तरुण नेतृत्वाची सामाजिक बांधिलकी अधोरेखित; उपनगराध्यक्ष शिवतेजसिंह मोहिते पाटील यांच्या वाढदिवसानिमित्त कोळेगावात खाऊ वाटप
अकलूज (प्रतिनिधी )मौजे कोळेगाव येथे आज शिव-कीर्ती युवा मंच शाखा कोळेगाव यांच्या वतीने अकलूज नगरपरिषद चे उपनगराध्यक्ष श्री. शिवतेजसिंह मोहिते पाटील यांच्या वाढदिवसानिमित्त जिल्हा परिषद प्राथमिक शाळा व अंगणवाडी शाळा, कोळेगाव येथे विद्यार्थ्यांना खाऊ वाटप करून अभिष्टचिंतन सोहळा मोठ्या उत्साहात साजरा करण्यात आला.
या कार्यक्रमास शिवसृष्टी मल्टीमीडिया लेझर शोचे संचालक श्री. धनंजय (भाऊ) दुपडे तसेच अकलूज कृषी उत्पन्न बाजार समितीचे संचालक नितीन सावंत पाटील उपस्थित होते.
यावेळी नितीन सावंत पाटील यांनी शिवतेजसिंह मोहिते पाटील यांच्या कार्याचा गौरव करताना सांगितले की, सामाजिक, शैक्षणिक आणि उद्योग क्षेत्रात प्रभावी काम करणारे नेतृत्व म्हणजे शिवबाबा होय. अल्पवयात अनेक संस्थांवर काम करण्याची संधी मिळाल्यानंतर त्या संधीचे सोने करत त्यांनी अकलूज नगरपरिषद उपनगराध्यक्ष पदापर्यंत यशस्वी वाटचाल केली आहे.
पुढील वाटचालीसाठी त्यांना उदंड आयुष्य व अनंत शुभेच्छा देण्यात आल्या.
कार्यक्रमास पिलीव गावचे युवक सोहेल बागवान, शिव-कीर्ती युवा मंच शाखा कोळेगावचे अध्यक्ष सुभाष बंदपट्टे, दत्तात्रय गेजगे, रानोबा पारसे, संतोष धांडोरे, शाळेतील सर्व शिक्षक व शिक्षकेतर कर्मचारी तसेच कोळेगाव येथील ग्रामस्थ मोठ्या संख्येने उपस्थित होते.
