जिल्हा परिषद प्राथमिक शाळा, रावबहाद्दूर गट( बिजवडी ) येथे सीडबॉल निर्मिती कार्यशाळा
अकलूज (प्रतिनिधी )२८ जुलै, २०२३ रोजी पर्यावरण संवर्धनासाठी जिल्हा परिषद प्राथमिक शाळा रावबहाद्दूर गट(बिजवडी) येथे शाळेचे मुख्याध्यापक श्रीकांत राऊत सर यांच्या कल्पनेतून सीडबॉल निर्मिती कार्यशाळा आयोजित केली.*
*सदर कार्यशाळेत शाळेचे मुख्याध्यापक श्रीकांत राऊत सरांनी विद्यार्थ्यांना सीड बॉल कसे बनवायचे याबाबत मार्गदर्शन केले. त्यानंतर विद्यार्थ्यांनी माती, शेणखत, गोमूत्र यांचा उपयोग करून त्यामध्ये सिताफळ, रामफळ, करंज, चिंच, कडुनिंब, जांभूळ अशा विविध बिया वापरून प्रति विद्यार्थी 50 याप्रमाणे जवळजवळ 1000 सीड बॉल तयार केले. अजमीर फकीर सरांनी पर्यावरण रक्षणाच्या संदर्भाने झाडांचे महत्त्व विद्यार्थ्यांना सांगितले .
राऊत सरांनी सीडबॉलचा उपयोग करून वृक्ष लागवडीच्या बाबतीत विद्यार्थ्यांना माहिती दिली. तयार झालेले सीडबॉल प्रति विद्यार्थी वीस याप्रमाणे देऊन त्यांना शेतीच्या बांधावर ,रस्त्याच्या कडेला, मोकळ्या जागी लागवड करण्यास सांगितलेले आहेत. उरलेले सीडबॉल पर्यटनासाठी जाणाऱ्या शिक्षकांना,विद्यार्थ्यांना देऊन ते त्यांना डोंगराळ भागात, मोकळ्या जागी लागवडीसाठी दिले जाणार आहेत.**
सदरच्या कार्यशाळेचे शाळा व्यवस्थापन समितीच्या अध्यक्षा सौ. आशा भजनावळे, सदस्या सौ. दिपाली लोखंडे, तंटामुक्त समितीचे अध्यक्ष मनोज शिंदे यांनी कौतुक केले.*
