पणजीतील राष्ट्रीय अबॅकस स्पर्धेत माळशिरस तालुक्याची दिमाखदार कामगिरीआय चॅम्प अबॅकस प्रा. लि.च्या विद्यार्थ्यांचा राष्ट्रीय स्तरावर झेंडा; विविध गटांत चॅम्पियन किताब पटकावला
अकलूज (प्रतिनिधी)ज्ञान, वेग आणि अचूकतेची कसोटी मानल्या जाणाऱ्या राष्ट्रीय स्तरावरील अबॅकस स्पर्धेत माळशिरस तालुक्यातील विद्यार्थ्यांनी आपल्या अफाट बुद्धिमत्तेचा ठसा उमटवत संपूर्ण तालुक्याचा गौरव वाढवला आहे.
गोवा येथील पणजी येथे महाराष्ट्र टीचर अबॅकस असोसिएशनच्या वतीने आयोजित करण्यात आलेल्या राष्ट्रीय अबॅकस स्पर्धेत आय चॅम्प अबॅकस प्रा. लिमिटेड या संस्थेच्या पळसदेव, दसूर, 25/4 आणि दहिवडी येथील फ्रँचायझीच्या विद्यार्थ्यांनी घवघवीत यश संपादन करत माळशिरस तालुक्याचा डंका राष्ट्रीय स्तरावर वाजवला.
देशभरातील तब्बल पाच राज्यांमधून 24 नामांकित कंपन्यांचे शेकडो विद्यार्थी या स्पर्धेत सहभागी झाले होते.
अत्यंत चुरशीच्या वातावरणात झालेल्या या स्पर्धेत आय चॅम्प अबॅकसच्या विद्यार्थ्यांनी वेगवान गणिती कौशल्य, स्मरणशक्ती, एकाग्रता आणि अचूक उत्तरांच्या जोरावर विविध गटांत चॅम्पियन किताब तसेच विशेष प्राविण्य पुरस्कार पटकावत सर्वांचे लक्ष वेधून घेतले.
या स्पर्धेसाठी विद्यार्थ्यांना संस्थेचे मुख्य संचालक विशाल माने, स्नेहल माने यांचे प्रेरणादायी मार्गदर्शन लाभले.
तसेच फ्रँचायझी संचालिका सौ. सुवर्णा वाघमोडे, कु. शुभांगी बिस्नाल, सौ. राजश्री देशमुख आणि नुरजहान शेख यांनी विद्यार्थ्यांकडून सातत्यपूर्ण सराव करून घेत त्यांना राष्ट्रीय स्तरावरील स्पर्धेसाठी सक्षमपणे तयार केले.
या राष्ट्रीय स्पर्धेच्या उद्घाटन व पारितोषिक वितरण सोहळ्यासाठी गोवा राज्याचे उपमुख्यमंत्री चंद्रकांत कवळेकर प्रमुख पाहुणे म्हणून उपस्थित होते. यावेळी विविध क्षेत्रातील मान्यवर, शैक्षणिक संस्था प्रतिनिधी, अबॅकस प्रशिक्षक आणि पालक मोठ्या संख्येने उपस्थित होते.
विद्यार्थ्यांच्या उत्कृष्ट कामगिरीचे सर्व स्तरांतून विशेष कौतुक करण्यात आले.
स्पर्धेत उल्लेखनीय यश संपादन करणाऱ्या विद्यार्थ्यांमध्ये गुरुराज अमोल कोळेकर, आदिती सोमनाथ चव्हाण, वल्लभ महादेव कोळेकर, संकष्टी तुषार अडागळे, स्वरा आकाश नागरे, आदेश राजेंद्र कन्हेरकर, हर्षदा शरद कोळेकर, राज अनिल बनसुडे, प्रणव नागनाथ चव्हाण, विश्वपरी दशरथ दगडे, सोहम समाधान जगताप, गणेश मनोज थोरात, तस्मिया सत्तार शेख, चैतन्य भरत राठोड, आयशा हमीद कोरबू, संग्राम ज्योतिराम सावंत, आर्यन रुपेश राठोड आणि विजय रोहिदास राठोड या विद्यार्थ्यांचा समावेश आहे.
या सर्व विद्यार्थ्यांनी आपल्या उल्लेखनीय कामगिरीने माळशिरस तालुक्याचे नाव राष्ट्रीय पातळीवर उज्ज्वल केले.
पारितोषिक वितरण समारंभ विविध कंपनी ओनर्स आणि मान्यवरांच्या हस्ते मोठ्या उत्साहात पार पडला. यावेळी गोव्याचे मुख्यमंत्री, उपमुख्यमंत्री, क्रीडामंत्री तसेच आय चॅम्प अबॅकसचे संचालक, विविध कंपन्यांचे संचालक, शिक्षक आणि पालक उपस्थित होते
.विद्यार्थ्यांच्या या दैदिप्यमान यशामुळे संपूर्ण परिसरात आनंदाचे वातावरण निर्माण झाले असून विद्यार्थ्यांवर अभिनंदनाचा वर्षाव होत आहे.
“मेहनत, नियमित सराव, आत्मविश्वास आणि शिक्षकांचे योग्य मार्गदर्शन यामुळेच हे यश शक्य झाले,” अशा भावना पालक व शिक्षकांनी व्यक्त केल्या
.राष्ट्रीय स्तरावर माळशिरस तालुक्याचा नावलौकिक वाढवणाऱ्या या विद्यार्थ्यांचे सर्वत्र कौतुक होत असून, भविष्यातही अशीच उज्ज्वल कामगिरी करून ते देशपातळीवर आपला ठसा उमटवतील, असा विश्वास व्यक्त केला जात आहे.
या संपूर्ण चॅम्पियनशिपचे उत्कृष्ट आणि शिस्तबद्ध नियोजन महाराष्ट्र टीचर अबॅकस असोसिएशनचे प्रमुख उमेश महाजन यांनी केले.
#अबॅकसस्पर्धा#राष्ट्रीयअबॅकसस्पर्धा#माळशिरसतालुका#अकलूज#गोवापणजी#ICHAMPAbacus#आयचॅम्पअबॅकस#विद्यार्थ्यांचीयशोगाथा#चॅम्पियन#विद्यार्थ्यांचेकौतुक#गौरवमाळशिरसचा#AbacusChampion#YoungTalents#StudentAchievement#MentalMaths#ProudMoment#NationalCompetition#MaharashtraTalent#FutureChampions#EducationExcellence
