*संघर्ष योद्धा न्यूज पोर्टल वृत्तमालिका* *अकलूज दुय्यम निबंधक कार्यालयाचा काळा कारभार* *अकलूज निबंधक कार्यालयात नेमकं काय चाललंय*? *जादा वसुलीचे गंभीर आरोप;* *नागरिक त्रस्त* *क्रमशः भाग -1*
अकलूज (प्रतिनिधी) : येथील दुय्यम निबंधक कार्यालयात मालमत्ता खरेदी-विक्री प्रक्रियेदरम्यान जादा पैशांची मागणी केली जात असल्याचे गंभीर आरोप नागरिकांकडून होत आहेत.
गुंठेवारी, शेती जमीन तसेच इतर मालमत्तेच्या व्यवहारांसाठी येणाऱ्या नागरिकांना अधिकृत शुल्काव्यतिरिक्त अतिरिक्त रक्कम मोजावी लागत असल्याची तक्रार समोर आली आहे.
नागरिकांच्या म्हणण्यानुसार, कार्यालयातील प्रक्रिया पार पाडताना एजंटची मदत घेतल्याशिवाय कामे पूर्ण होत नाहीत, अशी परिस्थिती निर्माण झाली आहे.
“एजंटशिवाय फाईल पुढे सरकत नाही,” अशी भावना अनेकांनी व्यक्त केली. त्यामुळे सामान्य नागरिकांना नाईलाजास्तव अतिरिक्त पैसे देण्याची वेळ येत असल्याचे सांगितले जाते.
कार्यालय परिसरात मोठ्या प्रमाणावर एजंट्सची उपस्थिती दिसून येत असून, ते थेट नागरिकांशी संपर्क साधून व्यवहार पूर्ण करून देण्याची हमी देत असल्याचेही निदर्शनास आले आहे.
यामुळे अधिकृत प्रक्रिया आणि प्रत्यक्षात घडणाऱ्या व्यवहारांमध्ये तफावत असल्याचा आरोप केला जात आहे.
तसेच, स्टॅम्प ड्युटीच्या नावाखाली अधिकृत दरांपेक्षा जादा रक्कम आकारली जात असल्याचीही तक्रार आहे.
काही नागरिकांनी या संदर्भात “काम लवकर करून देण्यासाठी वेगळे पैसे द्यावे लागतात,” असा दावा केला आहे.
मात्र, या आरोपांची अधिकृत पातळीवर पुष्टी झालेली नाही .या संपूर्ण प्रकारामुळे नागरिकांमध्ये नाराजीचे वातावरण असून, संबंधित वरिष्ठ अधिकाऱ्यांनी या प्रकरणाकडे लक्ष देऊन चौकशी करावी, अशी मागणी होत आहे.
दरम्यान, या आरोपांबाबत संबंधित कार्यालयाकडून अधिकृत प्रतिक्रिया मिळू शकलेली नाही.
“संघर्ष योद्धा” या प्रकरणाचा पुढील भागात सखोल तपास करणार असून, स्टॅम्प ड्युटी वसुलीतील तफावत उघड करण्याचा प्रयत्न करण्यात येणार आहे. *क्रमशः भाग -1* *पुढील भाग* *स्टॅम्प ड्युटी की लूटमार*?” *अधिकृत दर आणि प्रत्यक्षात घेतल्या जाणाऱ्या पैशांमधील फरकाचा मोठा खुलासा*
…#संघर्षयोद्धा #वृत्तमालिका #अकलूज #निबंधककार्यालय #भ्रष्टाचार #जादावसुली #एजंटराज #स्टॅम्पड्युटी #BreakingNews #Investigation #जनतेचाआवाज
