निमगाव जिल्हा परिषद प्राथमिक शाळेतील शिक्षक सुहास जयराम उरवणे यांची बदली झाल्याने विद्यार्थ्यांनी फोडला हंबरडा
अकलूज (प्रतिनिधी )माळशिरस तालुक्यातील निमगाव जिल्हा परिषद प्राथमिक शाळेतील शिक्षक सुहास जयराम उरवणे हे 2018 ते 2023 या कालावधीमध्ये निमगाव जिल्हा परिषद शाळेमध्ये कार्यरत होते. त्यांची निमगाव मधून अकलूज पंचवटी या ठिकाणी बदली झाली आहे.त्यांनी गेल्या पाच वर्षांमध्ये निमगावची शाळा अतिशय प्रगतीपथावर नेली आहे. या शाळेमध्ये गेल्या पाच वर्षात लोकवर्गणीच्या माध्यमातून शाळेतील विद्यार्थ्यांना जवळपास 11 लाख रुपयाचे थेट विद्यार्थ्यांना बेनिफिट दिले आहे. त्यामध्ये वह्या, कंपास,स्कूल बॅग,बुट, सॉक्स, टॉय, बेल्ट, सायकल बँक यासारखे अनेक उपक्रम त्यांनी शाळेमध्ये राबवले होते.तसेच सायकल बँकेच्या माध्यमातून त्यांनी शाळेचे व गावाचे नाव जिल्ह्यात राज्यात व देशपातळीपर्यंत पोहोचवले. आणि या सर्व कामाच्या माध्यमातून शाळेला पुरस्कारही मिळवून दिले व यांची नुकतीच निमगाव जिल्हा परिषद शाळेतून अकलूज पंचवटी या ठिकाणी बदली झाली आहे. ते निमगाव शाळेतून निरोप घेताना शाळेतील सर्व मुलांनी हंबरडा फोडला.
