अकलूज येथील सुतारनेट अंगणवाडी मध्ये हळदी कुंकू कार्यक्रमाचे आयोजन

अकलूज येथील सुतारनेट अंगणवाडी मध्ये हळदी कुंकू कार्यक्रमाचे आयोजन

अकलूज (प्रतिनिधी) एकात्मीक बाल विकास सेवा योजना प्रकल्प, अकलुज महिला बाल कल्याण विभाग जिल्हा परिषद सोलापूर अंतर्गत दि 23-1-2026, रोजी, सुतारनेट येथील अंगणवाडी मध्ये सेविका सुजाता संदीप शहा व मदतनीस प्रियंका रूपेश पोटे यांनी अंगणवाडी केंद्रात हळदी कुंकू कार्यक्रम घेतला

.यासाठी जिल्हा कार्यक्रम अधिकारी प्रशांत मिरकले व बालविकास प्रकल्प अधिकारी बालाजी अल्लडवाड तसेच अंगणवाडी पर्यवेक्षिका रंजना कदम यांच्या मार्गदर्शनाखाली कार्यक्रमाचे आयोजन करण्यात आले होते.

विधवा महिलांना सन्मान मिळावा. या दृष्टिकोनातून परिसरातील विधवा महिलांना देखील आवर्जून निमंत्रीत करण्यात आले होते.

यावेळी अंगणवाडी मधील मुलांना बोराने आंघोळ घालण्यात आली. महिला संरक्षकअधिकारी यांनी यावेळी महिलांविषयी चे कायदे, कौटुंबिक हिंसाचार, तसेच सावित्रीबाई फुले बाल संगोपन योजना, महिला बालविकास विभाग या योजनाची माहिती दिली.

अंगणवाडी सेविका सुजाता शहा यांनी महिला सक्षमीकरण, अंगणवाडी साठी असणाऱ्या विविध शासकीय योजना, लेक लाडकी योजना, प्रधानमंत्री मातृवंदना, बेबी किट याविषयी सविस्तर माहिती दिली.

कार्यक्रमासाठी पंचायत समिती चे विस्तार अधिकारी सूरज वासुदेव यांचे देखील मार्गदर्शन लाभले.कार्यक्रमासाठी राणी सातव यांचे विशेष सहकार्य लाभले

.या प्रसंगी अकलूज नगरपरिषद च्या नगराध्यक्षा रेश्माताई अडगळे, नगरसेविका मनीषाताई तिकोटे, प्रियंका लखन गायकवाड, प्रतिभाताई गायकवाड, नगरसेवक विलास क्षिरसागर, आदी मान्यवर उपस्थित होते

.अंगणवाडी मदतनीस प्रियंका पोटे यांनी सर्वांचे आभार मानले.