सावित्रीबाई फुले मुलींचे वसतिगृह शेळगी सोलापूर त्वरित सुरू करण्यात यावे या मागणीसाठी सोलापूर चे खासदार डॉ. जयसिद्धेश्वर शिवाचार्य महास्वामी यांच्याकडे वसतिगृहातील विद्यार्थिनींच निवेदन.
अकलूज (प्रतिनिधी )सावित्रीबाई फुले मुलींचे वसतिगृह,शेळगी सोलापूर येथील वसतिगृह तात्काळ सुरू करणेबाबत तसेच भाडेवाढ कमी करणेबाबत सोलापूर चे खासदार डॉ. जयसिद्धेश्वर शिवाचार्य महास्वामी यांच्याकडे सावित्रीबाई फुले मुलींचे वसतिगृह शेळगी सोलापूर येथील वसतिगृहातील विद्यार्थिनीं यांनी निवेदन दिले.
यावेळी खासदार यांनी संबंधित यांना वसतिगृह तात्काळ सुरु करण्यासंदर्भात सूचना करतो. असे आवर्जून सांगितले.
या वसतिगृहात विविध वर्गात शिक्षण घेणाऱ्या विद्यार्थीनी आहेत . सध्याच्या २०२३-२४ या शैक्षणिक वर्षाकरिता विविध शाखांमधून महाविद्यालयामध्ये प्रवेश घेतलेला आहे. गेल्या वर्षी वसतिगृहामध्ये २०२२- २३ या शैक्षणिक वर्षाकरिता प्रवेश घेतला होता. मे २०२३मध्ये वसतिगृहाची सुधारणा करण्याची आहे असे सांगून परीक्षा चालू असतानाचे कालावधीमध्येच वस्तीगृह खाली करण्याचे आदेश दिले. त्यामुळे विद्यार्थीनी यांना बाहेर खाजगी भाड्याने खोल्या घेऊन व्यवस्था करावी लागली.
सध्या परीक्षेचे निकाल होऊन पुढील वर्गामध्ये प्रवेश घेतलेले आहेत. सध्या महाविद्यालयामधील सर्व तासिका नियमित सुरू झालेल्या आहेत. शाळा कॉलेज सुरू होऊन तीन महिने उलटून गेले आहेत.अशा परिस्थितीत आम्ही परगावहून येथे खाजगी खोल्यांची व्यवस्था करून राहण्यास आहोत. आमची आर्थिक परिस्थिती बेताचीच असल्याने महिना २०००/- रुपये भाडे देऊन राहण्याची व्यवस्था करणे शक्य होत नाही. त्यामुळे लवकरात लवकर वसतिगृह सुरू होणे शिक्षणाचे दृष्टीने आवश्यक आहे.
सध्याच्या २०२३-२४या शैक्षणिक वर्षाकरिता वसतिगृहामध्ये प्रवेश मिळावा व आमची समस्या दूर व्हावी या हेतू आणि उद्देशाने जिल्हा परिषदेच्या वस्तीगृहाच्या संबंधित अधिकाऱ्यांना वेळोवेळी अर्ज व निवेदने दिलेली आहेत. परंतु त्यांनी कोणत्याही प्रकारची आत्तापर्यंत गांभीर्याने दखल घेतलेली नाही.त्यातच वसतिगृहाचे प्रवेश:शुल्क वाढ झाल्याचे संकेतस्थळावर समजले. वसतिगृह तात्काळ सुरु करण्याबरोबरच वसतिगृहाच्या प्रवेश:शुल्कात वाढ करू नये ही सुद्धा प्रमुख मागणी आहे. आजतागायत विद्यार्थिनींचे खूप नुकसान झाले आहे आणि यास सर्वस्वी प्रशासन जबाबदार आहे.
विशेष म्हणजे भारतीय संविधानाने महिला आणि दुर्बल घटक यांचा दर्जा उंचावण्याकरिता अधिक प्राधान्य दिले असून,दुरुस्तीचे कारण सांगून वसतिगृह सुरू करण्यास विलंब लावणे हे निश्चितच भारतीय संविधानाच्या विसंगत आहे. वस्तीगृह बंद असल्याने आम्ही विद्यार्थीनी शिक्षणापासून वंचित राहत आहोत त्यामुळे वसतिगृह तात्काळ सुरु करुन वसतिगृहाची दुरुस्ती करता येऊ शकते,वसतिगृहाची इमारत हि दोन मजली असून ज्यावेळेस वसतिगृहाच्या वरच्या मजल्याचे काम चालू असेल तेव्हा आम्ही खालच्या माझ्यामध्ये राहून अशा प्रकारे वसतिगृहाच्या प्रशासनाला सहकार्य करू,वसतिगृह सुरू असताना दुरुस्ती करण्यासाठी काहीही अडचण येणार नाही याची आम्ही सर्व विद्यार्थीनी खात्री देतो.
त्यामुळे ग्रामीण भागातील मुलींचे निदान इथून पुढचे शैक्षणिक नुकसान टाळण्यासाठी तात्काळ वसतिगृह विद्यार्थिनींसाठी खुले करण्याचे आदेश देऊन सन २०२३-२४या शैक्षणिक वर्षा करिता वसतिगृह सुरू करण्याचे संबंधितांना आदेश करण्यात यावेत.अशी मागणी निवेदनात केली आहे.
