आ. रणजितसिंह मोहिते पाटील यांच्या पाठपुराव्यामुळे अकलुज मधील जयसिंहचौक-गांधीचौक-मंडई-मसुदमळारस्ता लवकरच दुरुस्त होणार
अकलूज (प्रतिनिधी )अकलुज मधील जयसिंहचौक-गांधीचौक-मंडई-मसुदमळा हा रस्ता गेल्या अनेक वर्षापासून दुरुस्ती च्या प्रतीक्षेत होता. रस्त्यावर ठिकठिकाणी मोठे खड्डे पडल्यामुळे रहदारी ला अडचण निर्माण होत होती. या रस्त्यावर ये -जा करणे जिकिरीचे ठरत होते. या रस्त्या संदर्भात अनेक नागरिकांनी बांधकाम विभाग यांचेकडे तक्रारी केल्या होत्या. परंतु हा रस्ता आमच्या अख्त्यारीत नाही. नॅशनल हायवे कडे आहे. असे सांगून दुर्लक्ष केले जात होते. परंतु आ.रणजितसिंह मोहिते पाटील यांचे माध्यमातुन मुंबई मंत्रालय येथे सार्वजनिक बांधकाम विभागाचे सचिव .साळुंखे साहेब,चिफ इंजिनीअर अतुल चव्हाण साहेब,महाराष्ट्र राज्य रस्ते विकास महामंडळाचे अधिक्षक अभियंता,तसेच नॅशनल हायवे चे नारायणकर यांचे प्रमुख उपस्थितीत माळशिरस तालुक्यातील रस्त्यांच्या प्रश्नांसंबधी बैठक पार पडली. यावेळी अकलुज मधील जयसिंहचौक-गांधीचौक-मंडई-मसुदमळा हा रस्ता सार्वजनिक बांधकाम विभागाकडे वर्ग करण्याचा निर्णय घेण्यात येवुन या रस्त्याची तत्काळ दुरुस्ती करण्याच्या सुचना संबधित अधिकार्यांना देण्यात आल्या. प्रसंगी अकलुजचे मा.सरपंच शिवतेजसिंह मोहिते पाटील, सार्वजनिक बांधकाम विभागाच्या कार्यकारी अभियंता सुनिता पाटील मॅडम,नगरपालिकेचे मुख्याधिकारी दयानंद गोरे उपस्थित होते.हा रस्ता सार्वजनिक बांधकाम विभाग यांचेकडे वर्ग करण्यात आल्यामुळे हा रस्ता लवकरच दुरुस्त होणार असल्यामुळे नागरिकांमधून समाधान व्यक्त होत आहे.
