अखेर आ.रणजितसिंह मोहिते पाटील यांच्या प्रयत्नांना यश ; आष्टी तलावासाठी ४० कोटी मंजूर …!! मोहोळ तालुक्यातील आष्टी उपसासिंचन योजना म्हणजे तालुक्यांतील दुष्काळी गावांना हरित क्रांतीचे स्वप्न दाखवणारी योजना. आष्टी हा ब्रिटिशकालीन तलाव. या मोठ्या तलावातील उपसा पाण्याने कित्येक हेक्टर शेत जमिनी ओलिताखाली येऊ शकतात; याच आष्टी तलावासाठी उजनी धरणातील कालवाद्वारे सोडण्यासाठी ०.९० टीएमसी पाणी राखीव आहे. त्या पाण्याचा उपयोग दुष्काळी भागात नंदनवन फुलवन्यासाठी व्हावा याच उदात्त भावनेने भाजप व शिवसेना युती सरकारने १९९६ – १९९७ साली ९ हजार हेक्टर क्षेत्र ओलितखाली आणण्यासाठी आष्टी उपसा सिंचन योजना मंजूर केली. या योजनेमुळे आष्टी तलाव परिसरातील मोहोळ तालुक्यातील ११ गावे व माढा तालुक्यातील ३ गावे अशी एकूण १४ गावे सिंचनाखाली येणार आहेत. मात्र मंजुरीनंतर कित्येक वर्ष या योजनेकडे दुर्लक्ष झाले. चातकासारखी पाण्याची वाट पाहणाऱ्या शेतकऱ्यासाठी पुन्हा त्यासाठी २०१४ साल उजाडावे लागले व त्याचवेळी भाजप शिवसेना युतीचे सरकार आले. त्यावेळी या आष्टी उपसासिंचन योजनेस तत्कालीन मुख्यमंत्री मा. देवेंद्र फडणवीस यानी प्रशासकिय मंजुरी दिली होती. या योजनेचा शुभारंभ तत्कालीन जलसंपदा मंत्री मा. गिरीषजी महाजन यांच्या हस्ते झाला. या योजनेसाठी व कालव्याच्या निर्मितीसाठी २५ कोटी रुपये अधिवेशनात मंजूर करण्यात आले होते. आष्टी तलाव हा १ टीमसी क्षमतेचा आहे. अनेक गावांच्या पाणी पुरवठा योजना व लागवडीखालील क्षेत्र या तलावावर अवलंबून आहेत.खूप वर्षांपासून या तलावाच्या डागडुजीकडे लक्ष दिले नव्हते. त्यामुळे तलावाची अत्यंत दुर्दशा झाली होती. तलावाच्या बंदार्याला भेगा पडल्या होत्या. त्यामूळे तलावाची साठवण क्षमता कमी झाली होती. त्यावेळी मोहोळ तालुक्यातील पेनूर, आष्टी, येवती, खंडाळी, पापरी व रोपळे या गावातील काही शेतकरी व ग्रामस्थ चिंतातुर झाले होते. तेव्हा या भागातील शेतकरी व नेतेमंडळींनी आ. रणजितसिंह मोहिते पाटील यांना भेटले व तलावाच्या दुरूस्तीसाठी व अर्धवट राहिलेल्या आष्टी योजना पूर्ण करण्यासाठी शासन दरबारी प्रयत्न करावेत, ही विनंती केली. आ.रणजितदादांनी सर्व प्रशासकीय माहिती घेऊन नागपूर येथील २०२२ च्या हिवाळी अधिवेशनात रखडलेली आष्टी उपसा सिंचन योजने पूर्ण करण्यासाठी शासन स्तरावरून काय प्रयत्न चालू आहेत ? या संबंधी प्रश्न उपस्थित केला होता. या प्रश्नास उत्तर देताना उपमुख्यमंत्री देवेंद्र फडणवीसजी यांनी उत्तर दिले की; कालवाच्या कामासाठी व पाण्याच्या वितरण व्यवस्थासाठी नवीन अंदाजपत्रक व निविदा काढण्याचे काम चालू आहे. विधान परिषदेत फक्त प्रश्नचं उपस्थित केला नाही तर आ. रणजितदादा यांनी जलसंपदामंत्री यांची त्यांच्या दालनात भेट घेऊन वारंवार पाठपुरावा केला. आज अखेर त्या सर्व प्रयत्नांना व पाठपुराव्याला यश येऊन या २०२३-२४ च्या अर्थसंकल्पीय अधिवेशनात मा. उपुख्यमंत्री व अर्थमंत्री देवेंद्र फडणवीसजी यांनी आष्टी तलावासाठी ४० कोटी रुपये मंजूर केले आहेत. हि बातमी कळताच या परिसरातील लोकांनी आनंदोत्सव साजरा केला व आमदार रणजितसिंह मोहिते पाटील व राज्य सरकारचे धन्यवाद मानले. यामुळे मोहोळ तालुक्यातील आष्टी परिसर आता दुष्काळ व पाणी टंचाईच्या जोखडातून बाहेर पडण्यास नक्कीच यशस्वी सुरुवात होईल व इथला बळीराजाच्या शिवारात नक्कीच हरित क्रांती होईल; हा आशावाद आता बळकट झाला आहे. आष्टी परिसर व मोहोळ तालुक्याच्या सर्वांगीण विकासासाठी विशेष सहकार्य केल्याबद्दल मुख्यमंत्री मा. एकनाथ शिंदे साहेब, उपमुख्यमंत्री मा. देवेंद्र फडणवीसजी व रणजितसिंह मोहिते पाटील साहेब यांचे समस्त आष्टी तलाव परिसरातील १४ गावांच्या जनतेच्या वतीने खूप खूप आभार…!!
श्री. रणजित चवरे, पेनुर ता.मोहोळ.उपाध्यक्ष, भारतीय जनता पार्टी,सोलापूर जिल्हा.
