हिंदवी स्वराज्य स्वातंत्र्य दिन पदयात्रेसाठी आलेल्या शिवभक्तांना शिवसृष्टी किल्ल्यामध्ये जाण्यास मज्जाव…..
संघर्ष योध्दा-प्रतिनिधी रणजितदादा गायकवाड
अकलूज (प्रतिनिधी )गुरुवार, दि- 15 ऑगस्ट 2024 रोजी सकाळी ठीक ८:०० वाजता हिंदवी स्वराज्य स्वातंत्र्य दिन पदयात्रेसाठी आलेल्या शिवभक्तांना शिवसृष्टी किल्ल्यामध्ये जाऊन पूजा करण्यासाठी अडवण्यात आले.
दरवर्षीप्रमाणे याही वर्षी 15 ऑगस्ट रोजी हिंदवी स्वराज्य स्वातंत्र्य दिन पदयात्रा निघत असते.त्या पदयात्रेचा प्रारंभ हा शिवसृष्टी किल्ल्यातील छत्रपती शिवाजी महाराजांना वंदन करून होत असतो.आणि शेवट जय शंकर उद्यान विजय चौक अकलूज या ठिकाणी होत असतो.
दरवर्षी छत्रपती शिवाजी महाराज यांची पुजा करण्यासाठी येणाऱ्या शिवभक्तांना शिवस्रुष्टी किल्ल्यामध्ये सोडण्यात येत होतं.परंतु यावर्षी किल्ल्यावरती उपस्थित असलेल्या शेख नामक चौकीदाराने गेटवरच अडवले व परवानगीशिवाय किल्ल्यामध्ये प्रवेश करता येणार नाही असे सांगितले परवानगी मागण्यासाठी त्यांना त्यांच्या वरिष्ठांचा संपर्क क्रमांक मागितला असता त्यांनी उडवा उडवी चे उत्तर दिले व माझ्याकडे नंबर नाही असे उत्तर दिले.
उपस्थित शिवभक्तांनी किल्ल्याचे सुपरवायझर यशवंत ठोंबरे यांना संम्पर्क करून परवानगी विषय विचारलं असता त्यांनी यशवंतनगर कारखान्याचे MD यांचा संपर्क क्रमांक दिला व त्यांच्याकडून परवानगी घेण्यास सांगितले. परंतु MD साहेबांनी सुद्धा परवानगी देता येणार नाही .आपण तिकीट खरेदी करून आत प्रवेश करून शकता असे सांगितले.
सर्व शिवभक्त तिकीट खरेदी करण्यास सुद्धा तयार होते पण तिकीट हे साडेनऊ नंतरच भेटेल असं त्यांना सांगण्यात आलं वेळेचं महत्त्व आसलल्यामुळे फक्त दोनच शिवभक्तांना आत जाऊन पुजा करून द्यावी अशी विनंती केली ती सुद्धा नाकारण्यात आली.
या प्रकारामुळे हिंदवी स्वराज्य स्वातंत्र्य दिन पदयात्रेस आलेल्या सर्व शिवभक्तांची मनं दुखावली गेली .तरीही शिवभक्तांनी कुठल्याही प्रकारचा गोंधळ नं करता.गेटच्या बाहेर उभा राहूनच त्या ठिकाणाहून हिंदवी स्वराज्य स्वातंत्र्य दिन पद यात्रेच्या ध्वजाचे पूजन करून तेथूनच त्यांनी पदयात्रा सुरू केली…
यापूर्वी कधीही अशा प्रकारे शिवभक्तांची अडवणूक केली जात नव्हती…मग आजच का असा प्रश्न शिवभक्तांनी उपस्थित केला व…. आसा प्रकार कोणात्याही शिवभक्तां बरोबर होऊ नये अशा कळकळीच्या भावना व्यक्त केल्या.
