पैसे गुंतवणुकीवर अधिक परतावा देण्याचे अमिष दाखवुन फसवणुक करणारे इन्फिनिटी बीकॉन व सबंधीत इसमांविरुध्द अकलुज पोलीस ठाणेस गुन्हा दाखल
अकलूज (प्रतिनिधी)माळशिरस तालुक्यातील अकलूज येथील फिर्यादी महिलेला १) नवनाथ जगन्नाथ अवताडे, रा. फळवणी ता. माळशिरस जि. सोलापूर, सदया रा. राजश्री शाहु सोसायटी, बिबवेवाडी, पुणे, २) शुभम नवनाथ अवताडे, रा. फळवणी ता. माळशिरस जि. सोलापूर, सदया रा. राजश्री शाहु सोसायटी, बिबवेवाडी, पुणे, ३) सुवर्णा नवनाथ अवताडे रा. फळवणी ता. माळशिरस जि. सोलापूर, सदया रा. राजश्री शाहू सोसायटी, बिबवेवाडी, पुणे, ४) अशोक आगतराय पवार रा. उघडेवाडी ता. माळशिरस जि. सोलापुर, ५) उन्मा अशोक पवार रा. उघडेवाडी ता. माळशिरस जि. सोलापुर, ६) आदेश अशोक पवार रा. उघडेवाडी ता. माळशिरस जि. सोलापुर यांनी १) इन्फिनिटी बीकॉन फायनान्शिअल सर्विसेस २) आय बी प्रो डेस्क कंपणी ३) MASTERSYNERGY EDUTECH LLP या कंपणी काढुन फिर्यादी व गुंतवणुकदारास त्यांचे कंपणीमध्ये पैसे गुंतवणुकीवर प्रति महा १० टक्के परतावा देण्याचे अमिष दाखवुन फिर्यादी यांचेकडुन २४ लाख ५० हजार तसेच इतर १४ गुंतवणुकदारांकडुन मोठ्या प्रमाणात गुंतवणुका घेवुन त्यांना कोणताही परतावा न देता तसेच त्यांची गुंतवणुक रक्कम परत न देता फिर्यादी व गुंतवणुकदारांची खुप मोठी आर्थिक फसवणुक केलेली आहे.
म्हणुन वर नमुद कंपणीचे संचालक व एजंट यांचे विरूध्द अकलुज पोलीस ठाणेस गु र नं ८१५/२०२५ बी एन एस ३१८ (४), ३५१ (२), ३(५) सह महाराष्ट्र ठेवीदारांचे वीदारांचे (वित्त (वित्तीय संस्थांमधील) हितसंबंधाचे संरक्षण अधिनियम १९९९ कलम ३, ४ प्रमाणे फसवणुकीचा गुन्हा दाखल करण्यात आला आहेत. यातील आरोपीतांनी सोलापुर, पुणे, अहिल्यानगर जिल्हयातील बरेच नागरीकांकडुन मोठया प्रमाणे गुंतवणुक रकमा स्विकारल्याचे तपासामध्ये निष्पन्न होत असुन त्याची व्याप्ती मोठी आहे. त्यामुळे यातील गुंतवणुकदार व आरोपी यांची संख्या वाढण्याची शक्यता आहे.
चौकट:-
नागरीकांना आवाहन करण्यात येते की, १) इन्फिनिटी बीकॉन फायनान्शिअल सर्विसेस २)आय बी प्रो डेस्क कंपणी ३) MASTERSYNERGY EDUTECH LLP या किंवा अशा प्रकारच्या कंपणी मध्ये गुंतवणुक केलेल्या गुंतवणुकदारांनी त्यांची फसवणुक झाली असल्यास त्यांचे गुंतवणुकीचे कागदपत्रांसह अकलुज पोलीस ठाणेस तात्काळ संपर्क साधावा.
या गुन्हयाचा अधिक तपास मा. पोलीस अधिक्षक श्री. अतुल कुलकर्णी, मा. अप्पर पोलीस अधिक्षक श्री. प्रितम यावलकर, मा. उपविभागीय पोलिस अधिकारी श्री. संतोष वाळके, पोलीस निरीक्षक श्री. निरज उबाळे यांच्या मार्गदर्शनाखाली सहायक पोलिस निरीक्षक योगेश लंगुटे, पोहेकों अमोल बकाल, समीर पठाण हे करीत आहेत.
