नर्सरी व्यवसायांतील दीपस्तंभ….. कुबेर रेडे….!!!
माळशिरस तालुक्यातील मौजे महाळुंग येथील सुप्रसिद्ध कुबेर नर्सरीचे सर्वेसर्वा कुबेर महादेव रेडे यांनी आपल्या शेती व्यवसायामध्ये विविध प्रयोग करीत नवनव्या संकल्पना राबवीत शेतीला पूरक असा व्यवसाय सुरू करून शेतीमध्ये आमुलाग्र बदल घडवून आणले. आज त्यांची या क्षेत्रामध्ये यशस्वी घोडदौड सुरू आहे, त्यांनी आपल्या शेतीमध्ये कुबेर नर्सरीची निर्मिती करून या नर्सरीमध्ये सुरुवातीला भाजीपाला पिके व शेतीला पूरक अशी पिके घेण्यास सुरुवात केली. याबरोबर कोकोपीट प्रो स्ट्रेट प्लास्टिक ट्रे मध्ये कोबी, फ्लॉवर ,मिरची ,ढो मिरची, शेवगा, पपई, झेंडू, कलिंगड, खरबूज, काकडी अशी रोपवाटिका विकसित केली .याचबरोबर पाडेगाव संशोधन केंद्र व मांजरी ऊस संशोधन केंद्र येथील नव नवीन विकसित उसाच्या जातीचे बेणे आणून एक डोळा ऊस रोपवाटिका सुरू करून वाजवी किमतीत पंचक्रोशीतील शेतकऱ्यांना रोपांची विक्री सुरू केली .कुबेर नर्सरी च्या माध्यमातून दर्जेदार रोपांची निर्मिती करून शेतकऱ्यांना पुरवण्यास त्यांनी सुरुवात केली. आणि त्यातूनच त्यांना भरघोस असा नफा भेटत गेल आणि शेतकऱ्यांच्या विश्वासाच्या जोरावरती त्यांनी डाळिंब चिकू याबरोबरच नारळ व विविध फळझाडांच्या रोपांची निर्मिती करून विक्रीस उपलब्ध करून दिली आज शेतकऱ्यांची विश्वासार्हता जपल्यामुळे त्यांच्या नर्सरीतील रोपांना अतिशय मोठ्या प्रमाणात मागणी होत आहे .विविध प्रकारच्या फळझाडांसोबतच त्यांनी गुलाब व शोभिवंत फुलांच्या रोपांची निर्मिती करून उपलब्ध करून दिल्यामुळे त्यांनाही मोठ्या प्रमाणात मागणी होत आहे. अतिशय नियोजनबद्ध अशी नर्सरी आपल्याला या ठिकाणी पाहायला मिळते. या नर्सरीमध्ये विविध प्रकारची फुलझाडे ,फळझाडे याबरोबरच शेतीला उपयोगी ठरणारी विविध प्रकारची रोपे या ठिकाणी स्वस्त व रास्त दरात भेटत आहे त्यामुळे कृषी क्षेत्रातील एक नावाजलेली नर्सरी नावा रूपास कुबेर नर्सरी या नावाने दमदार ओळख निर्माण झाली. या सर्वांची दखल घेऊन भारतीय समाज विकास संस्था मुंबई , येथे कृषी वैभव पुरस्कार तसेच 2006 आली प्राइडऑफ नेशन या पुरस्काराने त्यांना सन्मानित करण्यात आले. याबरोबरच जिल्हा परिषद सोलापूर यांचा 2010 व11 चा शेतीनिष्ठ पुरस्कार मिळाला याबरोबरच त्यांच्या कामाची दखल घेऊन कृषी विभाग महाराष्ट्र शासन कृषी विभाग 2011 12 चा कृषीनिष्ठ हा पुरस्कार देण्यात आला. कृषीनिष्ठ प्रचार व प्रसिद्धी बद्दल जि. प. सोलापूरचा कृषीनिष्ठ पत्रकारिता पुरस्कार मिळाला. तसेच कृषी तंत्रनिकेतन अकलूज यांचा उत्कृष्ट शेतकरी पुरस्कार 2012 रोजी मिळाला. असे विविध पुरस्कार त्यांच्या यशाच्या शिरपेचात प्रकर्षाने मानाचा तुरा बनुन त्यांच्या यशोगाथेची उंची वाढवत गेले! त्यांची एक यशाची वेगळी ओळख निर्माण झाली. आज सर्वत्र त्यांचे कौतुक होत आहे.✍🏻 विजय चव्हाण.
