*राष्ट्रीय छात्र सेनेचे वार्षिक सर्वसाधारण शिबिर अकलूज येथे संपन्न .*
संग्रामनगर दि.24 (केदार लोहकरे याजकडून)38 महाराष्ट्र बटालियन राष्ट्रीय छात्र सेना सोलापूरचे वार्षिक सर्वसाधारण शिबिर 702 हे सहकार महर्षी शंकरराव मोहिते पाटील इंजीनियरिंग कॉलेज शंकरनगर-अकलूज येथे पार पडले. यामध्ये सोलापूर जिल्ह्यातून 10 महाविद्यालय व 12 स्कूल मधून 416 राष्ट्रीय छात्र सेनाच्या कॅडेटनी सहभाग घेतला होता.हे शिबीर दिनांक ११ मे ते २० या कालावधीत घेण्यात आले होते.या शिबिरामध्ये राष्ट्रीय एकात्मता व समाज प्रबोधन या विषयांवरती नागेश साळवे व त्यांच्या सहकाऱ्यांनी भारुडाच्या माध्यमातून राष्ट्रीय एकात्मतेचे संदेश दिले.तसेच डॉक्टर अतुल दोशी व टीमने सीपीआर डेमो व वैयक्तिक आरोग्य विषयक घ्यावयाची काळजी यावरती मोलाचे मार्गदर्शन केले. व लाईफ स्किल या विषयावरती डाॅ.इंद्रजीत यादव यांनी मार्गदर्शन केले फायरिंग,पीटी,ड्रिल,मॅप रिडिंग,युद्ध विद्या भूमी विद्या, सांस्कृतिक कार्यक्रम अशा स्पर्धा पार पडल्या यामध्ये शंकरराव मोहिते महाविद्यालय अकलूज हे सर्वोत्कृष्ट महाविद्यालय म्हणून जनरल चॅम्पियनशिप चे मानकरी ठरले. बक्षीस वितरण समारंभाला प्रमुख पाहुणे म्हणून सहकार महर्षी शंकरराव मोहिते पाटील सहकारी साखर कारखान्याचे चेअरमन जयसिंह शंकरराव मोहिते पाटील उपस्थित होते.या शिबिराचे नेतृत्व 38 महाराष्ट्र बटालियन राष्ट्रीय छात्र सेनेचे कमांडिंग ऑफिसर कर्नल राजेश गजराज यांनी केले. शिबिरातील कॅडेटचा उत्साह बघून बाळदादांनी सर्व एनसीसी कॅडेटला व स्टाफला सयाजीराजे वॉटर पार्कमध्ये स्नेहभोजन व पार्क मध्ये मनमुराद आनंद घेण्याची घेण्याची संधी उपलब्ध करून दिली.अशा प्रकारे शिबिर यशस्वी संपन्न झाले.
