यांनी तात्काळ ओबीसी आरक्षणासंदर्भात बैठक घेतली, आरे कारशेडच्या संदर्भात निर्णय घेतला आणि जलयुक्त शिवार योजनेवरही पुन्हा लक्ष केंद्रित केले. अशा पद्धतीने आपल्या या सरकारने आगामी काळात जनतेच्या विकासासाठी आपली वाटचाल कशी असणार, याची चुणुक दाखवून दिली आहे. वसुली, भ्रष्टाचार या सर्व समस्यांनी त्रस्त असलेली महाराष्ट्रातील जनता आता या त्रासातून मुक्त झाली आहे. एक कार्यक्षम व प्रामाणिक सरकार जनतेच्या सेवेसाठी पुन्हा सज्ज झाले आहे. आज पुन्हा आपल्या सेवेसाठी निवडलेल्या भाजप शिवसेना सरकारने निर्विवादपणे आपले बहुमत सिद्ध केले आहे. हे सरकार महाराष्ट्राला पुन्हा एकदा प्रगतीच्या शिखरावर घेऊन जाईल, याची खात्री आहे.असा ठाम विश्वास आमदार रामभाऊ सातपुते यांनी व्यक्त केला
