अकलुजमध्ये मुलीच्या पहिल्या वाढदिवसानिमित्त ‘श्रीनाथ आर्ट’चा अनोखा उपक्रम; बॅनर प्रिंटिंग मिळणार मोफत
अकलुज (प्रतिनिधी) :मुलीच्या जन्माचा आनंद आणि तिच्या पहिल्या वाढदिवसाचे महत्त्व अधिक खास पद्धतीने साजरे व्हावे, या उद्देशाने अकलुज येथील ‘श्रीनाथ आर्ट’ यांनी अभिनव उपक्रम सुरू केला आहे.
मुलीच्या पहिल्या वाढदिवसानिमित्त आकर्षक बॅनर प्रिंटिंग अगदी मोफत करून देण्याची घोषणा संस्थेकडून करण्यात आली आहे.आजच्या काळात वाढदिवस समारंभांमध्ये आकर्षक फ्लेक्स आणि बॅनर्सना विशेष महत्त्व प्राप्त झाले आहे. पालक आपल्या लाडक्या लेकीचा पहिला वाढदिवस संस्मरणीय करण्यासाठी विविध प्रकारच्या सजावटीवर भर देत असतात.
हीच गरज लक्षात घेऊन श्रीनाथ आर्ट यांनी सामाजिक बांधिलकी जपत ही विनामूल्य सेवा सुरू केली आहे.या बॅनर्समध्ये रंगीत थीम्स, फुलांची सजावट, फुलपाखरे, आकर्षक डिझाईन्स तसेच “आपल्या लाडक्या परीस वाढदिवसाच्या मनःपूर्वक शुभेच्छा” असे भावनिक संदेश देण्यात येणार आहेत. त्यामुळे वाढदिवस समारंभाला अधिक आकर्षक आणि आनंददायी स्वरूप प्राप्त होणार आहे.
विशेष म्हणजे, मुलींच्या जन्माचे स्वागत व्हावे आणि समाजात मुलींबद्दल सकारात्मक संदेश जावा, या हेतूने हा उपक्रम राबविण्यात येत असल्याचे संस्थेकडून सांगण्यात आले. अकलुज परिसरात या निर्णयाचे स्वागत होत असून नागरिकांकडून या उपक्रमाचे कौतुक केले जात आहे.
या सेवेचा लाभ घेण्यासाठी पालकांनी श्रीनाथ आर्ट, तलाठी कार्यालयाजवळ, अकलुज येथे संपर्क साधावा,
असे आवाहन करण्यात आले आहे.
संपर्क :📞 ८७९९८२०५६५ / ९९६०००१६००
