प्रतिनिधी अकलूज
संत तुकाराम महाराज पालखी सोहळ्याच्या निमित्ताने व आगामी निवडणुकांच्या पार्श्वभूमीवर काँग्रेसचे जिल्हा अध्यक्ष डॉ धवलसिंह मोहिते पाटील यांच्या निवासस्थानी केंद्रीय सरचिटणीस सुशीलकुमार शिंदे व विद्यमान प्रदेश अध्यक्ष नाना पटोले यांच्या उपस्थितीत जिल्हा पदाधिकाऱ्यांची शनिवारी बैठक झाली. शनिवारी संत तुकाराम महाराज पालखी सोहळ्याचे सोलापूर जिल्ह्यात आगमन होणार असल्याने सोहळ्याचे स्वागतासाठी सुशीलकुमार शिंदे व नाना पटोले हे येणार असल्याने प्रतापगड धवलनगर या ठिकाणी या बैठकीचे आयोजन केले होते. सुरुवातीस शिंदे व पटोले या नेत्यांनी संत तुकाराम महाराज पालखी सोहळा प्रवेशास व त्यानंतरच्या रिंगण सोहळ्यास उपस्थिती लावली.त्यानंतर पुरंदावडे येथे आलेल्या ज्ञानेश्वर महाराज पालखी सोहळ्यातील गोल रिंगण सोहळ्यास उपस्थित झाले. व त्यानंतर ते या बैठकीस हजर झाले.काँग्रेसचे जिल्हा अध्यक्ष डॉ.धवलसिंह मोहिते पाटील यांनी सर्वांचे स्वागत केले.यावेळी उपस्थित नाना पटोले व पक्षाचे जेष्ठ नेते माजी आमदार रामहरी रूपनवर व मोहिते पाटील यांनी जिल्ह्यातील पदाधिकाऱ्यांना त्यांनी आगामी निवडणुकांच्या पार्श्वभूमीवर भाजपचे धोरणांवर,राज्यातील शिंदे फडणवीस सरकारचे धोरणांबाबत मार्गदर्शन करून तयारीला लागण्याचे आदेश दिले. बैठकीच्या वेळेसच पावसाने हजेरी लावल्याने सुरुवातीस थोडासा विस्कळीतपणा आला होता.मात्र त्यानंतर सारे सुरळीत झाले.यावेळी ओ बी सी चे प्रदेश उपाध्यक्ष सुधीर लांडे,गिरीश शेटे,महीला अध्यक्षा शहीन शेख,जिल्हा सरचिटणीस भिमराव बाळगी,वरिष्ठ उपाध्यक्ष सातलींग शटगार,सांस्कृतिक विभागाच्या अध्यक्ष कविता कदम,जिल्हा निराधार निराश्रित चे अध्यक्ष सुरेश हावळे,जिल्हा संघटक रमेश हसापूरे,उपाध्यक्ष आण्णासाहेब इनामदार,आण्णासाहेब शिंदे,राहुल पाटील,अशोक देवकाते,वसीम शेख अल्पसंख्यांक अध्यक्ष,दक्षिण सोलापूरचे अध्यक्ष हरीश पाटील,उत्तरचे शालिवाहन माने देशमुख,मोहोळचे सुलेमान तांबोळी, मंगळवेढ्याचे प्रशांत साळे,पंढरपूरचे हनुमंत मोरे, करमाळ्याचे गुलाबराव जगताप,बार्शीचे सतीश पाचकुदळे,माळशिरसचे सतीश पालकर,मोतीराम चव्हाण,कांतीलाल राऊत,संग्राम चव्हाण,अक्षय शेळके,अकलूज शहर अध्यक्ष नवनाथ साठे, चौंडेश्वरवाडीचे सरपंच शिवाजीराव इंगवले देशमुख,सुदर्शन मिसाळ,अरुणा बेंजारपे,सुधीर रास्ते,पोपट काळे,विकास रणशिंग, ज्योती कुंभार आदी उपस्थित होते.
