अकलुज नगरपरिषदेचे प्रधानमंत्री आवास योजनेत समावेश; २१ एप्रिल नगरपरिषदेत अर्ज जमा करण्याची अंतिम तारीखअ
कलुज (प्रतिनिधी ) : अकलुज नगरपरिषद हद्दीतील नागरिकांना कळविण्यात येते की अकलुज नगरपरिषदेचा केंद्र शासन पुरस्कृत प्रधानमंत्री आवास योजनेमध्ये समाविष्ट झालेला आहे. या योजनेअंतर्गत वैयक्तिक घरकुल बांधण्याकरिता एकूण २.५ लक्ष अनुदान स्वरूपात मिळणार आहे .तरी जो नागरिक अकलूज नगरपरिषद हद्दीतील रहिवासी आहे, त्याचे इतरत्र ठिकाणी पक्के घरे नाही आणि स्वतःच्या मालकीची जागा आहे. व नागरिकांना स्वतःची पक्के घरे बांधायचे आहे या नागरिकांनी या योजनेचा लाभ घेण्यासाठी आवश्यक कागदपत्रासह फार्म नगर परिषद कार्यालयामध्ये दि. २१ एप्रिल २०२३ पर्यंत जमा करावा. शहरातील सर्व इच्छुक नागरिकांनी या योजनेचा लाभ घ्यावा असे आवाहन अकलुज नगरपरिषदेचे मुख्याधिकारी दयानंद गोरे यांनी केले आहे.अकलूज नगरपरिषद अकलूज हद्दीत ‘प्रधानमंत्री आवास योजना’ सुरू करण्यास मान्यता मिळाली आहे. तरी, लाभार्थ्यांनी अकलूज नगरपरिषद कार्यालयाकडे २१/०४/२०२३ पर्यंत कार्यालयीनवेळेत अर्ज दाखल करण्यात यावेत.सदर प्रसिध्दीकरण BLCC या घटका अंतर्गत देण्यात येत आहे. आर्थिक दुष्ट्या दुर्बल घटकातील (EWS) नागरी रहिवासी ज्यांचे स्वतःच्या मालकीचे जमीन आहे. अशा जमिनीवर प्रधानमंत्री आवासयोजनेचा लाभ मिळू शकेल.पात्रता अटी व शर्ती -स्वमालकीची किमान ३० चौ.मी. इतकी जागा असणे आवश्यक आहे. लाभार्थ्यांचे वार्षिक उत्पन्न ३ लक्ष पर्यंत मर्यादित असणे आवश्यक आहे. लाभार्थ्यांचे भारतात अन्य कोठेही स्वमालकीचे पक्के घर असता कामा नये.आवश्यक कागदपत्रे -विहित नमुन्यात अर्ज, आयडेंटी साईज फोटो. रेशन कार्ड, मतदान कार्ड झेरॉक्स * पॅन कार्ड झेरॉक्स (लाभार्थी ),आधार कार्ड झेरॉक्स (रेशनकार्ड मधील नावे असलेल्या सर्व व्यक्तींचे), ७/१२ उतारा,नं नं ४३ चा उतारा, सिटीसर्वे उतारा, जागेची खरेदी खताची झेरॉक्स / फेरफार, लाभार्थ्यांचा सध्याचा घरासोबतचा फोटो,तहसिलदार यांचा ३ लक्ष आतील उत्पन्न दाखला.इत्यादी कागदपत्रे सादर करून अर्ज करावा.वरील गोष्टींची पुर्तता काणारे लाभार्थ्यांचे मराठी मध्ये प्रतिज्ञापत्र व हमीपत्र शासनाव्दारे निर्धारीत आर्थिक अटी स्विकारतो. आवश्यक आर्थिक योगदान देण्यास तयार आहे. देशात कोठेही पक्के घर नाही. चालू वार्षिक कर भरलेली पावती.राष्ट्रीयकृत बँक पासबुक झेरॉक्स.इत्यादी कागदपत्रे सादर करून अर्ज करावा.असे आवाहन करण्यात आले आहे.
