घटस्फोटाचे प्रमाण कमी करण्यासाठी विवाहपूर्व समुपदेशन गरजेचे – होमियोपॅथीचे नेते डॉ.अरुण भस्मे
टेंभुर्णी, (प्रतिनिधी) :“घटस्फोटाचे वाढते प्रमाण कमी करायचे असेल, तर विवाहपूर्व समुपदेशन अर्थात प्री-मॅरेज काउन्सेलिंग गरजेचे आहे. विवाह हा केवळ दोन व्यक्तींचा संबंध नसून दोन कुटुंबांना जोडणारा संस्कार आहे. त्यामुळे विवाहापूर्वी युवक-युवतींना परस्परांच्या अपेक्षा, जबाबदाऱ्या, स्वभाव आणि कौटुंबिक जीवनाबाबत योग्य मार्गदर्शन मिळणे आवश्यक आहे,” असे प्रतिपादन होमिओपॅथी क्षेत्रातील ज्येष्ठ नेते तथा केंद्रीय होमिओपॅथिक परिषदेचे माजी अध्यक्ष डॉ. अरुण भस्मे यांनी केले.
सरकारने लग्नपत्रिकेत जन्मतारीख नमूद करणे जसे बंधनकारक केले आहे, त्याचप्रमाणे Marriage Eligibility Certificate देणेही बंधनकारक करावे, अशी मागणी डॉ. भस्मे यांनी केली. असे केल्यास विवाहापूर्वी मुला-मुलींच्या काही शारीरिक समस्या जाणून घेता येतील. वैवाहिक जीवन परिपूर्ण न झाल्यास अनेक कौटुंबिक समस्या निर्माण होतात आणि परिणामी घटस्फोटासाठी प्रयत्न सुरू होतात, असेही त्यांनी सांगितले.
चर्चासत्रात डॉ. अभय मुथा यांनी ‘होमिओपॅथी आणि लैंगिक शास्त्र’ या विषयावर केलेल्या विवेचनाचा संदर्भ घेत डॉ. भस्मे बोलत होते.डॉ. अरुण भस्मे यांच्या वाढदिवसानिमित्त CCMP होमिओपॅथिक डॉक्टर्स असोसिएशन, सोलापूर आणि सोलापूर जिल्हा होमिओपॅथिक डॉक्टर्स असोसिएशन, सोलापूर यांच्या संयुक्त विद्यमाने ‘मेगाहोमिओकॉन २०२६’ या एकदिवसीय वैद्यकीय परिषद व चर्चासत्राचे आयोजन रविवार, दि. १६ ऑगस्ट रोजी हॉटेल रामायणा, टेंभुर्णी येथे करण्यात आले.
या कार्यक्रमास सुमारे २५० होमिओपॅथिक डॉक्टरांची उपस्थिती लाभली.
कार्यक्रमाचे उद्यघाटन डॉ. अरुण भस्मे यांच्या हस्ते झाले. प्रमुख पाहुणे म्हणून डॉ. विलास हरपळे, डॉ. बाळासाहेब हरपळे, डॉ. योगेश बोबडे, डॉ. रश्मी दुबे आणि डॉ. पांडुरंग गायकवाड उपस्थित होते
.कार्यक्रमाच्या प्रास्ताविकात CCMP होमिओपॅथिक डॉक्टर्स असोसिएशनचे प्रदेशाध्यक्ष डॉ. बाळकृष्ण गायकवाड यांनी CCMP होमिओपॅथिक डॉक्टर्स असोसिएशन तसेच सोलापूर जिल्हा होमिओपॅथिक डॉक्टर्स असोसिएशनच्या आजपर्यंतच्या वाटचालीचा आढावा घेतला.
CCMP पात्र होमिओपॅथिक डॉक्टरांच्या हक्कांसाठी संघटनेने केलेल्या विविध प्रयत्नांची माहिती त्यांनी उपस्थितांना दिली
.पुणे IMA ने CCMPच्या विरोधात दाखल केलेल्या याचिकेत CCMP होमिओपॅथिक डॉक्टर्स असोसिएशनने इंटरव्हीन होऊन पात्र CCMP डॉक्टरांना महाराष्ट्र मेडिकल कौन्सिल (MMC) नोंदणी मिळवून देण्यासाठी केलेल्या कायदेशीर लढ्याची माहिती डॉ. गायकवाड यांनी दिली.
CCMP पात्र डॉक्टरांच्या नोंदणीचा प्रश्न मार्गी लागेपर्यंत संघटना सातत्याने पाठपुरावा करीत राहील, असा निर्धार त्यांनी व्यक्त केला.तसेच दि. १८ ऑगस्ट रोजी होणाऱ्या MMC महामोर्चा आंदोलनात CCMP होमिओपॅथिक डॉक्टर्स असोसिएशन पूर्ण ताकदीने सहभागी होणार असून, राज्यातील सर्व होमिओपॅथिक डॉक्टरांनी मोठ्या संख्येने सहभागी व्हावे, असे आवाहनही डॉ. गायकवाड यांनी केले.
एमएमसी नोंदणीच्या प्रश्नावर बोलताना भाजपा वैद्यकीय आघाडीचे अध्यक्ष डॉ. बाळासाहेब हरपळे यांनी, “होमिओपॅथिक डॉक्टरांच्या एमएमसी नोंदणीसाठी सरकार दरबारी जी काही मदत आवश्यक आहे, ती करण्यास आम्ही तयार आहोत,” असे मत व्यक्त केले.
पात्र होमिओपॅथिक डॉक्टरांच्या नोंदणीचा प्रश्न मार्गी लागण्यासाठी आवश्यक त्या पातळीवर सहकार्य करण्याचे आश्वासन त्यांनी दिले.यावेळी डॉ. अरुण भस्मे यांनीही दि. १८ ऑगस्टच्या महामोर्चात राज्यातील सर्व पात्र होमिओपॅथिक डॉक्टरांनी मोठ्या संख्येने सहभागी होऊन आपल्या हक्काच्या नोंदणीच्या प्रश्नासाठी एकजुटीने ताकद दाखवावी, असे आवाहन केले.
विविध जीवनगौरव पुरस्कारांनी डॉक्टर्स सन्मानित..‘
मेगाहोमिओकॉन २०२६’ मध्ये होमिओपॅथी क्षेत्रात उल्लेखनीय कार्य करणाऱ्या डॉक्टरांचा विविध मान्यवरांच्या नावाने देण्यात येणाऱ्या जीवनगौरव पुरस्कारांनी सन्मान करण्यात आला.डॉ. सॅम्युअल हॅनिमन जीवनगौरव पुरस्कार डॉ. श्रीधर पाटील (सोलापूर), डॉ. प्रमोद पाटील (मोहोळ), डॉ. मृदुला तळेकर (पंढरपूर) आणि डॉ. विलास हरपळे (सोलापूर) यांना प्रदान करण्यात आला.डॉ. शरदचंद्र दत्तात्रेय गुणे जीवनगौरव पुरस्कार डॉ. कालिदास लिमकर (बार्शी) यांना प्रदान करण्यात आला.डॉ. रंगनाथ गोपाळ कवीश्वर जीवनगौरव पुरस्कार डॉ. शुभांगी देशमुख (माळशिरस) यांना प्रदान करण्यात आला.डॉ. डी. व्ही. निकम जीवनगौरव पुरस्कार डॉ. संगीता पाटील (पंढरपूर) यांना प्रदान करण्यात आला.डॉ. एल. आर. भोसले जीवनगौरव पुरस्कार डॉ. रेखा रिसवडकर (सोलापूर) यांना प्रदान करण्यात आला.डॉ. रामकृष्ण महादेव चिंचोळकर जीवनगौरव पुरस्कार डॉ. सोमेश्वर ठोंगले (माढा) यांना प्रदान करण्यात आला.डॉ. वामनराव बापुरावजी डहाने जीवनगौरव पुरस्कार डॉ. सुनील वराळे (सोलापूर) यांना प्रदान करण्यात आला.डॉ. मिलिंद राव जीवनगौरव पुरस्कार डॉ. क्षमा बकाल (बार्शी) यांना प्रदान करण्यात आला.डॉ. प्रफुल्ल विजयकर जीवनगौरव पुरस्कार डॉ. श्रीराम परदेशी (करमाळा) यांना प्रदान करण्यात आला.डॉ. व्ही. डी. नागवंशी जीवनगौरव पुरस्कार डॉ. जयंत करंदीकर (कुर्डुवाडी) यांना प्रदान करण्यात आला.डॉ. संजीव मुजुमदार जीवनगौरव पुरस्कार डॉ. दत्तात्रेय चोपडे-पाटील (कोल्हापूर) यांना प्रदान करण्यात आला.तज्ज्ञांचे मार्गदर्शनपरिषदेमध्ये डॉ. आनंद देशमुख, डॉ. ज्ञानेश्वर पवार, डॉ. सुहास राऊत, डॉ. दयानंद पवार, डॉ. आण्णासाहेब पवार, डॉ. अभय मुथा आणि डॉ. सपना गांधी यांनी होमिओपॅथीच्या विविध विषयांवर मार्गदर्शन केले
.कार्यक्रमाचे निमंत्रक डॉ. बाळकृष्ण गायकवाड (अध्यक्ष) आणि डॉ. संजय देशमुख (सचिव) होते. आयोजन समितीचे चेअरमन डॉ. अंकुश लोंढे, सचिव डॉ. अजित नाळे, खजिनदार डॉ. आण्णासाहेब पवार आणि युवा आघाडी प्रमुख डॉ. फैज सय्यद, डॉ. नितीन कुबेर, डॉ. योगेश घोगरे यांनी कार्यक्रमाच्या यशस्वी आयोजनासाठी विशेष परिश्रम घेतले.
राज्य कार्यकारिणीतील डॉ. अमित भस्मे, डॉ. अजय तायडे पाटील, डॉ. निलेश चिकणे यांच्यासह राज्य सदस्य तसेच करमाळा, बार्शी, मोहोळ, पंढरपूर आणि सांगोला तालुक्यातील डॉक्टरांनी कार्यक्रमात सहभाग घेतला.
कार्यक्रमाच्या यशस्वी आयोजनासाठी डॉ. अविनाश घोलप, बिपीन परदेशी, डॉ. अमोल दुरंदे, डॉ. शरद चिकणे, डॉ. शिवाजीराव काळे, डॉ. निखिल जामदार, डॉ. रमेश जकापूरे, डॉ. मिलिंद हिंगमिरे, डॉ. विश्वनाथ शेंडे, डॉ. शहाजीराव डोंगरे, डॉ. बजरंग सुरवसे, डॉ. शशांक कुरळे आणि डॉ. प्रमोद जाधव आदींनी विशेष परिश्रम घेतले
.‘मेगाहोमिओकॉन २०२६’ हा कार्यक्रम होमिओपॅथिक डॉक्टरांसाठी ज्ञानवर्धक व्याख्याने, वैद्यकीय क्षेत्रातील विचारमंथन, गुणवंत डॉक्टरांचा सन्मान आणि संघटनात्मक एकजुटीचा संदेश देणारा ठरला. कार्यक्रमासाठी सुमन होमिओ फार्मसी, वेणेगाव यांचे विशेष सहकार्य लाभले.
