*महाराष्ट्र शासनाचा मोठा निर्णय: राज्यात २.२१ लाख अंगणवाडी सेविका आणि मदतनीसांची मेगाभरती*!
मुंबई: (प्रतिनिधी )राज्यातील महिला सक्षमीकरणाला गती देण्यासाठी आणि बालकल्याण योजनांची व्याप्ती वाढवण्यासाठी महाराष्ट्र सरकारने एक ऐतिहासिक पाऊल उचलले आहे.
महिला व बालविकास मंत्री आदिती तटकरे यांनी दिलेल्या माहितीनुसार, राज्यात तब्बल २,२१,३२८ अंगणवाडी सेविका आणि मदतनीसांच्या भरतीला मंजुरी देण्यात आली आहे.
या मेगाभरतीमुळे ग्रामीण आणि शहरी भागातील हजारो महिलांना रोजगाराची सुवर्णसंधी उपलब्ध होणार आहे.
*पदांचा तपशील आणि योजनेचे स्वरूप*
एकात्मिक बालविकास सेवा योजनेअंतर्गत (ICDS) ही भरती प्रक्रिया राबवली जाणार आहे. यामध्ये मंजूर पदांची विभागणी खालीलप्रमाणे आहे:अंगणवाडी सेविका: १,१०,६६४ पदेअंगणवाडी मदतनीस: १,१०,६६४ पदेया निर्णयामुळे राज्यातील अंगणवाड्यांचे जाळे अधिक सक्षम होणार असून, बालकांचे पोषण, आरोग्य आणि पूर्व-प्राथमिक शिक्षणावर सकारात्मक परिणाम होईल, असा विश्वास सरकारने व्यक्त केला आहे
*पात्रता आणि अटी*
या भरतीसाठी उमेदवारांकडे खालील पात्रता असणे आवश्यक आहे:शिक्षण: उमेदवाराने किमान १२ वी (HSC) उत्तीर्ण असणे अनिवार्य आहे. पदवी किंवा पदव्युत्तर शिक्षण असल्यास त्याचे अतिरिक्त गुण अर्जासाठी ग्राह्य धरले जातील.
वयोमर्यादा: शासनाच्या नियमानुसार वयोमर्यादेत सवलत दिली जाईल प्राधान्य: विधवा, अनाथ आणि अनुभवी उमेदवारांना नियमानुसार विशेष प्राधान्य दिले जाणार आहे.
*तयारीत राहा; ही कागदपत्रे लागतील!*
भरती प्रक्रिया लवकरच सुरू होणार असल्याने इच्छुकांनी कागदपत्रांची जुळवाजुळव करण्यास सुरुवात केली आहे. अर्जासोबत रहिवासी दाखला (तहसीलदार), शैक्षणिक गुणपत्रके, आधार कार्ड, लहान कुटुंबाचे प्रमाणपत्र आणि MS-CIT प्रमाणपत्र जोडणे आवश्यक आहे.
सर्व कागदपत्रे स्व-साक्षांकित (Self Attested) असणे बंधनकारक आहे.
महिला सक्षमीकरणाचा नवा टप्पा”ही भरती केवळ नोकरी नसून महिलांना आर्थिकदृष्ट्या स्वावलंबी बनवण्याचे एक माध्यम आहे,” असे मत प्रशासनाकडून व्यक्त होत आहे.
विशेषतः ग्रामीण भागातील महिलांसाठी हा निर्णय अत्यंत महत्त्वाचा मानला जात आहे.लवकरच अधिकृत जाहिरात प्रसिद्ध होण्याची शक्यता असून, इच्छुक उमेदवारांनी स्थानिक महिला व बालविकास कार्यालयाशी संपर्कात राहण्याचे आवाहन करण्यात आले आहे.
