*शंकरराव मोहिते महाविद्यालय येथे सन १९९३-९४ मधील विज्ञान शाखेचे सर्व माजी विद्यार्थी यांचा स्नेहमेळावा संपन्न झाला.*
संग्रामनगर दि.३० (केदार लोहकरे याजकडून)अकलूज येथील शंकरराव मोहिते महाविद्यालयातील माजी विद्यार्थी मंडळ व १९९३-९४ बॅचमधील महाविद्यालयाचे रसायन शास्त्र,भैतिक शास्त्र,जीव शास्त्र व इलेक्ट्रॉनिक्स या विज्ञान शाखेचे सर्व माजी विद्यार्थी यांच्या संयुक्त विद्यमाने आयोजित या स्नेहमेळाव्यात विद्यार्थ्यांबरोबर महाविद्यालयाचे विद्यमान प्राचार्य डॉ.दत्तात्रय बागडे यांच्या अध्यक्षतेखाली सोबतच १९९३-९४ बॅचसाठी असणारे विषयांचे प्राध्यापक प्रा.डी.एन.कुतवळ,प्रा.बी.आर.कर्चे प्रा.एस.यु.शिंदे,माजी विद्यार्थी मंडळ समन्वय प्रा.आर.एस.सावळजकर,प्रा.आर.ए.कुंभार तसेच विद्यमान प्रा.एस.एल.देवकर महाविद्यालयाचे कार्यालयीन अधीक्षक युवराज मालुसरे माजी विद्यार्थी मंडळाचे सदस्य सौ.पद्मावती रहाटे व अरुण गुजर,पत्रकार संजय लोहकरे यांच्या उपस्थितीत संपन्न झाला. कार्यक्रमाची सुरवात शिक्षण प्रसारक मंडळाचे संस्थापक सहकार महर्षी शंकरराव मोहिते-पाटील व श्रीमती रत्नप्रभादेवी मोहिते-पाटील यांच्या प्रतिमांचे पूजन सर्व प्रमुख पाहुणे व माजी विद्यार्थ्यांच्या हस्ते करण्यात आले.या वेळी सर्व उपस्थितांचे स्वागत सौ.राजश्री निंबाळकर यांनी केले या प्रसंगी १९९३-९४ बॅचच्या विद्यार्थिनी व महाविद्यालयाच्या विद्यमान प्राध्यापिका सौ.सविता सातपुते यांनी सूत्रसंचालन केले याप्रसंगी सर्व माजी विद्यार्थ्यांकडून सर्व प्राध्यापक व महाविद्यालयाचे विद्यमान प्राचार्य यांचा फेटे बांधून यथोचित सत्कार करण्यात आला. तब्बल २८वर्षांनंतर एकत्र आलेल्या सर्वांनी आपली ओळख करून देताना महाविद्यालयाचे आपल्या यशामध्ये असलेले योगदान स्पष्ट अधोरेखित करत संस्थेचे संस्थापक सहकार महर्षी तत्कालीन संस्थाध्यक्ष जयसिंह मोहिते-पाटील तसेच सर्व प्राध्यापक व प्रयोगशाळा सहाय्यक कर्मचारी यांचे आभार मानले.तसेच विद्यमान संस्था अध्यक्ष संग्रामसिंह मोहिते-पाटील यांच्या कार्यकाळात महाविद्यालय परिसरात सुसज्ज ग्रंथालय,तसेच नूतन शैक्षणिक इमारती पाहून संस्थेच्या प्रगतीसाठी शुभेच्छा व्यक्त केल्या. या स्नेहमेळाव्यास सर्वश्री जाकिर पठाण,मधुकर लोहकरे,रविराज लव्हाळे, अनिल ढोपे,एकनाथ कदम,नंदकुमार तिकोटे,अण्णा गोरे,सुरेश शिंदे,मनोज सुरवसे,विठ्ठल माने,प्रवीण कुंभार,प्रशांत कुलकर्णी,जितेंद्र गायकवाड,मारुती जाधव,शिरीष जमदाडे,नाना घळके,हनुमंत शिवरकर,ज्ञानेश्वर नरुटे,संदीप गदादे,किशोर शिंदे,जाफर मुलानी,नागनाथ पवार,राजेंद्र कुटे,लालासाहेब निकम,नितीन कुलकर्णी,सुनील देशमुख,सौ.राजश्री निंबाळकर,सौ.सविता सातपुते,सौ.वंदना जाधव,सौ.वंदना मोरे,सौ.परवीन चिकाळे असे१९९३-९४ च्या बॅचचे सर्व विद्यार्थी उपस्थित होते. यावेळी माजी विद्यार्थी मनोगत प्रवीण कुंभार,नाना घळके,ज्ञानेश्वर नरुटे,सौ.वंदना जाधव व रविराज लव्हाळे यांनी तत्कालीन महाविद्यालय सोयीसुविधा आणी तत्कालीन प्राचार्य धर्मराज शिंदे आणि सर्व प्राध्यापक यांच्या कडक शिस्तबद्ध संस्कारामुळे निश्चित ध्येय गाठण्यासाठी मार्ग मिळाला.आज आपापल्या व्यवसाय नोकरी व एकंदरीत कौटुंबिक जबाबदारी यशस्वीपणे करू शकतो हे नमूद केले. शेवटी अध्यक्षीय भाषणात शिक्षण प्रसारक मंडळाच्या सर्व शाखातून फक्त विद्यार्थी शिक्षण नव्हे तस एक सर्जनशील नागरिक घडला जावा ही तळमळ निश्चितपणे तत्कालीन अध्यक्ष जयसिंह मोहिते-पाटील व संस्थेचे विद्यमान अध्यक्ष संग्राम सिंह मोहिते-पाटील यांच्या मार्गदर्शनाखाली येणाऱ्या भावी पिढी सुद्धा यशस्वी होतील यात शंका नाही अध्यक्षस्थानावरून बोलताना प्राचार्य दत्तात्रय बागडे यांनी मी ही याच कॉलेजचा एक माजी विद्यार्थी आणि आज त्याच महाविद्यालयात प्राचार्य म्हणून सेवा बजावत असताना अभिमान वाटतो आणि आज माजी विद्यार्थ्यांच्या रूपात आपण सर्व आपण जिथे घडलो-शिकलो-वाढलो त्यात परिसरात तब्बल २८ वर्षांनंतर एकत्र येऊन महाविद्यालयाच्या उपक्रमात सहभागी झाल्याबद्दल धन्यवाद व्यक्त केले.भविष्यात असेच सहकार्य करून येणाऱ्या काळात संस्थेच्या माध्यमातून सामाजिक बांधिलकी जपावी असे आवाहन केले.यानंतर सर्व विद्यार्थ्यांच्या वतीने महाविद्यालयास यथोचित वस्तू भेट देऊन महाविद्यालयिन परिसरात आठवण जपण्यासाठी एकत्रीत फोटो घेऊन स्नेहमेळाव्याची सांगता झाली. आभार प्रदर्शन रविराज लव्हाळे यांनी केले. हा सदर स्नेहमेळावा यशस्वी होण्यासाठी जाकीर पठाण,मधुकर लोहकरे,अनिल ढोपे,सौ.सविता सातपुते यांनी विशेष परिश्रम घेतल्याबद्दल सर्वांनी त्यांचे विशेष कौतुक केले.यानंतर भोजनाचा अस्वाद घेऊन पुन्हा असेच भेटायच नक्की करत सर्वांनी एकमेकांचा निरोप घेतला.
