*मंत्री एकनाथ शिंदेंसह 13 आमदार नॉटरिचेबल**
शिवसेनेत नाराजीसत्र सुरु असल्याची चर्चा असताना दुसरीकडे आणखी एक महत्त्वाची बातमी समोर आली आहे. ● मंत्री एकनाथ शिंदे नॉटरिचेबल असल्याची माहिती समोर येत आहे, त्यांच्यासोबतच 13 आमदारदेखील संपर्क क्षेत्राच्या बाहेर आहेत.● विशेष म्हणजे एकनाथ शिंदे हे गुजरातमध्ये असल्याची माहिती समोर आली आहे. एकनाथ शिंदे यांना फोनवर संपर्क केल्यानंतर गुजराती भाषेतील टोन ऐकू येत आहे. ● त्यामुळे ते मंत्री शिंदे गुजरातमध्ये असल्याची चर्चा सुरू आहे. एकनाथ शिंदे यांच्यासोबत काही आमदारही असल्याची माहिती आहे. ● विधान परिषद निवडणुकीनंतर शिवसेनेतील अंतर्गत धुसफूस बाहेर येत आहे. शिवसेना पक्षप्रमुख आणि मुख्यमंत्री उद्धव ठाकरे यांचे निकटवर्तीय समजले जाणारे शिवसेना नेते एकनाथ शिंदे हे नाराज असल्याचे वृत्त होते.● त्यातच आता त्यांचे समर्थक समजले जाणारे 13 आमदार नॉट रिचेबल असल्याची माहिती समोर आली होती. मध्यरात्री शिवसेना पक्षप्रमुख आणि मुख्यमंत्री उद्धव ठाकरे यांनी पक्षाच्या आमदारांची बैठक बोलावली होती. ● या बैठकीत 13 आमदार अनुपस्थित होते. त्यानंतर शिवसेनेच्या गोटातील चिंता आणखी वाढली आहे. ● त्यानंतर आज मुख्यमंत्र्यांच्या वर्षा निवासस्थानी आज दुपारी शिवसेनेच्या आमदारांची बैठक बोलावण्यात आली आहे. ● या बैठकीला एकनाथ शिंदे हजर राहणार का? याकडे लक्ष लागलं आहे
