क्रमशः भाग -2.
अकलूज-वेळापूर रस्ता बनला मृत्यूचा सापळा:अपघातांची मालिका, नागरिक भयभीत
अकलूज:(प्रतिनिधी)अकलूज ते वेळापूर या मार्गावर अपघातांचे सत्र थांबण्याचे नाव घेत नाहीये. या महत्वाच्या मार्गांवर सतत होणाऱ्या अपघातांमुळे हा रस्ता आता ‘मृत्यूचा सापळा ‘ठरत आहे.
गेल्या काही महिन्यांत या रस्त्यावर झालेल्या भीषण अपघातांमध्ये अनेकांना आपला जीव गमवावा लागला असून, अनेक जण कायमचे अपंग झाले आहेत.
प्रशासनाच्या दुर्लक्षमुळे प्रवाशांचा जीव धोक्यात आला आहे.या रस्त्यावरून ये-जा करताना कसरत करावी लागत आहे. रस्त्यावरील खड्डे चुकविताना अपघात होत आहेत. अपघात झाल्यानंतर काहींना इजा होत आहे. गोरगरीब नागरिकांना नाहक दवाखान्यात जावे लागत आहे. विनाकारण आर्थिक भुर्दंड देखील सहन करावा लागत आहे.यात बहुतांश दुचाकी वाहन धारकांचे जास्त प्रमाण आहे.वारंवार होणाऱ्या या अपघातांमुळे प्रवाशांमध्ये भीतीचे वातावरण असून, हा रस्ता आता ‘मृत्यूचा सापळा’ बनला आहे का? असा संतप्त सवाल नागरिक विचारत आहेत.
अपघातांची मालिका आणि प्रमुख कारणे
या मार्गावर वर्दळ मोठ्या प्रमाणात वाढली आहे. विशेषतः साखर कारखान्यांच्या हंगामात ऊस वाहतूक करणाऱ्या वाहनांची संख्या प्रचंड असते.रस्त्यावरील जीवघेणे खड्डे: रस्त्याची दुरवस्था झाली असून मोठ्या खड्ड्यांमुळे दुचाकीस्वारांचे नियंत्रण सुटून अपघात होत आहेत
अपुऱ्या उपाययोजना:
धोकादायक वळणांवर कोणतेही दिशादर्शक फलक, पांढरे पट्टे किंवा रिफ्लेक्टर्स उपलब्ध नाहीत.अरुंद रस्ता: वाहनांची संख्या वाढली असली तरी रस्त्याचे रुंदीकरण न झाल्याने ओव्हरटेकिंगच्या नादात समोरासमोर धडक होण्याचे प्रमाण वाढले आहे.
अकलूज–वेळापूर रस्त्यावरील अपघातांच्या क्लिष्ट घटना:
पूर्वीच्या काही घटनांमध्ये अकलूज–वेळापूर रस्त्यावर दुचाकी व कंटेनर/वाहनांचा भीषण अपघात, झाला होता.ज्यात दोघांचा जागीच मृत्यू झाला होता, �• याच रस्त्यावर 2021 मध्ये एक अपघात झाला होता ज्यात पालक व लेकीचा जागीच मृत्यू झाला, आणि मुलगा जखमी ठरला होता. �• 2024 मध्ये अकलूजमधील प्रतापसिंह चौकाजवळ बस आणि स्कूटीचा अपघात, ज्यात दोन तरुणांचा दुर्दैवी मृत्यू झाला, . �दोन वर्षांपूर्वी अकलूज येथील रहिवाशी व वेळापूर येथे येथील गॅरेज मालकाच्या दुचाकीला समोरून आलेल्या वाहनाने धडक दिल्याने त्याचा जागीच मृत्यू झाला.
गेल्या काही वर्षात या रस्त्यावर अनेक छोटे-मोठे अपघात झाले आहेत. त्यात अनेकांचा नाहक बळी गेले आहेत.काही घरातील कर्ते पुरुष या अपघातात बळी गेले आहेत.अनेकांचे संसार उघड्यावर पडले आहेत.
अशा घटना या मार्गांवरील धोक्याची साक्ष देतात.याला जबाबदार कोण?
प्रशासनाकडून केवळ आश्वासने?
प्रत्येक मोठ्या अपघातानंतर सार्वजनिक बांधकाम विभाग आणि स्थानिक प्रशासनाकडून दुरुस्तीचे आश्वासन दिले जाते. मात्र, प्रत्यक्षात परिस्थिती ‘जैसे थे’ आहे. खड्डे भरण्याचे काम केवळ थातूरमातूर केले जात असल्याचा आरोप स्थानिक ग्रामस्थांनी केला आहे.
नागरिकांची मागणी
“आम्ही रोज जीव मुठीत धरून या रस्त्यावरून प्रवास करतो. प्रशासनाला जाग येण्यासाठी अजून किती बळी हवेत?” असा संतप्त सवाल एका नियमित प्रवाशाने व्यक्त केला.
या मार्गाचे तातडीने चौपदरीकरण करावे, ब्लॅक स्पॉट्सवर गतिरोधक बसवावेत आणि रात्रीच्या वेळी पुरेसा प्रकाश असावा, अशी मागणी आता जोर धरू लागली आहे.
थोडक्यात पण महत्त्वाचे:
प्रशासनाने याकडे तातडीने लक्ष न दिल्यास, परिसरातील संतप्त नागरिक येत्या काळात ‘रास्ता रोको’ आंदोलन करण्याच्या पवित्र्यात आहेत.
क्रमशः :-भाग -2
.🚧 🚨 अकलूज – वेळापूर रस्ता ! संघर्ष सुरु 🚨🚧 १५ फेब्रुवारीपासून संघर्ष योद्धा न्यूज पोर्टलने या रस्त्यावरील अडचणी उघडून सांगणारी वृत्तमालिका सुरू केली आहे.👥 नागरिक म्हणतात – “प्रत्येक दिवशी प्रवास हा दुःस्वप्न!”⏳ दिवसेंदिवस अडचणी वाढत आहेत🙏 अनेकांनी आभार व्यक्त केले – ‘कुणीतरी आमच्या अडचणी ऐकल्या!’🔥 आम्ही थांबणार नाही! रस्ता पूर्ण होईपर्यंत सातत्याने वृत्त प्रकाशित करत राहू!➡️ तुमच्या अनुभवांची माहिती द्या, समस्या, अनुभव सांगा.–
📲 ७८४१८४७४५८.
